فطورج الرمضاني بالصور 2011ومع الطريقة

[الشيف نانا]

مواصله

ريمه

هني وعافيه على قلوبكم

ماشاء الله اكلكم يشهي

 

[مجنونة حبه]

يعطيكم الف عافيه بنات
ماشاالله شيف نانا ومواصله وهبوش وريمه اكلكم يشوق عاد اعزمونا على يوم

نبدي
اهل ريلي يو عندنا بامريكا
سويت عزيمه فطور عندي بالشقه ( التصوير وتعديل السفره مو انا كان ريلي)

فطور : ( شغل ايدي )
تمر ولبنه
شوربه عدس
سمبوسات مشكله ( جبن فرنسي وجبن فرنسي بالنعناع ولحم مفروم بالبازيلا ورولات شيكن بالخضره )

معكرونه لحم مفروم بالباشيميل

عيش مشخول مع زعفران
مرقه ربيان
فطاير بلغاريه ( جبن بالنعناع وجبن كرافت ) >>>>> مشكوره هبوش عالوصفه

والحلو تشكيله بقلاوه ( طلبيه من حلويات المصري )
معمول تمر وبرازق ( طلبيه بعد من حلويات المصري )
وكنافه بالجبن

واكيد المشروبات عصير ليمون بالنعناع ولبن وعصير انجا ( ماصورناهم )

وصحتين
دعواتكم لي بالسهاله ان شاءالله
وحق زوجي بالتوفيق
وتيسير عنده فاينل هالاسبوع

 

[78MariMar78]

ماشاءالله

تسلم الأيادي


ربي يوفقكم جميعا وييسر اموركم...

 

[opera]

أم الحلوين لو سمحتي طريقه القبوووط


والشيف نانا طريقه المرقوق



وتسلم ايدينكم

 

[زوجي توأم روحي]

أحلى همبه كويتية الي تبينه حلالج والكنافه باذن الله انزل طريقتها عبالي حاطتها قبل

زوجي توام روحي تفضلي الطريقه اولا تاخذين فيليه السمك وتتبلينه بعصير ليمون والخل والملح والفلفل وبالتتبيله الي تفضلينها


تاخذين صينيه بايركس وتحطين فيها زيت زيتون وشرايح بصل وليمون وثوم وفلفل اخظر حار وبارد
وتصفين الفيليهات فوقها

وهم حطي فوقها شرايح طماط وثوم وفلفل وزيت زيتون

سوي خلطه من علبه معجون طماط وكوب ماي حار مع ملح وقفشه صويا صوص وكزبره خضره وكركم وكزبره بودر وكمون وفلفل احمر وصبيهم عالسمج

ودخليه فرن حار غطيه اول 10 دقايق بقصدير بعدين شيلي القصدير وخليه بدون قصدير 10 دقايق بعد او ربع ساعه لما تتشرب الصلصه



بالعافيه

ام فوفوو اي طبق طلبيه وانا احطلج الطريقه


عوافي همبوشه الماي احسه يسرسح بارددددددددددد وخوش اطباق تتهنون

تسلمين حبيبتى عالوصفة

 

[ريمه الكويت]

شفتي شلون الشيف ننا توراد خواطر انا معاج مسوين عرايس وتصدقين كنت ناويه اسوي بقلاوه بالمكسرات وزهبرت المكسرات ويوم افتح العجينه طلعت موجلاش اثاري ماخذه بف باستري وسويتها سينابون لووووول وبالعافيه على هالاكلات الحلوه


بالعافيه مجنونه حبه على هالاطباق يعطيج العافيه والصمون شكله ورد عجيب والحلويات بعد اتشوق

يسلمج يارب زوجي توام روحي

 

[ام فوفوو]

يعطيكم الف عافيه بنات
ماشاالله شيف نانا ومواصله وهبوش وريمه اكلكم يشوق عاد اعزمونا على يوم

نبدي
اهل ريلي يو عندنا بامريكا
سويت عزيمه فطور عندي بالشقه ( التصوير وتعديل السفره مو انا كان ريلي)

فطور : ( شغل ايدي )
تمر ولبنه
شوربه عدس
سمبوسات مشكله ( جبن فرنسي وجبن فرنسي بالنعناع ولحم مفروم بالبازيلا ورولات شيكن بالخضره )

معكرونه لحم مفروم بالباشيميل

عيش مشخول مع زعفران
مرقه ربيان
فطاير بلغاريه ( جبن بالنعناع وجبن كرافت ) >>>>> مشكوره هبوش عالوصفه

والحلو تشكيله بقلاوه ( طلبيه من حلويات المصري )
معمول تمر وبرازق ( طلبيه بعد من حلويات المصري )
وكنافه بالجبن

