رد: ♥ ░▓██░▓█ ۞ الجزء الثاني - تجهيز عرايس كويتيات بالصور ۞ █▓░██▓░ ♥
قوووة عرااايس ..
عقب ما تأجل عرسي صار فيني نشاط مو طبيعي بس ابي اروح السوق
ما ادش محل الا ادقق بكل شي على الفاضي :rerrerek:
عاد قبل امس كنت رايحه ايكيا وشريت سلة بلاستيك مقسمة وحجمها حيييل حلو مو صغيرة ولا كبيرة حيل وتصلح لترتيب المكياج او اصباغ الاظافر
او الكريمات وهالسوالف وسعرها
نص دينار .. موجودة عند السلال اللي قبل الكاشير..
عاد ما في شي ما حطيته داخلها عشان يبين الحجم :krkrkr:
واللي بالصورة مو فواكه صابون شاريته من تركيا
وشفتو الشور الجل اللي على فيتامين سي اخر شي بالصورة على اليسار
ترا عجيييييييبه ريحته حييل منعشة ويصحيج غصب .. جنج عاصرة برتقالة على خشمج:krkrkr:
شريته من محل ACE هاردوير المحل الامريكي اللي بالري بعد
بنص دينار
وعندهم كريمات وشورات نفس شكل فيكتوريا سيكرت بس مادري شنو ماركتهم ولا شميت ريحتهم
اما هذا حيل عجبتني ريحته .. مع اني ما احب ريحة البرتقال بس من شريته وانا معتمده عليه بشاور الصباح
ومن ايكيا بعد خذيت هالشموع على لون غرفتي
الحمرا ريحتها لو اقول لي باجر عجيبة ما راح يكفي
ريحتها ريحة حلاااو لما شميتها احس بطعمها:krkrkr:
هذي بـ750 وفيه منها شموع صغار للفواحات وجذي
جنه 24 وحده بدينار ونص
عموما هالشموع كلهم ريحتهم حييل حلوة وفيه انواع والوان شكثر :eh_s(17):
ورحت تروفاليو وشفت نفس هالعلاق بس ملبس مخمل وموجود عندهم كل الالوان
حيل شكله ذرب المخمل وفيه فوشي وبرتقالي وازرق يونس
اول ما شريته استعملته للملافع مو نفس مال ايكيا يعني ما يحتاج تكوينهم من جديد..
المهم سعره
دينار وربع او دينار ونص
بس انا كنت شارية نفسه بالضبط من محل اسمه سيتي ستار
اهو محل كبير بسرداب عند لولو هايبر اللي بالري
وهالمحل فيه اشياء لقطةة على قولة امي :krkrkr:
شريت منه العلاق الواحد
بنص دينار او 400 فلس
يعني نص السعر :rerrerek:
كانت معكم مراقبة ومدققة المحلات :
همبوش :krkrkr:
وسلامتكم وتتهنووون يا رب :eh_s(22):
