ستايلي شلووووون

[ياغفور اغفر لي]

مرحبا بنات

تقبل الله منا ومنكم صالح الاعمال وختم لنا شهر رمضان باعتاق رقابنا ورقاب والدينا من النار:yaaaaaarb:

وكل عام وانتوا بخيــر

بنات بغيت مساعدتكم انا حامل بالرابع ولله الحمد وابي محلات بدل كشخة للحوامل للعيد

وابي منكم تنصحوني شلون يكون استايلي بالعيد لان اول حمل لي وانا شعري اسود لي تحت جتوفي

طويله حنطية بيبي فيس وانا بخاطري سلسال ع الجبهة وشعر كيرلي انتوا شرايكم نصحوووووني

وانا ابي اشقر حواجبي هل هالشي مضر للجاهل لان حواجبي مااترقع تفشل من حملت ماشقرتهم ولا صبغتهم





بلبز مشرفات ابي قسم الحياة الزوجية مو مثل اول قطيتوني قسم الحوامل بليززززززز
ولكم تحياااات*

 

[ياغفور اغفر لي]

لا اله الا الله

Up

 

[كتالونيه]

رفع
لعيوووووووووووووونج

 

[حروف الغـــــلا]

سوي ويفي يطلع حلو وخلي المكياج ناااااعم والوانه هاديه
ولاتحطين السلسال عالراس مادري احسه موحلو
وفصلي بدله مالت حواااااامل وسييييييعه من تحت الصدر
واحلا شي لو تكون الوانج لحميات او قولد​

 

[miss_whitemocha]

حبيبتي ليش سلسال على الراس؟؟؟ موضة وايد قديمة يا غالية ومحد قام يسويها..
حاولي يكون ستايلج بسيط وناعم..شعرج سويه ستريت و رفعيه من الجوانب بطريقة عشوائية عشان ويهج يبين..ولبسي فستان ناعم و بسيط..خلي قصته تكون تحت الصدر عشان تبين الكروشة الصغيرة و اختاري لون فاتح..أحس الوردي حلو على الحوامل..ولا تشقرين حواجبج حبيبتي..إذا حابة تفتحينهم شوي فيه جل ينباع بماك يفتح لون الحواجب ولو إني أحس لونهم الطبيعي أحلى خصوصا إن شعرج أسود وإنتي حنطاوية..
موفقة يا حبيبتي..​

 

[احساس امومة]

انا اأيد كلام مس وايت موكا

 

[iLLuMinaTion]

رفع لعيونج

 

[ياغفور اغفر لي]

رفع الله قدركم للي ارفعوا الموضوع

بنات السلسال اللي يجي ع الجبهة او العجفة عرفتوها مو اللي تجي ع الراس لاااا ع الجبهة

طيب التشقير يضر الجاهل يعني

ومس شنووو الجل اللي نباع شلون استخدامة فيديني ةمشكورين حبايبي

 

[سنيوريتآ]

يبُ آلبسسسيٌ فسستـآإن وسسيع من تحت آلصصدر ..ْ

و خلي ششعرج ويفي ولا سترييت آللي آححلـى ششيء ..~

و آلسسلسسآل عـآ‘ديُ ححططيه ;p

 

[ياغفور اغفر لي]

بنات ماراح يمدي افصل

انا شفت بدلة بالاڤينيوز بيضا قصيرة مافيها اي شي بس حركه راقيه ماخذيتها كنت محتارة هي مو قصة حوامل

شرايكم بنات اختار نفنوف مايبين الكرشة ولا اختار نفنوف يبين الكرشة خصوصا هذا اول حمل لي

 

[miss_whitemocha]

حبيبتي شيلي السلسلة من بالج كلش..حسيت إنج بتقدمين فوازير والله..
شوفي يا غالية الجل انا للأمانة ما استخدمته بس سمعت عنه وايد و فيه وحدة من العضوات حاطتله موضوع و شلون استخدمته أدورلج الرابط و أرجع لج..
وعلى سالفة الكروشة انا أقول طلعيها..شكلها كيوت و حلو..خصوصا إنج بجرية..والتشقير ناس قالوا يضر و ناس قالوا ما يضر بس إنتي سكري الباب بكبره حبيبتي دام فيه حل بديل..
أدورلج موضوع الجل و أرجع لج..​

 

[miss_whitemocha]

حبيبتي أهيا مسكرة من ماك مو جل..هذا رابط الموضوع..إنشالله تطلع معاج الصور..
http://www.q8yat.com/t829531.html
في المشاركة رقم 12 هم قالت طريقة ثانية عشان تفتحين حواجبج..
إنشالله أكون أفدتج..​

 

[ياغفور اغفر لي]

هههههههه فوازير عااااد

الله ينولج اللي في بالج ومشكورة يالغلاا ماقصرتي وراخ اخذ بنصايحكم بناتت

بس بنات اذا خذيت بدله بيضا شنو اركب معاهاا اي لووون كعب وجنطة واكسسوارات حدي محتارة

 

[miss_whitemocha]

هههههههه فوازير عااااد

الله ينولج اللي في بالج ومشكورة يالغلاا ماقصرتي وراخ اخذ بنصايحكم بناتت

بس بنات اذا خذيت بدله بيضا شنو اركب معاهاا اي لووون كعب وجنطة واكسسوارات حدي محتارة

حبيبتي..ماكو كعب..إخذيلج فلات حلو و فيه حركه من البوز..أو إخذيلج صندل فلات هم يطلع حلو..والأبيض عادي كل شي يمشي معاه..انا أحب الذهبي معاه أكثر شي..يعطيله زهوة..بس عموما كل الألوان حلوة عليه سواء بالجوتي عزج الله أو بالأكسسوارات..وإخذيلج بعد دبابيس ناعمة حق الشعر جولد أو كرستال بس يكونون ناعمين..​

 

[ياغفور اغفر لي]

مشكورة حبيبتي ماقصرتي والله يرزقج بشوفة ضناج كامل معافى ان شالله

مشكلتي اموووت بالكعب مع اني طويلع بس غرامي مااحب الفلااات والا الصندل الا ببعض الاحيان بس زوارات كعب

لكن راح اخذ بنصيحتج تسلمين

 

[miss_whitemocha]

مشكورة حبيبتي ماقصرتي والله يرزقج بشوفة ضناج كامل معافى ان شالله

مشكلتي اموووت بالكعب مع اني طويلع بس غرامي مااحب الفلااات والا الصندل الا ببعض الاحيان بس زوارات كعب

لكن راح اخذ بنصيحتج تسلمين

الله يسلم قلبج من الشر حبيبتي.. انا مثلج ما أحب الفلات خصوصا إذا بغيت أكشخ و حق المناسبات الكعب حلو..بس مو زين حق حالتنا يا غالية..
وياربي يفرحج بشوفة البيبي سليم و معافى إنشالله..
​

 

[La t7atini]

ستايلج كيفج انتي وذوقج

بس بالنسبة للتشقير عادي انا سائلة دكتوره
تقول فيسج عادي بس الجسسم لا

 

[دلوعة صلوح]

البنات كفوو والله يسهل عليج يارب العالمين.

 

[kuwaitya_zoGaa]

حبيبتى لى رجعه

 

[عيش و مرق]

لاتكشخين وايد ولا تلبسين كعب خلج بسيطه لايفزون فيج ويحدث مالا يحمد عقباه الله لايقول العين حق