ولد امه ومريض نفسيا ووصخ

[منو انت]

الشخصيه <لاتدورينها بعيالنا مع احترامي للكل لان امهاتهم الله يحفظهم مدلعينهم جداااااااااااا
مريض<انتي اخبر
وسخ<ينظف عادي

وبالاخير اقولج ياما رياجيل يفشلون بدواوين الحين بوفلان وعلان وحريمهم مسنعينهم.......يعني لاتغرج المظاهر الزواج ديكووووووووووووور اجتماعي بالعربي مامن رياجيل ينشد فيهم الظهر ..

مشي امورج وعيشي لنفسج ..وصدقيني لو تزوجتي رجال شخصيه بتلقين فيه عيب..يعني ماكو احد كامل

واستخيري قبل كل شي ..

يمكن كلامج قوي نوعا ما بس تبين الصج شكثر هالنوعيه اللي تحصلينه مايسوا بيزه ومع هذا صاير سبع الليل والنهار بالبيت على مرته جد مصيبه بس جد شكثر حريم عايشه حياتها مع نص رجل بس علشان بالاخير تكون متزوجه وانا ماالومهم كل وحده وظروفهاا


(( وبالنسبه لصاحبه الموضوع عسى الله يكتب لج الخير ويهديه لج ويحببه فيج ويحببج فيه يارب بعد شتسوين اذا اهلج مستحيل يتقبلون فكره الطلاق مالج الا الدعاء والصبر وربج كريم يعوضج خير يارب ))

 

[سنيوريتآ]

آلله يعينج مآلج آلآ آلدعـآإء ..

 

[تسوآهن]

اسمعيي كلام البنات والله ابرك لج تحملي باجر بتجيبين عيال وبتلهين ونار رجلج ولا جنة اهلج دام مايقدرون يتحملونج شتسوين عيشي حياتج لنفسج والله يرزقج بالذريه الصالحه الي تعوضج عن كل شي راح ولا تمتعتي فيه

 

[* بنت المطر *]

نفس اللي سووه فيني اهلي بالضبط وليلحيني 8 سنوات متحمله ومتدبسه بعيال لاني قادره اكمل معاه ولاني قادره اتركه

قلت خربانه خربانه نصيحتي لج اللي اطباعهم جذي عمرهم مايتعدلون الوصخ يظل طول عمره وصخ افتكي منه قبل لاتحملين

وتتدبسين دام انج تحسين مستواج ارفع منه لاتنزلين نفسج مافيه شي يسوى ومحد بيعاني كثرج هذي مشكلتنا نعاني ونصبر

عشان نرضي الناس واحنا الضحايا الله يعينج وجانج كارهته عسى الله يفرق بينج وبينه بالصالح لج ويعوضج عنه باللي يستاهلج

 

[* بنت المطر *]

اللي تقول باجر تجيبين عيال وتلهين اقولها اسمحيلي اللي تبي الحب ماراح يعوضونها العيال ولاراح تصبر روحي وابدي حياة

جديده الرياجيل على قفا من يشيل ان ظليتي معاه وتحملتي فوق طاقتج بتفقدين توازنج النفسي ويمكن تكرهين نفسج وترخصينها

وساعتها الكل بيكون ضدج ومعاه !! اتمنى تكونين فاهمتني !

 

[..فروحه..]

