هدية العيد لخالتج ( ام الزوج )؟؟؟

[neitfa]

اهديها شفيها حلو الهديه والله اخذيها من الفودري للعطوور مسوين بوكسات خيال بعشرين وشوي

 

[beauty rose]

انا اشوف انج تهدينها بدون مناسبه احسن
لا تعودينها ان كل عيد لازم تييبين لها
اذا مر عيد و ما عطيتيها يمكن تنتقد لانها تعودت عليج
بس اذا بدون مناسبه تصير جنج تنقصتي لها الشي وانتي طالعه للسوق مثلا
مو مفكره فيه و ناطره للعيد

 

[رفيعة الشآآن]

انا عن نفسي ما راح ايب هدية بمعنى الهدية

بس مفكرة اني اشتري لها عطر من جزيرة الي توهم نازلين وبقولها شميته وقلت لازم اخذة لج

وانا معودتها دايما ان لما اروح مكان انيب لها شي لو حتى بسيط

يعني مو هدية الي اغلفها وجذي ان من باب والله ذكرتج وانا بسوق قلت اشتري لج

 

[جرح يقتل]

انا بصراحه كل عيد لازم اهدي خالتي ام زوجي وعمي ابو زوجي بعد

مره عطورات من اجمل مره فلوس مره جلابيه

هالمره مجهزه لخالتي جلابيات مع عود

وعمي عطر شرقي طبعا من اجمل اسمه معتق خيااااااااال

 

[قنــــــــــوت]

الحمــدلله ..كل عيد اهديها هديه ...

ومرات احط الهديه بإيد ولدي واقول له عطها ليدّتكـ .. وقول لها عيدج مبارك ...

اهو موشي اجباري .... بس معروف ان الهديه مدعاة للمحبة ...


وان سويتيها ترى طيب منّج ...وشغله تنحسب لج .. موضدج ...

موفقه حبيبتي ...

 

[soso-al]

انا عن نفسي ما اهدي خالتي شي لانه خالتي ما يعجبها العجب ولا صيام برجب فخليني بعييد مو زين اطيح بلسانها للحين وانا بعيد ما سلمت منها
بس اذا حابه تهدينهم كيفج​

 

[غلاتي غلا]

بالعكس شي حلو ويبين طيب اصلج
انا عمتي احسبها نفس امي وكل شي اجيبه لامي هي اجيب لها نفسه سواء بخور او اي شي ثاني
لما كنت عروس اهديتها خامه وبخور وعطر ودهن عود وفلوس هذا اول هديه
ومره ساعه المهم اي شي لمي اجيبه اجيب لها معاها وبالعيد لااااااازم عيديه
والله تستانس وانتي ترتاحين تحسين انج راضيه

 

[أسم والسلام]

عطيها جلابيه وعطر شرقي

 

[رتو الكيوت]

خليني اهدي ولدها اول عقب افكر فيها ض1

 

[دمثة]

يكفي حلو العيد غالي وشغل ذرابه وايد زين

 

[* فطامي *]

اممممم بنات في سؤال يقرقع بقلبي و عقلي


تقولون نعطي ام ريلي عيديه او فلوس

السؤال جم أعطيها ؟ مو لقافه لا منكم نستفيد لان ولا مره سمعت من اهلي احد يعطي فلوس لام الزوج

 

[فطيم الامارات]

مب شرط الهديه شي غالي ومكلف

الهدية ممكن تكون كيكه او سلة باتشي صغونه او حلويات العيد من اي محل ..

سله مكسرات - صينيه موالح كشخه اي شي ينحط عالطاولة

راح تفرح ,, بس اهم شي تاكدي اهي من وين بتشتري فاله العيد عشان اتيبين من محل غيره ..

عندج محلات لايف ستايل خذي حركات مثل صحن له قاعده في قسم بتحصلين حركات وايد روحي باتشي خذي كيلو جوكلت وانتي حطيه فالبيت ولا وديه يحطونه ويغلفونه المبلغ بسيط بس قيمة التعبية ..

راح تفرح كثير وخصوصا اذا ياها حد بتقول ان هاي من مرت ولدي ..

انتي ابدعي وفكري ..

تهادوا تحابوا ..

اذا ام ريلج عيوز من النوع اللي تلبس جلابيات .. خذي قطع من السوق مع شيله وملفع وعطر ..

او خذي قطعه وديها الخياط سوي لها دق ذهبياو تلي .. واهديها لها قبل عيد الاضحى راح تفرح كثير وبتفصلها وبتلبسها

 

[فطيم الامارات]

اممممم بنات في سؤال يقرقع بقلبي و عقلي


تقولون نعطي ام ريلي عيديه او فلوس

السؤال جم أعطيها ؟ مو لقافه لا منكم نستفيد لان ولا مره سمعت من اهلي احد يعطي فلوس لام الزوج

انا ماانصح انج انتي تعطينها فلوس اهي اوردي عندها فلوس وخرده لليهال ..

حلوة حركة عيديه فلوس تكون خردة ربطة بس الافضل يكون ريلج اهو اللي يعطيها ..

اشياء ماليه لاتعطين بتحسس .. منج

اذاا من ريلج اللي اهو ولدها ايي ..

