ليش متشائمة؟
ترا الجامعه والله أحسن لج
الكل يتمنى الجامعة ويبيها وأنتي دخلتي وما تبينها؟ وما يدش الجامعة إلا اللي قدها وأنت قدها.
ترا الجامعه سهلة وليش مصعبة الأمور؟ شدي حيلج شوي وتعبي ودرسي. عمر الشهادة ما تجي بالسهولة... كل شي تبينه لازم تتعبين عشان تحصلينه.
كلمي العميد واقنعيه وشدي حيلج وابدي بداية زينة وخلال هالفترة ماله داعي تحملين وتولدين، يعني مسكي نفسج لين تتخرجين ما يصير جذي تضيعين مستقبلج عشانج متزوجة!
أنتِ عندج طموح وودج وتبين وهالشي بحد ذاته كافي حبيبتي
معاي حريم بالثلاثينات اعمارهم وعيالهم 5 ماشاءالله وعلى فكرة ولا مرة غابوا ماشاءالله تبارك الرحمن بس اللهم اذا مرضوا عيالهم. وترا بعد متفوقات ومعدلاتهم فوق 3 و50 وهذا بالنسبة لكليتي الاداب يعني تخصصاتهم أدبية؟
وبنات بعد توهم متزوجات وبكليات صعبة مثل الهندسة والطب وماشاءالله كاهم ماشين ومعدلاتهم فوق ال3 نقاط... ليش ما تقارنين نفسج فيهم؟ هل يعني أنتِ أقل منهم؟ أنتِ تدورين لنفسج أعذار للي صار لج. أدري كلامي بيعور قلبج بس تحملي وعيشي الواقع ولا تغرقين بالأعذار اللي مالها داعي.
شوفي بعد أعرف حريم كبار يدرسون ماجستير وعيالهم بالمتوسط والابتدائي ويشتغلون الصبح وبالليل يدرسون... ما أشوفهم وقفوا ودوروا أعذار؟؟ وأنت مثل ما قلتي عيالج صغار، خلي ريلج يتحمل مسؤوليتهم.هو خذاج صغيرة ويدري إن وراج دراسة وتعب خل يتحمل شوي، أو ودي عيالج عند أمج وبالنسبة للدوام بالجامعه خلي محاضراتج كلها الصبح ولا تاخذين محاضرات بعد الـ 2 وتفرغي لدراستج.
ترا الشهادة عزوة وعز وترز وتغنيج عن أشياء وايد.
الله يوفقج ويسهل عليج ويسخر لج ان شاالله الناس وتردين تدرسين بالجامعه وتخرجين منها بامتياز
بشريني، ترا رديت مرة ثانية عليج لأن أبي أعرف شنو ردج.
