جايتكم من قطر حد بيساعدني يا كويتيات الطيبات

[الجازي الكميت]

مررررررررررررررررحبا
انا عضوة جديدة جايتكم بعد العيد لمده اربع ايام
وحبيت اسال عن بعض الاشياء
اول شي الاسواق الشعبيه
وش سالفه اسواق الفحيحيل يقوولن روووعه
ومابي مجمعات
ابي اسواق الشعبيه
ياليت حد يساعدني


بغيت بعض الاشياء واساالكم عنها
او شي وين احصل نفس هالمنتج والله يفرج همها اللي بتدليني عليه
http://www.target.com/mdp/B003GUBVYA/ref=sr_qi_1_10?asin=B003GUBVYA

http://www.target.com/mdp/B003LQSCR8/ref=sr_qi_1_6?asin=B003LQSCR8

هل موجود في الكويت ولا لا

وابي تلبيسه الدلال والصحوون نفس هذولا

وفي انواع ياليت حد يدليني بنفس هالسوالف واحب الاشياء الغريبه
وبغيت مجمع او اسواق حق الدراريع الحلوة او الميني دراعه بس للاحجام الكبيرة يعني فوق 2 اكس
ابي مكان حق المتان غير ايفانس طبعآ
وابي ملابس غريبه وحلوة حق الاطفال

ومشكوووووووووووووووووووووورين يا الطيبات وعسى الله يفرج همكم ياااارب
اختكم
الجازي من قطر

 

[miss $_$ semsem]

اول شي حياج الله بالكويت
يمكن ماراح افيدج وايد بس للأسف اللي حاطتهم ماادري وين تلقينهم
بس بالنسبة للأسواق الشعبية عندج المباركية - المحاميد - ووالله ناسية ان شاء الله يفيدونج البنات

وبغيت مجمع او اسواق حق الدراريع الحلوة او الميني دراعه بس للاحجام الكبيرة يعني فوق 2 اكس

ماني خبرة بالدراريع بس عندج مجمع الاوقاف يبيع دراريع و المباركية اعتقد وعندج النقرة اكيد فيه دراريع اي وبعد الجهرا اكيد فيها دراريع ماتخلى عندهم كذا مجمع هناك وعندهم سوق شعبي و لو تروحين على يوم هناك تفترين بمنطقة الجهرا ان شاء الله بتحصلين

ابي مكان حق المتان غير ايفانس طبعآ

في عندج النقرة و العثمان والمثنى اسعارهم زينة وفي يبيعون القمصان الطوال بخمس دنانير سعرهم حلو وناعمين
وبعد في سوق السالمية كبير وفيه عنده بجايم كبار و قمصان بعد

وابي ملابس غريبه وحلوة حق الاطفال

اممممممممم عندج مجمع الافنيو كبير وفيه محلات وايد حق اطفال وفيه مجمع اسمه ديسكافري متخصص حق اطفال بصراحة ولا مرة رحتله بس اكيد بتحصلين ان شاء الله لهم وفي عندج محل بالمهلب هم في هدوم للأطفال وحلوين وتقريبا مجمعاتنا كلها فيها لبس للأطفال يعني مايخلون من اي مكان

بس شوفي عندج منطقة الجهرا راح تلقين الدراريع والاسواق الشعبية وهم فيها مجمعات ان شاء الله تلقين فيها الهدوم واكيد في حق اطفال

وعندج مجمع النقرة و السالمية و العثمان والمثنى هذول عندهم مقاسات كبيرة اذا تبين قمصان طوال وناعمين واسعارهم معقولة

وعندج المباركية سوق شعبي اكيد مار عليج اشهر واحد عندنا

عندج الافنيو كبير اكبر مجمع عندنا فيه محلات مقاسات كبيرة وفيه للأطفال

وان شاء الله اكون فدتج لو شوي

 

[miss $_$ semsem]

ــــ منطقة حولي ــ
ــ مجمع العثمان
ــ مجمع المهلب ( الأحدث )
ــ مجمعي النقره الشمالي و الجنوبي
ــ بيـروت
ــ السندس
ــ بلازا
ــ الأيوب


حبيبتي روحي منطقة حولي فيها هالمجمعات كلهم فيهم محلات مقاسات كبيرة

 

[الجازي الكميت]