وشكرا :eh_s(17):

 

[فطيم الامارات]

ترى صدقوني يستانسون ازواجكم لما تهدون الام .. يحس انج تحترمينها وتحبينها ...

وترى اوردي الهدية بتكون من حساب ريلج ..

فهاي شي حلو ...

مب شرط هدية لبس او عطر او ساعه ..

يعني كل عيد شي .. تعودي تهدين ... يعني حلويات / باقة ورد / موالح / عطر /|

رمضان لازم هدية .. قرنقعوة + عيدالفطر والاضحى + يعني اربع مناسبات فالسنة .. شي بسيط ومب مكلف بالعكس تزيد المحبه

والله يديم المحبه بينكم وبين امهات ازواجكم ..

امين

 

[om MaRyooM]

هالشي راجعلج حبوبة


من ناحيتي هالسنة ماقصرت مع خالتي برمضان والقرقيعان

اما العيد رح اطنش

 

[مناير خزنة التاير]

بالعكس شي حلو
بين فترة و فترة تهادينها ، بس نصيحة لا تنطرين مقابل من ورا الهدية
اهديها بنية صافيه .. و الهدية محببة على قلوب الكبير و الصغير
و مو بقيمتها بس بتقديرج لها
مو ضروري تكون غالية بالعكس لو شي بسيط

واايد افكار ، وخاصة ان عيد الفطر الريوق له طعم ثاني سلة فيها تشيكلة درابيل و بقصم ، قرص عقيلي
و عليه كرت عيدكم مبارك و تقبل الله طاعتكم

 

[FeShinGoOo]

ماعندي خاله الله يرحمها

بس يمكن اشتري شي حق حماتي الكبيره لانها ماتقصر وبحسبة الام لاخوانهااا

 

[PuPa^^SWeeT]

اول مرة اسمع ان الجنة تعطي خالتها

المفروض العكس الخالة او العم او اثنيناتهم يعطون الجنة عيدية ​

بس ماعليه مايضر لو عطيتيهم

انا اقول احسن شي تشترينلها بخور ودهن عود وصينية حلو ​

بالعكس
هذي مو عيدية

هذي مثل هدية احترام و محبة


يعني شغلات اتحبب الناس و تربطهم

 

[لينوفر]

بعض البنات الله يهيدم بس


بالعكس انا كل مارحت السوق اسالها خالته تامرين ع شي ومرات اجيب من عندي حق البيت مواعين مطاطير وهالسوالف واذا شريت حق امي شي لازم اجيبلها

حتى بالسفرهي وامي نفس الهدية وانا كل عيد احب راسها واعايدها واعطيها عشرين دينار لاهي منقصه من فلوسي شي يكفي دعوتها لي بصباح العيد

اذكر مره قالت لي فيه وحده كانت تعطيني مثلج بعدين قطعتها والله كسرت خاطري

مهما كان ترى الانسان الكبير اي شي يحز بخاطرة

بكرة بتكبرون وبتشوفون بعينكم

 

[na3nooo3]

السلام عليكم ..

موضوع شيق .. و أنا عضوه جديده و ودي أشاركم الراي..

أؤمن اب مبدأ تهادو تحابو .. و لما أعطي الهديه أحس اب سعاده و راحه غريبه !
حتا لو كان شخص بعيد ..

المهم .. أفكاركم كلها حلوه للهدايا .. على الرغم من اني أحب أهدي خالتي .. الا ان مو دايما ذوقي يعجبها .. اهيا ما تقول طبعا ظليمتها شينه .. بس دايما توريني شنو يابتلها مرت حماي .. و فعلا ذوق مرت حماي حلو و تعرف شنو تحب .. أنا ما صارلي معاهم 3 سنين .. مرت حماي معاهم 19 سنه ..

بفيدكم ابعض أفكاري و أفكار مرت حماي ولو ممكن اتكون بعضها مذكوره .. ما قدرت أقرا كل الردود:

1. ريوق العيد: عباره عن سله و تحطين فيها كل ما لذ و طاب من الشغلات الكويتيه (درابيل, بقصم, قرص عقيلي, زلابيه, رهش, حلوا ......). توزعين من كل شي شويه بطريقه حلوه و تلفينه اب سولوفان. فكره بسيطه و غير مكلفه و حلوه خاصه لكبار السن.

2. مضاعد ذهب: و خاصه ان الذهب غالي ف راح تكون هديه قيمه.

3. مجموعة عطور: عطور مخلط ورشوش و بخور و معمول. فكره حلوه حق أول يوم العيد...تجديد

4. حلو العيد: حلو القهوه اب أنواعه .. دوري شي ما ضاقوه من قبل و قدميه.

5. قطعة خام حلوه و راقيه اذا تعرفين تختارين ألوان تناسبها. أو دراعه جاهزه.

6. اذا الميزانيه راهيه تقدرين تقدمين 1 و 2 و 3 مع بعض. سله فيها الأكل, و صندوق فيها العطور و المضاعد.

7. و أخيرا و ليس اخرا الاكسسوارات من ساعه قيمه أو جنطه أو ملفع راقي أو حتا عباية راس مرتبه. غير اذا تحب تلبس السكارفات و الأمور هذي..


أنشاء الله أكون فتدكم ..

في أمان الله ..