ضاااااع مستقبلي ! ما يسوا تعبي

[يآآآرب]

قوه بنات
شلونكم

عيدكم مبااااااارك و كل عام وانتو بخير

عندي مشكله و متضاااايقه حيييييييل حييييييييييل والله يا بنات احس قلبي من داخل يعورني مو تعبير مجازي لا صج احسن بالم صوب اليسار

يمكن مشكلتي مو بهالقسم المفروض اكتبها بس ابي مساعده


بقولكم قصتي
انا عمري 20 متزوجه و عندي عيال
تزوجت صغيره و كنت متفوقه بدراستي
تخرجت من الثانويه بنسبه حلووووه حيييييل
طبعا من قبل لا اتخرج وانا طموحي اصير مدرسه و احب التدريس
من زمان وانا اقول بدش التربيه الاساسيه لاني احسها حلوه و نفس جوي

ما احب الجامعه و لا فكرت فيها ابداااا
بس عقب ما تخرجت انغريت بنسبتي و كلام اعلي شجعني اني ادش الجامعه
قدمت عليها و اقبلوني فوري
و طبعا كنت قبلها مقدمه عالتربيه الاساسيه و سحبت اوراقي منها على طوووول

داومت بالجامعه بس كنت على طول متضايقه و فيني البجيه و موووو بالعتها كللللش
الدكاتره حشاكم خياس
و نظام تسجيلهم يبط الجبد و يرفع الضغط

المهم داومت سنتين من غير لا اتخصص
كورس كنت حامل و كورس وقفت قيدي و سنه مشت اوكي و الي وراها حامل
والله تعبت بس كنت متماسكه و ارقع بعمري



الصدددددددمه قبل جم يوم
دشيت السستم ابي اسجل ولا اشوف وضع الطالب مفصووووول

مت وقف قلبي انهرت قمت ابجي و اصارخ
شالسالفه ؟؟؟
رحت حق ريلي ابجي ميته بجي مو قادره اتكلم

والله بجا معاي وكسرت خاطره

رحت العماده جان تقولي انتي مفصوله خلاص شحقه يايه
قلتلها ابي فرصه مو معقوله فصل و خلاص ببساطه جذي
قالت معدلج نااااازل م حتى مالج كورس استثنائي
قعدت ابجي عندها دبريني شالحل
قالت خلاص فصل يعني فصل !

انا مو متحسفه على جامعتهم الخايسه انا اليً ذابحني اني ساحبه من التربيه الاساسيه وما اقدر ارد لها

بنات امااااااانه حسوا فيني
ضاع عمري
دراسة امتحانات الثانويه العامه راحت هباءا منثورا
نسبتي راحت
تعبي ضاع


مستقبلي الدراسي انتها
والوظيفي انتهاااااااااااااا

مو مصدقه

حتى الجامعات الخاصه ما تقبلني بعثه داخليه لانه شهادتي صارت قديمه

مالي خلق شي حتى بطعم العيد مو حاسه متضايقه و مخنوقه بعبرتي

اهلي ما يدرون

وين اروح شسوي بعمري ؟؟؟؟!!!!!

تكفون بنات شنو الحل

منو صار فيها نفسي

والواسطه تنفع ترجعني التربيه الاساسيه



ردوا علي والله الدنيا صاكه فيني و احس اني صرت متخلفه و جاهله ومالي مستقبل
عمري ما تخيلت نفسي اقعد بالبيت لا دراسه ولا وظيفه !!!!!!!!

ياربي ساعدني

شسوي شسوييييييييييييي

 

[يآآآرب]

بنات عفييااااا الي ما عندها حل حق مصيبتي بس ترفع موضوعي الله يرفع قدركم و ما تذوقون الي ذقته ولا يضيع لكم تعب

 

[miss mama]

شوفيلج واسطه قووووية تمشي امووورج. حبيبتي هالامور لازم تدخلون فيها فلان وعلان

 

[✿ячǿőƒ✿]

والله ماعندي فكره بس الله يفرج همج ويفرحج يارب ولاتخافين تعبج هذا ماراح يروح ان شاء الله

اب

الله يوفقج يارب

 

[مودي كويتي]

حاولي شلون فصل على طول ماعطوك انذارات روحي لهم كلميهم لاتسكتين وياحبيبتي ادخلي اي شي شدي حيلك فيه من البدايه الله يوفقك يارب وين ماكنتي انا مو من الكويت ماعرف شنو انظمتكم

 

[what's up]

الله يعينج حبيبتي حبيبتي جم نسبتج انتي ؟؟

 

[what's up]

و علمي ولا ادبي

 

