تقريري عن سفرتي إلى لندن

[أم الحلوة جمان]

هلا حبايبي ....

في بنات طلبوا مني أحط تقريري عن سفرتي إلى لندن و أنا وعدتهم ان شالله اني بحط التقرير ..

فباسم الله أبتدي معاكم رحلتي ...

تنويه :
في صور بالموضوع ماخذتها من النت ما عليها توقيعي ..
و في صور من تصويري بيكون عليها توقيعي ...
و في صور بعد من تصوير اخوي .. بس ماخذيت منه الصور .. أول ما آخذهم راح أضيفهم ان شالله اذا قدرت ..


باسم الله توكلنا على الله ....

- تاريخ الإقلاع : 17/12 /2007
- تاريخ الرجوع : 29/12/2007
- عدد الأشخاص : 3 ( انا و زوجي و بنتي 4 سنين) ...
( أمي و أخوي كانوا مسافرين معانا)
- الرحلة كانت على : خطوط الإمارات

وااايد زينين .... خووووش طيراااااان والله :rerrerek:

- خط الرحلة كان ... ( ذهابا) : الكويت - دبي - لندن
( العودة ) : لندن - دبي - الكويت
مدة الرحلة تقريبا 10 ساعات تقريبا
-السكن : فندق سلفردج ... والله حلووو الفندق ... و موقعه ممتااااااااااز

هذا المدخل ...

و هذا الاستقبال ...

تكلفة التذاكر مع الإقامة (مع الإفطار) لي انا و وزوجي و بنتي : 1500 دك
حجزنا عن طريق سفريات الراية .....






تابعوا معااااااااااااااااااااي .......

 

[supermarket]

متااابعين بس شلونهم السفريات اوكي والا نص نص

ووين مكانهم


وعليج بالعافية السفرة

 

[زيـنـه]

ما شاء الله خوش سعر و باكيج لكم انتي و زوجج وولدج .. عليكم بالعافيه و بانتظار التقرير

 

[bambena]

متابعه معاج

 

[أم الحلوة جمان]

يوميااااااااتي في لندن

اليوم الأول :

طبعا وصلنا ثاني يوم .. 18/12/2007 يصادف يوم الثلاثاء الصبح ...
طبعا كنااااا تعباااانين من الرحلة ... فعقب ما خلصنا أمورنا بالريسبشن ... و رحنا الغرفة و عدلنا أغراضنا ...
حطيناا راااسنا ونمناااااااااااااااااااااااااااا
هذه صورة غرفتنا ..

و هذه نفس غرفة أمي و أخوي ....

و قعدنا العصرررر أو قريب المغرب ....غسلنا و بدلنا ... و ماكان يمدينا الا ان نتمشى بشارع اكسفورد ... طبعا ما شفنا الا ربعه لأن ماشاللله واااااايد طوييييل و كله محلااات ...
وبعدين تعشينا بماكدونالدز ...


اليوم الثاني : أول يوم من عيد الأضحى 19/12/2007
طبعا نزلنا الصبح تريقنا بالمطعم .. و ريوقنا كونتننتال .. كرواسون - بيض - فاصوليا بالصلصة الحمرا ( المعلبة) - زبدة - عسل - مربى - توست محمص - كورن فليكس - روب بالفواكه - أجبان - حليب - قهوة - عصير ... و ابتعدناعن النقاانق و البيكون ..

ريوقنا ...

عم زوجي كان موجود بلندن مع بنته ( تدرس) و كان بيرد ثالث يوم من وصولنا لندن .. فاتفقنا معاه ان نقضي اليوم وياهم .. و تواعدنا بالاكسفورد ستريت .. و تمشينا .. و بعدين رحنا مطعم عراقي( مسكوف) .. تغدينا فيه ... كباب و شيش طاووق و كبب و سلطات .. و عقب شربنا الجاااااي
والله غااالي طلع حسابه 220 باوند ( أكثر من 100 دك) ..

ما لحقت أصور الغدا ... بس لقيت صورة الجاي و الحلوو

و عقب طلعنا من المطعم و رحنا هارودز ....تسوقناا و قضيناااا الوقت كله فييييه .. و ماااا خللللص من كبره ...و بعدين ردينا الفندق ...








تااااابعووووني .....

 

[أم الحلوة جمان]

متااابعين بس شلونهم السفريات اوكي والا نص نص

ووين مكانهم


وعليج بالعافية السفرة

هلا حبيبتي سوبر ماركت ....
والله الحمدلله السفريات زينة .. و كان سعرهم حلووو .. و قارنته مع النت ماكان يفرق واايد .. و تعااملهم حلوو .. والله احنا ما صادفنا مشاكل معاهم .. بس انا مادحينهم لي حييل .. و توكلنا على الله و حجزنا منهم .. أما مكانهم .. خل أسألج زوجي باجر ان شالله ...