مشكووووووووووووووووووووووووره فديتج وما تقصرين
ودونت كل اللي كتبتيه

بس المنتج حق الاطفال الي حطيت الرابط حق العربانه مالت الجمعيات او حق كرسي الاكل في المطاعم

 

[krkooora]

دراريع شوفي مجمع العربيد بالفروانيه
خياط انا اعرفه بس يمكن في محلات عندها جاهز
وعندج دراريع بمجمع الايوب و الاوقاف بالعاصمه عندنا
و اذا في معارض لا اطوفينها معارضنه فيها فناتق و شغلات حلوة
و الاسواق الشعبيه بالمباركيه و الفروانيه و حولي مجمع بيروت و غيره
بالنسبه للغطاء العربانه ولا مرة شفته عندنا
و تلبسية المطاره هم ماعرف من وين بس شوفي الاسواق الشعبيه بعضها عندهم مطاطير و هالشغلات يمكن تحصلين عندهم
محلات مقاسات كبيره
عندج قسم بمحل نيولوك
و قسم بسنتر بوينت
و قسم في ماكس الافنيوز
واايد اشوف محلات قياسات كبيره يشجعونه على المتن لووول

 

[MisS *-* BMW]

البنات ما قصروووا

وحياااااج الله يالغلاا منوره الكويت :eh_s(17):

 

[اشلون يعني &]

دراريع بمعرض فندق الهلتون بمنطقه المنقف اقرب منطقه للفحيحيل
اسواق شعبيه عندج قصر السلطان بفحيحيل فيه شغلات

 

[miss-rema]

حياج الله بالنسبة لغطاء المطاطير هذي سوالف حريم تلقينهم في محلات افكاري في منطقة الري والاسواق الشعبية في كل المناطق التجاريه مثل الفحيحيل والفروانية وحولي والديرة:eh_s(17): وموفقة خير

 

[أم وضاحي]

مرحبا حبيبتي
انا من قطر بعد
بس با فيدج بالنسبه لغطى العربانه اللي حق اليهال
انا ماخذتهم من محل في مجمع زهره فوق في الطابق الثاني اول ما تطلعين على السلم المتحرك بتلقينه على يدج اليسار داخل
بس في نفسهم عندنا انا شايفتهم في تويز ار اص

 

[ملآمح ترف]

رووحي المعاآرض روضان ,,رماداا,, افككاري بتلقين سوالف مطاطير

وحي الله اهل قطططر .. لبى قلووبهم

 

[موت الحمر]

حبيبتي حق الدراريع روحي البلوكات تلاقينهم صوب سوق الكويت القديم ( المباركية )

دراريع أشكال و الوان و ما تدرين شنو تاخذين تلاقين المني دراعة و الطوال و قمصان و كل شي و بسعر الرخيص الدراعة ان اذبحت نفسها ما توصل 25 دينار

 

[أم وضاحي]

حبيبتي حق الدراريع روحي البلوكات تلاقينهم صوب سوق الكويت القديم ( المباركية )

دراريع أشكال و الوان و ما تدرين شنو تاخذين تلاقين المني دراعة و الطوال و قمصان و كل شي و بسعر الرخيص الدراعة ان اذبحت نفسها ما توصل 25 دينار

وين بالضبط ؟!!

 

[الجازي الكميت]

فديتكم كااااااااااااااالكم ^_^

ام وضاحي حيالله ببنت بلادي
فديتج توني جايه من تويز ار اص ما فيه ورويتهم الصورة يقوولن ما فيه
يعني ما جابوة اصلا هالمنتج

 

[شوكولاته وردية]

حياااج بالگوييت ..

 

[الجازي الكميت]

يحيج حبوبه شوكولاته ورديه




ام وضاحي ردي علي حبيبتي

 

[sh_mashael]

ياهلا بأهل قطر
لبى قلبج

ـامممممممممم
في مجمع العربيد بـالفروانيه يفصلون لج دراريع طويله و قصيره
ماعليج الا تختارين المودييل و الألوان و إذا تبين الدراعه طويله او قصيره

و أسعارهم معقوله أحلى و أحسن من أسعار مشاغل الحريم

يالله حـيّـهآ 3>

 

[أم وضاحي]

هلا الجازي
صدقيني انا شايفته عندهم بس من زمان حتى اذكر كنت اراويه ريلي و اقوله لو دريت ما خذت 3 من الكويت
واذكر انه كان صوب تجهيزات البيبي

 

[انسآنه لن تتكرر]

حيآآج الله
^_^
.,