اللي ولدت بالامبراطوري دار الشفا تدخللل ضروورييي

[zozowat]

السلام بنات

بغيت اسالكم للي ولدو بالامبراطوري

سعر الغرفه 1067 اذا دكتورتي برا المتشفى

هذا السعر يشمل ابر التخدير وغيره ....؟

و بالنسبه للقلاصات والاسكانات والفنايين ومطارات الجاي والقهوه من عندي وله عندهم ؟!

والفلبينيات اللي يوزعون اخذهم من المستشفى ؟! جم ؟!

وشلون عالجاي والقهوه اهم يعرفون يسوون ؟؟ والعصير من عندي وله عندهم ؟!


ادري كثرت اساله ساعدوني ماعليكم امر

 

[blue rose]

هلا اختي انا ولدت بالامبراطوري قبل سنة تقريبا واهم عندهم قلاصات واستكانات وفناييل ويعرفون يسون قهوه بس انا يبت اغراضي كلها معاي انظف لي وخليتهم يسون القهوه والجاي من البيت والخدمه بس وحده لج واذا تبين تطلبين وحده ثانيه ب 15 اعتقد وسلامتج

 

[الصواني]

الف مبروك لجميع الوالدات

 

[@ام يوسف@]

ااب

 

[Nokia N95]

هلا اختي انا ولدت بالامبراطوري قبل سنة تقريبا واهم عندهم قلاصات واستكانات وفناييل ويعرفون يسون قهوه بس انا يبت اغراضي كلها معاي انظف لي وخليتهم يسون القهوه والجاي من البيت والخدمه بس وحده لج واذا تبين تطلبين وحده ثانيه ب 15 اعتقد وسلامتج

معاها حق
:eh_s(15)::eh_s(15)::eh_s(17):

 

[yasmeen_q8]

حبيبتي الاسعار ما اعوفها عدل بس انا افتريت وشفت الغرف اي دار الشفا فيها قلاصات واستكاناتايون مع الجناح الامبراطوري

 

[يا عيون سمي]

اب
اب مادري

 

[madry]

انا توني من 3 اشهر ولدت هناك
السعر هذا اذا دكتورج من بره يشمل الكمام الابره سعرها بروح
الاستكانات والصواني والمطارات كله عندهم بس اذا حابة تييبين شغلج براحتج
تقدرسن تطلبين منهم الشاي والقهوه يسوولج بس قهوتهم لج عليها شوي مو ذاك الزود اما العصر لج لترين عصير باليوم وطبعا السيرفس لج وحده مع الغرفه معاج علطول من الصبح لين الليل سواء استقبال او لا و اذا تبين وحده زياده تدفعين على كل وحده 15 باليوم
ومبروك حبيبتي مقدما

 

[noo7a]

و منكم نستفيد

عاد الاستكانات و القلاصات الي اييبونهم
كشخه ولا شغل اي شي
؟

 

[كينو]

والله انا بقولج نصيحهوانتي براحتج
اعرف وحده سوت الي تبين تسوينه وتقول طلعت منهم فوق السعر الي متفقين عليه ب800 دينار لانها عمليه شوفي عقاب الله لها والله لو اني مكانها اكنسل الجناح واقعد بغرفه عاديه واحمد ربي عالعافيه
اهى عاد كملت سوت استقبال والاستكانات والمواعين والكراشيع الي مااااااالها داعي لا وحاطه مكياج ولابسه قميص فخم وكفر مع القميص والناس تدخل وتطلع لانها ماتبي استقبال بالبيت
بس ليش هذا كله هالشغلات الي زايده عن حدها باعلى المستويات بس الحين لو تشوفينها متحسفه واااايد تدرين ليش؟؟؟
لان صابتها عين وفزه بس مو فيها بالبيبي ولدها صار فيه ترجيع وخرعه و ماينام آخر شي عقب الفحوصات طلع فيه سدد لانها كانت ترضعه ايام الاستقبال جدام الناس
يعني فوق مخاسير الولادة مخاسير الياهل وتحاليله لانها كانت توديه خاص وزوجها ماكان راضي عن الجناح الامبراطوري غرفه عاديه وخلاص بس كانت تقول مو من فلوسك فلوسي انا
وعقبها زوجها يلومها على الي صار بالولد يقولها كل منج و مادفع بعلاج ولده ولا حط فلس واحد يقول خلي فلوسج تنفعج

كاسره خاطري والله عساها ماتشوفها مره ثانيه لا هي ولا المسلمين
ي
اخذي تجربة هالبنت عبرة ياأختي وافتكي من عيون الناس تراهم مايعطون خييير
لاتزعلين من كلامي ومشكورة

 

[جديده 1]

حطي ببالج السعر يزي عالاقل 150 دينار الى 200 هذا اذا ولاده طبيعيه !! اما القيصريه فالله يستر !!!!!!!

 

[بخـــارى]

اختي كينو الحين كل البنات يسوون استقبال بالمستشفي نفس الي سوته الاخت الي كاتبه قصتها وماله داعي تقولين انه الي صار فيها عقاب من الله لانه زوجها موراضي انتي موربها علشان تحديد اذا عقاب ولا لا
والبنت مسويه بفلوسها واهيا حره فيهم

والي صار بالولد ربج كاتبه وياما يهال امهات ولدوهم بحكومه وصار فيهم نفس الشي ويمكن ماتوا

وربج كاتب تولد قيصيريه يعني لو مكنسله ولدت طبيعي؟؟؟

ماله داعي الشماته فيها

 

[بخـــارى]

اختي زوزو هالسعر مو شامل الابره اذا كنتي تقصدين ابره الظهر بروحها حسابها 85

وبالنسبه للاستكانات والفناجين والقلاصات انا شايفتهم كشخه وماعليهم كلام

السيرفيس يعطونج وحده لمدة يومين واذا تبين الثانيه اب15 دينار

والقهوه لمدة يومين ابلاش مطارتين بس ييبي معاج احتياط مع عصايرج والشاي

وبالنسبه لتخدير اهما يعطونج الكمام وكمامهم حلو وابرة ريلاكي تهدي عوار الطلق

والله يقومج بسلامه حبيبتي

 

[كتالونيه]

رفع

 

[noo7a]

انا قريت تجربه وحده من البنات
والده بالامبراطوري كاتبه كل التفاصيل
بس للاسف نسيتها و نسيت باي موضوع كاتبته
بس الي اتذكره من كلامها
ان اييبون سيرفس و عصاير و الاستكانات و غرفه ولاده خاصه
فلو تحسبين اسعار هذيل الشغلات لو بتييبينهم انتي بنفسج و تاخذين الغرفه الملكيه راح يطلع
تقريبا نفس السعر
فالاختيار الافضل الامبراطوري كل شي جاهز و غرفه اكبر و احلى

 

[zozowat]

مشكورين حبايبي كلكم عالمرور

والله يسهل علي وعليكم وهولدون بالسلامه انشالله

 

[طـير7]

الله يهون عليكم

 

[ريمية مزيونه]

انا والده قبل سنه بالمبراطوري
ودكتورتي من برا خذتو300 وطلع حساب المستشفي تقريبا 1400 او اقل بشوي

وكانت غرفه خاصه ولاده مع مرافق واحد
وخدمه من الصبح لي الساعه 11 بليل
والشاي والقهوه والعصاير منهم والاستكانت والفناجيل والقلاصات منهم وشكلهم حلووو وذررب

ومرافق لج بالغرفه
والوجبات نظام بوفيه مصغر لاربع اشخاص تقريبا