واكيد المشروبات عصير ليمون بالنعناع ولبن وعصير انجا ( ماصورناهم )

وصحتين
دعواتكم لي بالسهاله ان شاءالله
وحق زوجي بالتوفيق
وتيسير عنده فاينل هالاسبوع

:rerrerek:الصموون اينن بليزز ابي الطريقه بالتفصيل:eh_s(2): وهني وعافيه:eh_s(17):
والله يسهل فاينل ريلج:yaaaaaarb:

 

[ام فوفوو]

الشيف نانا

سوويت سلطة الشمندرر عجيييييييييييييبه :eh_s(9)::eh_s(17):

 

[ام فوفوو]

ملح الدنيا فيني

هني وعافيه //ابي الطريقه والمقادير

مواصله

عليكم بالعافيه //ابي الطريقه والمقادير

الشيف نانا

تسسسسسسلم ايدينج ،،ابي الطريقه والمقادير

 

[رينااد]

تفضلو هذي طريقة حلى الباونتي:

الطبقه الاولي:

بسكوت داجستيف نطحنه مع صبع زبده ونرصهم بالصينيه

الطبقه الثانيه:

قيمر+حليب مركز صغير+كاسين جوز الهند واذا احتجتي تزيدينهم ليما تتماسك

نخلطهم مع بعض ونوزعهم بشويش بالصينيه ندخلها الفرن 10دقائق ليما تتماسك (من فوق)

الطبقه الثالثه:

نذوب 2مارس +قشطه بحمام بخار ونصبهم بالصينيه ندخلها الثلاجه ونرش عليها جوز الهند وبالعافيه

جااااااااااااااااري التطبيق
تسلم الايادي

 

[مواصله]

الله يسلمج وعليكم بالعااافيه


ام فوفوو،،تفضلي:


الطبقة الأولى :

كيك شوكولاته ( أنا استخدمت الباوند كيك الجاهز )

نفتفتها ونخلطها مع شوية قشطه عشان لما نرصها بالصينيه تتماسك


الطبقة الثانية :

4 حبات كيري
علبة قشطة
كأس بسكويت مطحون

نحطهم بالخلاط ليما يتجانسون ونصبهم بالصينيه وندخلها الفريزر شوي

الطبقة الثالثة :
3 جالكسي السادة
نصف علبة قشطة


نذوب الجالكسي في حمام مائي ونضيف القشطة ونمزجهم

و نصب الخليط في الطبق،نخليه بالفريزر ساعه اقل شي

 

[مواصله]

الطبق الثاني زنود الست

تقصين عجية السمبوسه نصين وتحشين كل قطعه بجبنة كيري وتفلينها رولات وتدهنين طرفهم بصفار بيض عشان ماتنفتح

وقت القلي،،تصبين عليهم القطر اخر شيئ وتزينينهم بالفستق

 

[ريمه الكويت]

بسم الله ابدي​

​

شوربه سبانخ
​

عيش بالتونه
​

​

صمون السلاحف​

وهذي حشوتها​

​

​

​

​

عصير برتقال طازج بالموز​

​

الحلو صينيه الطبقات بطبقه الشعريه الباكستانيه​

​

​

ولله الحمد على نعمه​

 

[الشيف نانا]

السلام عليكم ..

عوافي وهني..

بنات برد عليكم ان شاء الله

فطورنا اليوم

دياي كابلي وعيش بني,,





سلطة الخبز بالزعتر والخس



مشلتت بحشوة الطلياني




فطاير الشوايه




من نفس العجينه سويت الفطاير المحلاة



القيمات


وحلو الآرو للأخت اشتياق



والحمد لله على النعمه..

 

[نجاة80]

الله يعطيكم العافيه ...

كفيتوا ووفيتوا ... ووايد ساعدتوني .. مشكورين وعسى ربي يزيدكم من خيره

 

[لعبير]

بالعافيه بنات بس حبيت اسال شيف نانا طريقه مشلتت ماعليج امر

 

[أم راشد المطيري]

الشيف نانا ممكن حلو اشتياق وعيش التونة

 

[مواصله]

عليكم العافيه



ريمه يحليلهم معجنات السلاحف اشخف دمهم ههههه



الشيف نانا ياااريت تعطيني طريقتج بالقيمات

اليوم اول مره اسوي لقيمات واخذت طريقة منال العالم بحذافيرها

حدي مشتطه ،،النتيجه كانت :




صخريه


خخخخ وماحد اكل منها

 

[Smile Whatever]

الشيفه نانا ممكن طريقه السلطه الخبز بالزعتر والخس

 

[مواصله]

فطورنا اليوم:




المفروض انه لقيمات

سباغيتي بصلصة الروبيان بالطماط:

مهلبيه:

من بيت عمي:

والحمدلله ع النعمه