سويته طعمه حلو لكن الشكل اللهم يا كافي

[ms gucci]

السلام عليكم يا طباخات ...... سويت ورق العنب طعمة حلو لكن الوحدة وارمة حجم الوحدة كبير ومتين فما راح أوديه لحمولتي فشله ... شلون أسويه صغار ومرتب ومو طري وايد أبي صغار يعني قصدي ما أدري شقول :bbbiu:... اي يعني مني ورق عنب ... حلوة مني هاذي ...... ومشكورين وجزاكم الله خير:eh_s(7)::eh_s(7):

 

[ms gucci]

شدعوة يا بنات .... وين خبيرات المحشي

 

[أوركيدااا]

لاتكثري الرز .. شوي شوي

لانه مع الطبخ ينفش

 

[أعرفك نفسي]

قللي من كمية العيش استخدمي قفشة السكر ولا تترسينها
او استخدمي جهاز ورق العنب يطلعون كلهم شكل واحد بس انا ما افضل لانه متعب

واذا ما تبينه لين لا تكثرين الماي بالجدر

 

[نجاة80]

شوفي يا قلبي ... عندج طريقتين عشان تحصلين على ميني ورق عنب

1- اما انج تشترين ورق عنب مكتوب عليه بناتي راح تشوفين حجم الورقه صغير

او ...

2- انج تستخدمين ورق عنب عادي بس ماتحشينه وايد لان العيش واهو ني صغير بس

يستوي يكبر فعشان جذي صار معاج كبير .. اخذي قفشه وسط حشي فيه لاتحشين بقفشة الاكل

وان شاء الله البنات يساعدونج

 

[جارة القمر]

مشكوووورريييييييييييييييييين


http://www.q8yat.com/t642738.html

 

[اسـمـحـيلي يـالغـرام]

حبيبتي اذا الورقه كبيره قصيها بالنص وحشيها والله خدامتي الي راحت كانت تسوي بشكل رهييييييييييييب جنه اصابع ولذييييذ وكل وحده نفس الثانيه بالحجم وان شاءالله تنجح معاج الطريقه واحسن علبه ورق عنب امريكان جاردن

 

[ms gucci]

شوفي يا قلبي ... عندج طريقتين عشان تحصلين على ميني ورق عنب

1- اما انج تشترين ورق عنب مكتوب عليه بناتي راح تشوفين حجم الورقه صغير

او ...

2- انج تستخدمين ورق عنب عادي بس ماتحشينه وايد لان العيش واهو ني صغير بس

يستوي يكبر فعشان جذي صار معاج كبير .. اخذي قفشه وسط حشي فيه لاتحشين بقفشة الاكل

وان شاء الله البنات يساعدونج

مشكورة حبيبتي وين ألقى ورق العنب ( بناتي ) لأن جمعيتنا ما فيها

 

[KOKO_284I]

قللي العيش لان ينفش

 

[بحر الرمال]

استخدمي العيش المصري صنوايت لان العيش العادي يشرب ماي وايد و ينتفخ مع الطبخ.

 

[james546613]

حبوبتي قصي الورقة الكبيرة واحسن نوع العلالي الفاخر ناعمة الورقة وبعدين المحشية راح تكون مثل مثل اذا قصتي الورقة نصين وبالعافية