الله يعينج صراااحه والله يفرجها عليج

 

[نمسآونه]

الطلاق هو الحل
مريض ووسخ الخ
اهلج يتحملون لانج قلتي من البداية مابي واهم اللي قالوا صبري
باجر الى جبتي عيااال مثال بسيط بنتج تبي شغله او بدش تخصص معين واهل زوجج مو راضين راح يضغطون عليه واهو خلف الله عليج خرووووف
وبعدين عيااالج ماراح يسامحونج
اما نظرة المجتمع للمطلقه ترا احنا الحين المجتمع واحنا اللي نقرر اذا زينه او مو زينه
والرازق الله ترا مو المجتمع
موفقه حبيبتي وعسى الله يكتب لج اللي فيه خير

 

[حلوه بس بلووه]

الله يصبرج ويكون بعونج يارب البنات ما قصروا
بس صراحه اكثر شي عجبني كلام كويتيه فرنسيه

 

[هذا مزاجي]

ديري بالج لاتحملين وتتوهقين
عسى الله يسهل امورج حياه حدها كئيبه

 

[دلع العتبان]

انا اقول اهل مكه ادرى بشعابها "

اكيد قبل لاتملجين قالولج عيوبه السبعه او شوي منها

واذا انتي مومرتاحه مره وحده معاه كلششش وموقادره عليه او مافيه امل تغيرين فيه اي شي استخيري وخلي امورج على الله

ربي يساعدج حياتي ،،،​

 

[بنات حواء2]

الله يعينج
واااااااااااي مادري شقولج و الله الساني نربط بس نصيحتي لج من باب دراستي الي هي التربيه
انا اشوف ان ريلج شكل ريال بس الي ساكنه طفل و الدليل تصرفاته و سوالفه و لا شكو يي يقولج رفيجي و مرته و مادري شنو
اصلن عيب الريال يتحجى عن ربعه
و عيب بعد ربعه يتحجون عن حريمهم
شنو اهمه ماكو سوالف الا حريمهم دليل انه مخه صغير هو و اليهال الي يقعد وياهم
و بهلحاله في شي اسمه التعزيز
اقري عنه بالنت و التعزيز في سلبي و في ايجابي
مثل الي ياهل يسوي شي غلط نقوله لا انت اليوم مادري شفيك و احنه نقول عنك ريال
هني الياهل شنو بيسوي بيعدل من سلوكه بسبب هذا التعزيز السلبي

في حالت ريلج ممكن تقعدين معاه و تقولين له فلان ريل فلانه داش نادي ويقولون ضعفان
هذا تعزيز سلبي بنسبه للريال لانج انتي قاعده تمدحين غيره بس لحظتها بفكر يسوي شي يغير من حالته



و التعزيز الايجابي بالكويتي هو المدح
مثلن تدشين عليه فجأه نقوليله انت جنك ضعفان
هني بيقولج ليش شنو لاحظتي
قوليله جنك محلو
يقولون الضعف يحلي
هذا تعزيز ايجابي و يأدي الى سلوك ايجابي فيبدي يخفف اكل يبدي يهتم بنفسه


انا عطيتج امثله بخصوص الاكل و المتن انتي ممكن تطبقينها على كل شي على الريحه على السفر على كل شي صدقيني و على فكره الرياييل كلهم مثل اليهال تييبينه بكلمه و تودينه بكلمه
و لا جان ماشفتي بنات بليس يقصون على هرياييل و يهدمون بيوت و يشتتون عوايل
كل هذا من كلمه
و ذكاء بس لا اكثر و لا اقل

انا برايي خليج ذكيه و ابدي بتعزيز و غيري حياتج فيها


و الله يهديه لج يارب و يعقل

 

[بنات حواء2]

اللي تقول باجر تجيبين عيال وتلهين اقولها اسمحيلي اللي تبي الحب ماراح يعوضونها العيال ولاراح تصبر روحي وابدي حياة

جديده الرياجيل على قفا من يشيل ان ظليتي معاه وتحملتي فوق طاقتج بتفقدين توازنج النفسي ويمكن تكرهين نفسج وترخصينها

وساعتها الكل بيكون ضدج ومعاه !! اتمنى تكونين فاهمتني !

