التجنيد الالزامي بعد العيد...!

[حلوه الأطباع]

انا مع القرار

زين سوو ردوه لانه ماينفع شباب هالوقت غير التجنيد

 

[بنوتة كول]

وناااااااااااااااااااااااااااسة احلى خبر سمعته وياليت يطبقونه صج مو بس كلام

 

[dantella]

انا ابي افهم الي مستانسين ليش يعني؟
عاجبكم تفارقون رياييلكم ولا شالقصه؟
انا مو عاجبني هالقرار وياليت ما يطبقونه

 

[ساره اخت منال]

مع القرار

اول مــأــأ قرييت الموضوع فرحت

وخل يخفوون اللي مــأــأ غيير يفرفروون بـ المجمعات

لآ شغل ولآ مشغلــه..~

 

[ام زايد العتيبي]

حسافه جان زين ريلي وياهم خل افتك من الحنه

 

[أم نوفي]

قرار حلووو وانا اايده صج مالي دخل لانه زوجي سعودي

بس ابي اعيالنا يتحملون المسؤليه ويكنون هبة ريح والله يابنات كل مااجي الكويت بالاجازات

واتمشي الا اشوف منظر والله ماكان موجود قبل الي هو السمنه انتفخو من القعده واكل المطاعم خل يمسكونهم ويسنعونهم

وياليت حتى وحيد امه عندنا واحد تروفه نبيه يسترجل

 

[aoky kaito kid]

اكييد ايد هالشي لان عيال الديرا اهما يحامون على الديره و لازم يكونون متجهزين و يعرفون كل شي و لازم يحمونها

 

[حلوى عمانيه]

والله شي حلو واتمنى ما تتدخل فيه الواسطه

 

[@كريستاله@]

احسن قرار صراااحه عيااااالنا صاااااارو ناعمين وما يتحملووون المسؤليه بعدين هذا ينمى رووووح الوطنيه الواااحد منهم صااااااير جبريت من كثر الترف والتفرفر بالمجمعاااااات *

 

[اخت واختها]

واى عسى انش اء الله يكون الزامي للجنسين ويسمحون حتى للمعاقين انهم يشاركون بهشي

مالج الا عيالج يا كويت بارواحنا نفديج

 

[اخت واختها]

انا ابي افهم الي مستانسين ليش يعني؟
عاجبكم تفارقون رياييلكم ولا شالقصه؟
انا مو عاجبني هالقرار وياليت ما يطبقونه

لي صار شي لاسمح الله وريلج لا يفهم لا بسلام ولا شي راح تمنين لو انه دش

وانتي دشي معاه بعد

ليش ماخذين الفكره بشكل سلبي تر درسو الموضوع من يد ويديد وراحي تحاشون اخطاء التجنيد الاولاني

وكل هذا عشان الويت وعشانا وعشان عيالنا مو عشان احد غريب
:eh_s(7):

 

[Fa6omy]

احسن قرار بصراحه فرحت واتمنى يطبقونه
عشان شبابنا يتحملون المسؤواليه ويكونون رياجيل صج
بدال الفراره بالمجمعات خل يعقلهم التجنيد​

 

[Fa6omy]

حسافه جان زين ريلي وياهم خل افتك من الحنه

هههههههههههههههههههههههه
بتفقدين حنته ​

 

[اسيره2]

موفقين ان شاء الله

 

[dantella]

لي صار شي لاسمح الله وريلج لا يفهم لا بسلام ولا شي راح تمنين لو انه دش

وانتي دشي معاه بعد

ليش ماخذين الفكره بشكل سلبي تر درسو الموضوع من يد ويديد وراحي تحاشون اخطاء التجنيد الاولاني

وكل هذا عشان الويت وعشانا وعشان عيالنا مو عشان احد غريب
:eh_s(7):

حياتي انتي اذا انا معاه وين اقط عيالي بالذمه ؟ واذا في ناس رياييلهم عله على قلوبهم فمو كل الراييل جذي
ماقلنا شي كلنا فدا الكويت
بس اذكر وقت الغزو مافادنا هالشي الكل قب مع ان كان في تجنيد الزامي وقتها

وريلي يقولج لو خاط شنبج حياج وياهم

 

[ميموووورااا]

قرااار حلو كلنا فدوة للكويت

 

[PuPa^^SWeeT]

انزين من جم العمر اللي راح ياخذون

يعني انا ريلي مواليد 76 هل ياخذونه ؟؟

 

[فوشيه كويتيه]

آحسن قرآر

 

[عاشقة الاسلام]

صراحه قرار حلو
وكلنا فداء الكويت

 

[el7ob Klah]

قرار وااااايد حلوو

التجنيد مو وظيفه عشان الي ماتبي زوجها يدخل

التجنيد عباره عن تدريبات عسكريه مثل دوره

عشان شبابنا يتعلمون ع السلاح و الدفاع

وبعدين كل واحد يرجع حق وظيفته

بس شي واحد مافهمته عدل

اهو من 18 سنه لي اي عمر ؟

يعني الموظفين والبطاليه ابي اعمارهم

تحت 30 عادي يدخلون ولا شنووو