مايشتاقلي !!

[rosegold]

السلام عليكم بنات
انا صارلي 6 سنوات متزوجه , زوجي طيب ويعاملني باحترام وانا أعامله بالمثل , يعنى مابينه مشاكل ( مشاكلنا بسيطه بنفس الوقت انحلها ) ومايرضى على زعلي لو ازعل اراضيني ولو أطلب منه شي على طول ألقاه عندي , بنات مشكلتي انه زوجي مايحسسني انه يبيني , أوضح أكثر يعني اذا نمت في بيت أهلي عادي عنده مايشتاق لي ان شاء الله انام اسبوع , بالنفاس الزوج يوله على زوجته ويحن عليها متى ترد بيتها , انا أقعد اكثر من 40 يوم ما يكلف على نفسه ويسألني متى بتردين !! مره فتحت له الموضوع وقتله ماسالتني متى بتردين ؟ قالي هذا بيتج ومكانج متى ماتبين اتردين ردي لو ألحين بتين تعالي !!! واااي انقهر حدي ليش جذي ابي احس انه يبيني , ماعنده طلعات وايد حده الدوانيه والدوام انا ماأشك فيه , بس ايجابل الاب توب وايد وايد والواتس اب إللي الحين هابيين فيه , يعني انا نايمه يمه لابسه ومتسنعه وهوا لاهي بالواتس اب تخيلوااا !!! او يقرا الجرايد بالاي فون !!! والله بنات انقهر حدي لما اقوله ليش ؟ انا ياله اشوفك هالوقت ابي اسولف معاك ويهده ليش انا قتله وينطرني بس انام يرد يشيك مره ثانيه !!
طلبتكم اللي عندها حل لاتقصر ويااي الله لايحرمني منكم ولا من نصايحكم يارب

 

[زوجة عزيز]

الله يسخره لج ان شاء الله البنات يفيدونج

 

[نقاء المطر]

طيب ليه ماتحاولين تفاتحينه بهالموضوع
عادي قولي عن كل اللي بخاطرج
اوحاولي بطريقه ثانيه اذا جالس يقرا بالايفون تعالي واخذي الايفون بدلع وانتي تقولين لها كلمه حلو وعليج بالباقي
وخواتي ماراح يقصرون بيفدونج اكثر مني

 

[حزني عم المكان]

دام يقابل اللاب توب والواتس اجل الله يخلف عليك

انتبهي لرووحك

 

[نور الدنيا 88]

لاعادي حبيبتي لا تكبرين الموضوع كل الرياايل بس ماسكين التلفون و يحوسون بهالنت
عادي انتي لبسي و اهتمي بروحج عشان لا يطلع عليج الغلط
خليه عراحته

 

[منووله مشعل]

حاااااااولي تتبعين معاه اسلوب التشويق..؟!

يعني فاجاه يوم عن يوم بشي جديد بحياتج سواء من ناحيه شكلج من لبس وميكب وغيرة او من ناحيه تربيت وتغير وتعطير وتزيين البيت خلي باله ينشغل معاج ويفكر انتو اليوم وش مسويتله ؟؟

خليه حتى لوو اخذتي ايام ما سويتي شي خليه يجي ينطر انه يشوف شي جديد ...

الله يوفقج ويهديه لج ويهديج له يارب ...

اتمنى اني فدتج...

 

[LeeMa q8]

عسى الله يسخرلج رجليج يارب

 

[دلع العتبان]

والله لاتفاتحينه ولاشي طنشيه وخليج مثل رفيجتج رافجيه لاتضغطين عليه شكلج توسوسين فيه حيييل وشاغل تفكريج ماالومج بس الرجال مايحب المرا اللي تحت

وشكو بايته عند اهلج لاتباتين جي يتعود على فراقج ماعندي شي غير الله يسخرلج ياه والوتس اب شر لابد منه كلهم جي الحين اصنام الله وكيلج تحاجينه مايرد لو تعطينه على افاه وحده مايلتفت هههههههههههههااي الله عينج ​

 

[حطمۈكہ يآقلبي]

