## تجمع معلمات تعيين يديد##

[ذكريات عشاق]

المهم بنات خلوني اقولكم شنو صار معاي اليوم


رحت الوزارة وزحمة مو طبيعيه وفوضى
ونطرت دور ولما وصل رقمي
رحت للموظفة وسالتها عن سبب التاخير وان البنات اللي معاي كلهم تقريبا دقوا عليهم
والا تقول اي احنا علينا ضغط وانشالله هاليومين راح ندق عليكم
وسالتها صج انه 21/8 اخر يوم راح تتصلون علينا فيه قالت لا من قال
وتقول لاتحاتين مدام اسماىكم عندنا فراح ندق هالاسبوع انشالله


الحمدلله صج تعب ومشوار على الفاضي بس ارتحت كنت احاتي لايكو في خطا او شي بس الحمدلله ارتحت وهذا انا ناطرتهم يدقون

 

[وحدة من الناس *]

وييييه ذكريات من صجج طلعتي منهم !! كل البنات ما انطرو يتصلون فيهم وخلصو شغلهم ماشاء الله !!

وبعدين بنات انا قلت لكم بسوي تجمع الدورة من زمان بس ناطرة يصير 1/9

على الاقل ما اقدر احطه الحين وتصير سوالفنا عن اشياء ثانيه

 

[jen2n]

ترا طلع صج بنات الثانوي الطالبات يدامون 19/9 توا واصلني واتس اب ،، وعطله نص السنه تفشل من 29/1 -9/2،،واخر السنه الثانويه من 28/6-2/9

 

[المؤرخة 2011]

ذكريات العشاق انا لو منج انجان ما طلعت منهم الا ومخلصه شغلي وايد ناس اقعدو حنجو عليهم لما قالو لهم روحو الشؤون الماليه عشان تنطبع لكم الورقه

 

[sadan111]

شوفي زارا اللي بالكوت ليش دايم نلقى فيه ححلو ودايم شغلات ححلوة
حتى مرات البضاعه ماتخلص بسسرعه
لان يعتمد على سكان المناطق اللي هني تلقينهم ما يفضلون مثل هالملابس فانا لاحظت شغلات وايد من سكنا اهني بالمنطقة هذي والا انا قبل كنت معاكم بس انتقلنا هني

حسبالج انه سكان المنطقه اذا عندهم جمعات حريم يظلون بالعبايه اللي يلبسونها برا البيت
لا يلبسون احلى من اللي تشوفينه بزارا الكوت عشان جذي البضايع ما تخلص بسرعه لانها ما ترضي أذواقنا فنروح داخل نلقى بضاعه أحلى من الكوت ههههه

 

[وحدة من الناس *]

بنات اشفيكم كليتو البنيه

ترا وضحت الكلام اللي قالته

ولا تفسرون الكلام مثل ما تحبون وتفهمون

وبعدين حبكتو على هالجمله!

اصلا ما شفت لكم تعليقات بهالتجمع من قبل!

 

[Q8Buying]

ليش ما تبدون تجمع الدورة

عشان نبدأ توقعاتنا حولها وجذيه

 

[وحدة من الناس *]

بس بتنقلب سوالف ثانيه بعدين Q8buying

وفي بنات للحين ما اخلصو من شغل المنطقه التعليميه

 

[ذكريات عشاق]

حسبالج انه سكان المنطقه اذا عندهم جمعات حريم يظلون بالعبايه اللي يلبسونها برا البيت
لا يلبسون احلى من اللي تشوفينه بزارا الكوت عشان جذي البضايع ما تخلص بسرعه لانها ما ترضي أذواقنا فنروح داخل نلقى بضاعه أحلى من الكوت ههههه

خخخير خخخير شفيكم كل وحده داشه بشرها:eh_s(14):
انا ماتكلمت وقلت مايعرفون يلبسوون ولا قلت مو ذربين ولاقلت ما يعرفون يشترون
انا شرحت وجهة نظري بالرد اللي قبل لكن اللي ماعندها ثقة بنفسها مشكلتها مو مشكلتي
وعلى فكرة واقولها ثاني ترى انا من سكان هالمنطقة
استغفر الله بسسسسس شنو هالتفكير اللي عليكم يعني انا ماقصدت شي تجون تقولون شي انا ماقلته رجاءا اللي بتقعد تالف على كيفها لاتكلمني ولا ترد على شي بكيفه

تكبرون سوالف وتسببون حزازية وتسوون مشاكل عشان شي ماصار ومايسوى

 