انا فاهمتج و كلامج منطقي و واقعي 100 % و رايي من رايج بس ما احب اشجعها على هشي

بس اذا ماقدرت انها تغير منه و تعدله ماله داعي تضيع عمرها وي واحد وصخ مثله
انا برايي كلامج منطقي
حلو ان الواحد يفكر بنفسه و يترك الناس على جنب لانه لي غلط الناس ماراح ترحمه بالعكس بيزيدونه و لا راح يفكرون بسبب الي خلاه و ضغط عليه عشان يغلط

و هي مره و من حقها تعيش وي انسان علاقل نظيف

 

[مس لوتس]

تدرين شالمشكله،،؟؟؟

انج كارهته او كرهتيه فعشان جذي استسلمتي وتعبتي نفسيتج. احمدي ربج ع الاقل اللي بشخصيته من وسخ وضعف شخصيه تقدرين تغيرينها بس لو يشك فيج ومكرهج حياتج وسكير وراعي بنات شنو وضعج.

اهم نقطه حاولي تحبينه اذا ماقدرتي تطلقي افضل من انج تعيشين قلق نفسي

 

[PuPa^^SWeeT]

حبيبتي انتي سنعيه

مو اتقولين شخصيته ضعيفة


انتي سنعيه و ضبطيه و جمليييه

 

[خالف تعرف]

لوصغير بتقدرين له لكن بهالسن مادري شقولج
بس حاولي تصبرين اذا تقدرين

 

[احلى ـآ وحده]

الله يعينج اهم شي النظافه لوعه يختج

مالج الا الصبر توكم باول زواجكم حاولي تغيرينه

 

[كويتية33]

انا كنت نفس مشكلتك \\

انا كرهته وماحاولت الا الفراااااق

هو نفس شخصيه زوجك امه نفس امك

قالتى لى صديقتى انى ماخليه يروح لاهله الا ورجلى على رجله وماخليهم يختلون فيه (بس انا غبيه قلت مابفرق بينهم )وبالاخير
هم فرقو بينا
كان يستاذن منى اروح لاهلى ؟؟ قلت اى طبعا روح (يقالك مانى قاطعه رحم مالت علي ) وكان يروح وهم الى سارو يطبقو نصيحه صديقتى كانو كل دقيقه يتصلو عليه ويحرضوة على بالتلفون لو ماسفرين لما يروح لهم برضو لانى اكون مشغوله ماروح معاه

بالاخير سار انسان كريهه بالنسبه لى وماعرفت احدد شخصيته هو طيب ولا خبيث ولا هبل زهقت وخلعته
تزوج بعدى وحده ثانيه طلعت عيونهم وفرق بين زوجها وبين اهله والحين يقولو وين فلانه مافي زيها

الله لايسامحهم انا مابدعى عليهم ابي اخذها منهم يوم القيامه حسنات

انا مابقولك الا لا تخلى زوجك يروح لهم الا وانتى معاه مهما كان ولا لهيه عنهم حتى التلفون وهو يكلم خلك جنبه

والله تسير الكلمه كلمتك وشوره شورتك

وهذا نوع شخصيه لوة ومريحه لك افضل من الى شخصيته قويه واما بالنسبه اذا طبقتى الكلام ولسي حاسه انك تكرهيه

فاحتاى الى تبيه وبعد ماتختارى اكثري استغفار وكل يوم سورة البقره لعل الله يرزقك ماتتمنى

 

[كويتية33]

اى استفسار تبيه بالخاص انا مارجع لموضوعات

 

[ربي سبحانك]

الله كريم اوقفي معا وتكسبي ناحيتج وخلي يحبج وان شاء الله يتغير

 

[Loca]

بالنسسبه للريحه الله يعينك لازم الانسان يتنظف و يهتم بنفسه انتي فهميه بهداوه

بالنسسبه للشخصيه انا انصدمت من كلامك شخصيته حيييييل ضعيفه اذا ما قدرتي تغيريه انصحك توديه طبيب نفسي ومولازم احد يدرى ياما ناس اسسمع ماااااالهم حس راحو دكاتره وبنو شخصيه


اللله يعينك