الرياجيل مدري إشلون صايرين ​

والله نفسسسسس زوج اختي بالضبط بليد ​

حبيبتي والله ثم والله بسسسس يبيلهـــا جراءه صيري جرئيه حيييييييييييل معاه
أنتي اللي ابدي كلام الغزل لــه انتي اللي حسسيه انج تبينه ومشتاقه لـــه صدقيني راح يبادرج الشعور
البسي عاري ومغري كله غيري حييييييييييييييياتج غيريها والله عادتج مثل اختي والله
أنتي اللي ابدي بكل شئ حتي النوم والله من صج أنتي اللي اخذيه للفراش لاتنطرينه
واذا رحتي بيت اهلج طرشي مسجات لو جرئيه عادي اكتبي فيها كل شئ بقلبج صدقيني راح يرد
وان مارد قولي له ليش بليد انت ...؟ ليش ماتحسس فيني ودي احس انك تبيني انا اشوف حالي غير عن حال البنات
أنـــا مقصره معاج بشئ يافلان ...؟
أنـــا مقصره بحقك ...؟
ليششش جذي ..؟؟ احتر لمي اشوف البنات مستانسين مع رياجيلهم وأنـــا لا
وهذا وانــا مو مقصره معاك
ان رحت بيت اهلي حتي ماتذكرني بمسسج ولااتصال
وانت جيت عندك بس ماسك ايفون واطقطق ليش أنــا مو ماليه عينك
وقولي له اووووف هذي مو عيشه حس فيني يااخي ​

وصج راح يتغير​

احيييييييييه قهرتني مثل معانات اختي بالضبط
معنه عرسي بعد جم شهر بسسس حبيت افيدج​

فاقعين مرارتي هالرياجيل


واذا مافاد معاه طنشيه خليه اخر اهتماماتج ​

 

[بقــآيآ جـروح]

اتوقع مآآتعطينه مجآآل يشتآآق لج يعني يمكن آنتي موب مقصره معآآه
ودآيم تدقين وتسوين اللي يبه يعني يمكن حس بالملل والروتين وصار مايفرق معه شي
طنشيه هالفتره بس ع شرط تكلمين رفيجاتج تلفون وتضحكون وحسسيه ان في مواضيع
واسرار خآآصه كلمي آهلج وآطلعي بره االمكآن اللي هو فيه
لبسي وتكشخي بس بس لاتعرينه يعني قعدي ع الابتوب شوفي مسلسل اقري قرآن
تالي نآمي حتى بدون لاتقولين تصبح ع خير شوقيه وبنفس الوقت اشغلي مخه فيج

 

[حلوه بس بلووه]

الله يسخره لج انشالله
طنشييييييييييييييييي

 

[أسطورة الجمال]

الله يسخره لج انشالله​

 

[هيبة ملك]

أحمدي ربج إنه زين معاج

حبيبتي لاتضيقين خلقج ولا شئ
طبعه جذيه جامد

 

[ورده الكرستال]

حبيبتي ركزي على حسناته وبتشوفين انه يشتاقلج


بعض الرجاجيل تعبيره عن الحب والاشتياق مو بالكلام لابالافعال مخليج على راحتج


لاتوسوسين وتعوذي من بليس

 

[Model Look]

واااي نفس زوجي بالضبط

مو مقصر بولا شي فديته بس انه بليييد نفسه مايسأل ولا شي

تخيلي امس واحد تحرش فيني وقلت له سكت ولا رد ولا شي

يقولي ادري بتقهريني

ابيه يغار مااكو حلفت له اللي صار وقاثلت له لي تحرشو فيني ماراح اقولك

اهنيه انقهر لوول

 

[ترف بابا]

خليه لاهي بس موجود يمج

وبعدين

حبيبتي 6 سنين خلاص قدمتوا على الوله والشوق والتعبير عنهم

انشالله انتوا بالمرحلة اللي صار فيها الحب بديهي وما تناقشوه

الله يسعدكم ياقلبي

 

[كويتية نايس]

الله يسخره لج وحاولي تغيرين الروتين

 

[rosegold]

مشكورين بنات ماقصرتوا جزاكم الله خير

 

[rosegold]

والله لاتفاتحينه ولاشي طنشيه وخليج مثل رفيجتج رافجيه لاتضغطين عليه شكلج توسوسين فيه حيييل وشاغل تفكريج ماالومج بس الرجال مايحب المرا اللي تحت ​

وشكو بايته عند اهلج لاتباتين جي يتعود على فراقج ماعندي شي غير الله يسخرلج ياه والوتس اب شر لابد منه كلهم جي الحين اصنام الله وكيلج تحاجينه مايرد لو تعطينه على افاه وحده مايلتفت هههههههههههههااي الله عينج ​

لووووووول ضحكتيني ... مادري حبيبتي يعنى انا غلطانه لما انام عند أهلي ؟؟ ساعات الوحده تبي تغير وتستانس مع أهلها مو كله مجابله الريل

 

[a7la_7b]

الله يهديه ويسخره لج ويحنن قلبه عليج