[حبي لله اشد]

طلعي بعثه دراسيه للخارج تقدرين تعيدين شهادتج الجامعيه !
واذا الامل مفقود كلش وماكو جامعه
توج صغيره الحمدلله لا تيأسين عيدي 3 سنين الثنويه وامرج لله
بس مو معناته تستلمين وتعيدين الثنويه لانه نسبتج حلوه
روحي الجامعات الخاصه كلها وقعدي سألي
وقولي حق اهلج خل احد يساعدج
شوفيلج احد يعرف حق سوالف الجامعات خل احد يفيدج
سألي اهلج ماراح تخسرين شي
ونصيحه اذا داومتي الجامعه لا توقفين قيدج عشان لا تنصدمين يفصلونج
مره ثانيه والله للحين مافهمت السبب اللي فاصلينج منه
اذا على معدلج نازل بس جامعة الكويت ماتوقع تفصل توج صغيره 20
ماصارت وايد سنين انتي بالجامعه يمكن غلطانين !
لا تسكتين روحي راجعيهم
وترا شهادتج ماتعتبر قديمه توج 20​

 

[$$ داجـــه $$]

اياامج سعيده ياقلبي هونيها وتهون
عسى ان تكرهو شي وهو خير لكم ماتدرين
يمكن خيره لج بعدين شكثر عندنا اسحبو من
الجامعه وسجلو بالاساسيه ماتوقع يبي له
واسطه قدمي اوراقج وربج يسهلها
ومافي شي بعيد عن الله وتفائلي خير

 

[يآآآرب]

وين اروح يا مس والله متحطممممه ومو نايمه صارلي جم يوم و صداع نصفي شق راسي


ساعدوني فرجوا همي

الي عندها واسطه الله عليها لا تبخل علي والله لادعيلها و اعطيها الي تبي و تامر فيه !!!!!!

استغفرالله العظيم

 

[evana]

والله ما عندي فكره كلش بهالامور

رفع لعيونج

 

[bitter-sweetness]

الله يسخر لج اللي يساعدونج

اب
اب
اب

 

[what's up]

يا رب حبيبتي ردي علي
جم معدلج بالثانويه جم كان ؟؟؟؟؟؟؟؟؟؟؟؟؟

 

[عطر النسيان]

كل عام وانتي بصحه وسلآمه
ابدآ ربي مايضيع تعبك بس انتي اسعي كلمي اللي فوقها شرحي اوضاعاك
وسعي صدرك ترى الدنيا عيد
وكل شي له حل ومافي شي بعيد عن الله سبحانه عليك بدعآء
واب لعيونك ~​

 

[يآآآرب]

مشكورين بنات الله لا يضيع تعبكم

انا انفصلت لان معدلي نااازل وكان عندي 3 انذارات بس انا ما كنت فاهمه شالطبخه و ظروفي ما ساعدتني ارفع درجاتي و اغلب الدكاتره كانوا مو. زينين

والي تقولي عيدي الثانويه ؟؟ من صجج اتا هلكت والله و درست النظام القديم يعني كتاب كامل
شلون اعيد الدراسه انا شاطره ليش اعيد ؟؟؟!!!

وما اعيد بالخارج مستحيل صعبه و زوجي و عيالي و ريلي ماراح يرضا بالخارج

انا كنت ادبي و نسبتي 88 يعني على ايامي قمة الشطاره



والتربيه الاساسيه نظامهم الي يسحب منهم ما يرجع

انا ابيها و اموت بس ارجع ادرس فيها

ياربي لا تخليني

 

[موج-البحر]

اذكري الله وان شاءالله مابعد الضيق الا الفرج

حاولي تسالين مني مناك عند هالشغلة لاني ما اعرف فيها بس اكيد في حل وانتي

ماشاءالله توج صغيرة المستقبل جدامج​

 

[يآآآرب]

واتس اب ،، انا ادبي و نسبتي ٨٨ النظام القديم
عندج لي حل تكفييييين ؟

 

[what's up]

عالبركه ان شاء الله معدلج ما ضاع

http://was2.paaet.edu.kw/was/MajorFemale.aspx
دشي على موقع التطبيقي و شوفي نسب الشهادات القديمه
و بنالسبه اذا الي يسحب ما يرجع اعتقد شغلتها بسيطه اذا كلمتيهم

 

[بـربـوشـآ]

رفـــــــــــــــــع

 

[يآآآرب]

ياربي الناس معيده و فرحانه وانا حاسه ان مستقبلي ضااااااااااع شعووور خايس
والله الم و غصه بقلبي

الله لا يحطكم بهالموقف