تاغلياتلي ماري امونتي ( ماابا اسمع حد يضحك)

[عجيد الريم]

السلام عليكم ورحمة الله....

اليوم يايبتلكم طبخه حلللللللللللوه وسريعه وهي تأليفي واخراجي ...

كلتها مره في نادي السيدات وبصراحه كانت لذييييييذه ...

صح اني دوم اتخرطف في الأسم بس ماعليه

ومن اسبوع وانا افكر فيها ويوم جربتها طلعت نفس الطعم بالضبط...

واحلى مافيها انها سريعه ومايحتاي انج تخيسين المطبخ.:dfgl:.

بس يبالها دقه شوي والسبب الملح اللي طلع عيني...

وهالمره انا خلطت المعكرونه العاديه مع التاغلياتلي والسبب عدم توفر التاغلياتلي لأنه خلص عني...

اول شي نبدأ بالمقادير...

1/ تاغلياتلي... ( متوفر في الجمعيات قسم المعكرونه )

محار ( في سوق السمج ماشي في الجمعيات ...ويفضل انكم تسوونه في نفس اليوم اللي تشترونه لأنه بيخترب بسرعه )

5 / بصلات كبار ...

6/فصوص ثوم ( بنت البلاد مابا اسمع صوتج )

ماجي( حبه وحده )

كريمه بيضاء (وممكن استبداله بالقشطه )

صوص السباجيتي

وكثر ماتبون من المواعين خخخخخخخخخخخخخخ


الرجاء عدم الرد لحين اكتمال الموضوع...​

 

[عجيد الريم]

والحينه نبدأ بالطريقه...

1) حطي التاغلياتلي في ماي وخليه على نار هاديه لأنه بياخذ وقت ...

وهذا شكل التاغلياتلي ..

وهذي علبته علشان ماتضيعون في الجمعيه خخخخخخخخخ

2)هاتي المحار وغسليه عدل لأنه بيكون طازج ومن السوق طبعاً وعقبها حطيه في جدر ووصبي عليه ماي وخليه وعلى نار هاديه ....

هذا الوقت شمري عن ساعديك ...

وهاتيلج بصلتين بس وقطعيهم شرايح ....

وهاتيلج 3 فصوص ثوم ومثل ماعلمتكم من زمان بالسجينه تقدرين انج تهرسينه...

وعقب ماتهرسينه قطعيه...​

 

[عجيد الريم]

وفي جدر صغير حطي شوية زيت وعقبها...
علبتين صغار من الزبده ...

الزبده اللي تيكم في كرتونه عوده وتكون العلب صغيره داخلها مثل هالصوره...

وخفي على النار ..

ويوم بتحسين ان الزيت شوي استوى ساخن .. والزبده ذابت ..


حطي البصل ...

وخليه الين مايذبل شوووووي ..مب يذبل يعني اول مايصير لونه ذهبي مثل هالصوره...

ضيفي عليه 3 فصوص ثوم بس...


ويوم بتحسين ان ريحة الثوم طلعت شوي حطي الكريمه البيضا واذا ماتوفرت عندج انصحج بالقشطه ..بس القشطه الأصليه اللي هي البيضا مثل هالصوره...

الرجاء عدم الرد لحين الأنتهاء من الموضوع...:33_1185028183:

 

[عجيد الريم]

هالوقت ... اتريي الين ماتشوفين ان القشطه بدت تطلع فقاعات...

وحطي فوقه صوص السباجيتي ..وبصراحه احلى صوص هو هالنوع...

الصوص ضيفيه مثل ماانتي تحبين ....

يعني على ذوقج ...

واول ماتضيفين الصوص فتتي بأيدج شويييييييه من الماجي وضيفيه وفوقه شوية بهارات مثل ماتحبين ....لاتضيفين الملح لأن الماجي مالح من غير صوص السباجيتي...

واترييه الين مايفور ....

نسيت اذكر نقطه " لاتنسون تحطون ملح في المعكرونه يوم بتفورونها علشان ماتطلع ماصخه ...



المهم هذاك الوقت صفي المحار من الماي وشوفي المحار اذا مسكر يعني انه مب زين واذا كان مبطل يعني اوكي..


يوم بتفرزين المحار ظيفيه على الصوص...

وعقبها سوي نفس الخلطه بس تكون للمعكرونه ...

ويوم بتسوينها ...

صفي المعكرونه وغطيها كامله ...

وعقبها قدمي الاكله وهني وعافيه ....

 

[عجيد الريم]

بنيات اللي حاشرات الدنيا يبن يعرسن :yaaaaaarb:يالله جدامي كل وحده تكتب الوصفه وتسويها مب حاشرات البقعه نبا نعرس ومن هناك ولاو حده تندل المطبخ :RoadRunner:..

يامي الريل مايباله وحده دومها ميلسه وتخاف على ظفورها يتكسرن:jumpon: ...

نشي اطبخيله عسب مايتشكى عقب ويقول ماتأكلني خخخخخخخخ:eh_s(2):

ويه صدق استويت ام خماس مادري شو ياني :eh_s(20):


ماوصيكن بالتقييم لاتعورولي قلبي :sfg:



:bye22:

 

[AwradAli]

تسلم ايدج حبوبه :eh_s(7):​

 

[جارة القمر]

تسلم ايدج


ومشكووووووووووووووووووووووووووره

 

[جورية كويتية]

مشكووره ياعسل
تسلم ايدج

:eh_s(18): :eh_s(7): :eh_s(18):
​

 

[*دنــيـQ8 ــا الوله*]

تسلم ايدج والله ... اكله يديده مع هالمحار

 

[ضحكة الدنيا]

شكلها عجيييبه
تسلم ايدج ياقلبى ومشكووووووووره

 

[@Miss Dio@]

واي يا حبي لأهل الامارات وحجيهم اموت فيكم
بس المحار مو يابس اشلون
آكله بصراحه ؟
يتقشر والا شنو؟
ترى وايد مفيد بس ما اعرف له

 

[softlady]

مشكوره تسلم ايدج

 

[ميموالفهد]

شكلها يجنن يعطيك العافيه

 

[irresistible]

اول شي يعطيج العافية و ثاني شي شنو اللي اكلتي في المحار مو شايفة لحم كلش و لا الصخرة تعلجينها ما فهمت

 

[عجيد الريم]

تسلم ايدج حبوبه :eh_s(7):​

الله يسلمج غناتي واشكرج على هالمرور الحلو

 

[bent^al`3ale]

مشكووووووووره وتسلم ايدج حدها تشوووق

 

[C.A.N.D.Y]

تسلم ايدج

 

[طير الحب]

تسلم ايدج

 

[البدر2000]

يعطيك العافيه حبيبتي ودي اجربها بس عندي سؤال
المحار نسلقه بمويه بس وبعدين كم مدة السلق يعني كيف اعرف انه استوى لان ماعمري طبخت المحار

 

[بنت الخور]

*عجيد الريم*

حيا الله بنت البلااااااد،،

تسلمين الغالية ع الوصفة،،

وإن شاء الله اجربها،،