ما شاء الله خوش سعر و باكيج لكم انتي و زوجج وولدج .. عليكم بالعافيه و بانتظار التقرير

الله يعاافيج حبيبتي زينة ... اي والله الحمدلله حلوو السعر ...

متابعه معاج

حياج الله حبيبتي بامبينا ....

 

[رقي]

ولكم باك
والحمدلله عالسلامه
وننطر الصور واهم شي الشوبنق
شنو شريتو من هاردوز
ليتني موصيتج ابي كياسهم
خخخخخخخخخ

 

[جكورة]

حمدلله على سلامتكم.....

وتقرير مشوق من البداية :eh_s(15): وننتظر المزيد من الصور والتكمله بس عفيه لاتطوليـــن .....​

 

[أم الحلوة جمان]

ولكم باك
والحمدلله عالسلامه
وننطر الصور واهم شي الشوبنق
شنو شريتو من هاردوز
ليتني موصيتج ابي كياسهم
خخخخخخخخخ

الله يسلمج حبيبتي .....
و الشوبنق هد حيييلنا ... و الله الصراااحة سووووقهم :eh_s(15):
حتى المحلات اللي عندنا .. بضاااعتنا ماتيي نص بضااعتهم ...
والله هارودز اييننن ... خذيت لي و لليهال .. طبعا انا جناط و بواكه و اليهال ملابس ,,,
وييي كل من موصيييني يبي جياااستهم .. و آخر شي لا شريت لي و لا للي موصيني يعني اشوة انج ما وصيتيني :tomato2:

حمدلله على سلامتكم.....

وتقرير مشوق من البداية :eh_s(15): وننتظر المزيد من الصور والتكمله بس عفيه لاتطوليـــن .....​

هلا حبيبتي جكووورة ... مشكوووورة و الله يسلمج ...
و ان شالله ماني مطوله .....

 

[أم الحلوة جمان]

هذه صورة هارودز ...

و هذا البوتيك انا وايد أحبه فصورته وانا ماشية .... قريب من هارودز ....

اليوم الثالث 20/12/2007 :

هاليوم بعد ما تريقنا .... رحنا محطة مارليبون ... و رحنا منطقة بره لندن اسمها Bicester village ...
هذه الله يسلمكم عبارة عن outlet و الصرااااحة ما جنهم اوتلت ... بضاعة يديدة و تهبببببل ... و في أشيااء موو قديمه حييل ... و أسعاره حللللوة ...
ركبنا القطار وبأقل من ساعتين وصلنا ... بسسسس كااااان جوهااااااا ثلللللللللللللللللللللللللللللج
متنااااا من البررررررررررد ... بعدين يانا Taxi bus ووصلنا من المحطة للسووووووق ... و دخنااااااا و احنا نتسوووق فيييييه .. لما يمممدنااااا .....

هذه صور من داخل محطة القطار ....

تااااابعوووووني ....

 

[أم الحلوة جمان]

هذه صورة لإحدى القرى اللي مرينا عليهم و احنا بالقطااار ....

و هذه صورة من المنطقة اللي وصلنا لها ...

نهارا ...

وبالليل ....

وهذه آخر شي و احنا رادين محطة القطار ....

تااااابعووووني ....

 

[المزيــونه]

مشاءالله عليج بالعافيه اتهبل لندن

 

[أم الحلوة جمان]

مشاءالله عليج بالعافيه اتهبل لندن

الله يعاااافيييج حبيبتي ....
وان شالله بااااجر لنا لقااااااااااااء ....


تصبحووون على خييييييييير

 

[nice smile]

لايوقف لا يوقف

الحمدلله على سلامتج وعليج بالعافيه

 

[أم الحلوة جمان]

لايوقف لا يوقف

الحمدلله على سلامتج وعليج بالعافيه

الله يسلمج حبيبتي ....
ان شالله ما راح أوقف ....

بس باااجر الحييييين برووح أناااااااام:eh_s(8):

 

[أغلى حبيبه]

عليج بالعافيه

ومتابعينج

 

[سنابل]

لا يوقف لا يوقف :eh_s(15):

 

[um nora]

الحمدالله على السلامه
وعليكم بالعافية ان شاء الله

 

[مس فيراري]

عبيج بالعافيه بصراحه شوقتيني على لندن بالشتا و خصوصا اذا شربتي الهوت شوكليت

 

[Hambka Q8]

wow

وناسه..

ابي اروح لندن .. من زمان ما رحتلها ^^







عاد اختي كل يوم اتحن على اخوي ودنا و ودنا << لول نحاسه يقول دفعولي الفندق و عطوني مصروف =@



يعطيج العافيه

و الحمدلله عالسلامه ^^

و متابعينج