خبز عروق بطريقتي
المقادير :
2 طماط متوسطة
3 بصلات كبار مفروم ناعم ( أحلى )
طحين ابيض انتي تحددين المقدار اثناء العجن
ملعقة متوسطة بهار لحم
ربع كيس لحم مفروم خشن امريكانا
ربع ملعقة ك لومي ناعم
شوية كمون
شوية كركم
ملح ( لا تضيفين وايد لأن الماجي مالح )
2 مكعب ماجي تذوبينه بنص كوب ماء حار
شدة كزبرة مفروم
شدة شبنت مفروم
شوية بصل أخضر مفروم
2 جزر مبشور ناعم
2 بطاطة مبشورة متوسطة
الطريقة :
- غسلي اللحم المفروم واتركيه بالمشخال ينزل الماي عدل
- تفرم البصل والخضره والطماط بالفرامة
- بعدين تخلطين اللحم وكل الخضار والبصل والطماط والبهار والملح والبطاط والجزر المبشور مع بعض
- يضاف عليهم طحين بالكمية اللي تبين ( أنا حطيت كوبين )
ثم يضاف الماء اللي فيه الماجي لما تصير عجينة ثقيلة مو وايد بس وسط
- خليها ترتاح بالثلاجة نص ساعة تقريبا
- بالمقلاه حطي زيت بس مو غزير ،
اخذي بالملعقة الكبيرة وحطي بالمقلاة وبالملعقة فرديها شوي شوي
بالضغط عليها بدون لا تتقطع حتى ما تصير سميكة ويكبر حجمها.
اخذي بالملعقة الكبيرة وحطي بالمقلاة وبالملعقة فرديها شوي شوي
بالضغط عليها بدون لا تتقطع حتى ما تصير سميكة ويكبر حجمها.
- قلبيها على الويهين واستمتعي بأحلى واخف كباب او خبز العروق كما يسميه البعض
ملاحظة :
تقدرين تضيفين الخضار اللي تبين حسب رغبتك ( مثلا كوسا مبشورة)
والله لذيذ وما يشرب زيت وايد
وعلينا وعليكم بالعافية