[ذكريات عشاق]

شسوي بنات اليوم كان حده فوضى وزحمة حتى الارقام ينادونه بصوتهم والناس على بعض وماكو تنظيم
والموظفة قالت لا تحاتين اكيد هالاسبوع بندق
انشالله خخيرة من ربي
واذا هالاسبوع مادقوا بروح لهم الاسبوع الياي

 

[وحدة من الناس *]

بنات ما تدرون ليش جنان ما قامت تدخل؟

 

[fri2010]

حبيبتي انا وجهت الكلام لهاا يعني سوري مو لج

ايه حبيبتي بس انا اللي فتحت الموضوع :eh_s(15):

 

[fri2010]

جنان جنها قالت بتسوي عمليه ليزك صح؟

 

[أنـوآر الـكويـت]

قوووة بنات
شلونكم

بقولكم شغله قاعده افكر فيها
صدمتني لما عرفتها :/

رفيجتي قبل شوي تسولف معاي
جان تقول لي انا اليوم داومت بالمدرسه من باجر شرحت
وان اغلب الموجهين يحبون يفاجئون الابلات فيزورون اول اسبوع دوام للطلبه

الحين احنا اخر يوم لنا بالدوره الثلاثا 13-9 واحتمال كبير هااليوم مايكون فيه شي
عندهم اسبوعين اكيد قالو كل شي واخر يوم بس يعلمونا مدارسنا ويقولون روحو من اليوم محسوب
ولو رحنا الطلبه بيكونون مداومين ( الابتدائي)من تاريخ 11 يوم الاحد
بالله عطتنا المدرسه الاولى الكتب وقالت هذي مراحلج وهذا جدولج ومن باجر تبدين شرح
شلون؟؟ ماعندنا خبره او خلفيه تسعفنا لان عالاقل بيكون عندي حصتين وكل درس غير ومحتاج وسائل
ودفتر التحضير شلون عليه ماعرف نظامهم دفتر عادي او ملف في اقسام موجهينهم يمنعون الملف
مادري بنات شقاعده اخربط
بس قويه اليوم نداوم باجر ندش نشرح واحتماليا ناظره ياوكيله يا مدرسه الاوله يا الموجهه تدش
اول مره الفكره الي راح ياخذونها عنا راح تظل ببالهم
مانبي ندش نشرح اي كلام ووسائلنا عالماشي لان الوقت ما أسعفنا

طبعاً هالمشكله بتواجه ابلات الابتدائي ورياض الاطفال

 

[صدقني@صعبه]

انوار حبيبتي شووفي
انا كنت ميداني الكورس اللي فات وطبعاا اخذ خبره من ريسه قسمي قالت استحاله اول اسبوع من الدوامات احد يدخل عليج
اولا عشان تقدرين تظبطي الفصل يعني سيطره على الطلبه وبعدين توزيع الاماكن والحالات الخاصه وبعد تقدين تاخذين فكره على المنهج وطريقه اعداد الحصه ومن هالسوالف

بس بسالكم

محد اتصل عليكم عشان تاخذون اوراق الدوره من المنطقه ؟
اهم قالوا اليوم تنصل عليكم بس محد اتصل
بشرووونااا عشان نستفيد؟

 

[fri2010]

ايه والله انوار الكويت صح كلامج حتى انا احاتي هالنقطه

بس ليش ما تحطين كلامج كموضوع ونشوف راي الابلات بهالامور؟

 

[fri2010]

صدقني صعبه انا عطوني اوراق الدوره الحمدالله

 

[أنـوآر الـكويـت]

fri2010

سألت رفيجتي وبنت خالتي كلهم قالو

اليوم داومنا باجر دشينا شرحنا

انا باطه جبدي سالفه دفتر التحضير لول

لان مايمدي ارد وانام شوي واقعد اروح اشتري من المكتبه دفتر تحضير
وارد احضر لحصص باجر ووسائلهم

 

[صدقني@صعبه]

بناااااااات انا احاتي ارؤؤؤؤح لهم باجر يعني واخلص الباجي
انزين فراي حددوا لج المدرسه ولا بعد؟

 

[fri2010]

صاجه حبيبتي انوار الكويت سمعت من وايد بنات قالو جذي

من جذي اقول لج ليش ما تحطين موضوع عشان نعرف اشلون نتصرف اذا صادفنا هالشي

لا حبيبتي صدقني صعبه ما حددو لي المدرسه بس حددو المرحله حطوني ثانوي