انا كله بروحي وين اروح :(

[ROYAL]

امي ما تطلع معاي كله مع خالاتي عند يدتي واختي كله مع زوجها وصديقاتي مرتبطين مع ازواجهم واهلهم وانا كله بروحي حتي بالعيد ودي اطلع بس ما اعرف وين اروح وانا بروحي ما معاي احد بس افتر بالسياره وارجع ما اعرف وين اروح او وين انزل
شلون الواحد يستانس اذا كان بروحه وين في اماكن بالكويت ممكن استفيد منها وانا بروحي غير السوق

 

[فلافل الكويت]

آب لـ ع ـيونج حبيبتي

 

[ahhaat]

أنا مثلك لحظات كثيرة ودي اطلع بس اغلب رفيجاتي أزواجهم حكرين شوي يقولون لهم تسيرين بالبيت مو مشكلة بس مطاعم وسينما وكافيهات ماكو وشوفي بروحك احس صعبة شوي لأن كل شي مايطلع له طعم الا بالمشاركة لكن ممكن تروحين مسرحية لو انتي من النوع اللي يحب اامسرحيات بعد ممكن تدلعين. نفسك شوي وتروحين سبا عشان الاسترخاء وتهدين اعصابك وحاولي مع أي أحد قريب منك أوترتاحين له يطلع معك انتي بادري لان في ناس كثير ودها احد يشاركها الطلعه بس يستحون ويارب يرزقك الزوج الصالح اللي يسعدك ويغنيك ويطلع معك وتصيرين ماتبين غيره

 

[شقاوتي غير]

والله بصراحه اغلب الاماكن تصلح لتجمعات او على الاقل احد يخاويج تتونسون

ااب يمكن البنات يفيدونج اكثر ياقلبي والله يعينج على الوحده او اطلعي مع امج وخالاتج ليش تبين تطلعين لحالج​

 

[الكرملين]

شوفي التي في او اقري كتب

 

[Y.H.Q.]

اممم
روحي تمشي بالجمعية اشتري اشيااء
ممشى
نادي
مساج
دشي معهد انجليزي او كمبيوتر
لو عندج موهبة حاولي تلهين نفسج فيها

 

[NanYah]

اشتركي بنادي ولا روحي المممشى او روحي تسوقي xD

 

[q8tyah]

نفس حلاتي بس انا متزوجه فأشغل نفسي بالتسوق للبيت وطلبات اليهال من سوق وغيره ومايمانع مرات اعزم امي علي عشا اوسينما ، هذي مشكله اللي ماعندها خوات وبنات خاله وصديقاتها اهاليهم وازواجهم حكره

 

[ورده حنونه]

انا لو منج من مطعم لمطعم يا قلبي لا تحزن وعقب
افتر روحي مكاان انتي تحبييينه سينما او نادي
واب لعيووووووووووونج

 

[فوفو22]

ولا يهمج حبيبيت

اطلع انا معاج

احب الافنيوز

مطاعمه والتمشي فيه

عندي مجموعه اطلع معاهم كل ثلاثا هناك

تعالي معانا بس مو هالاسبوع اللي وراه

فوفو

 

[ام سعود ديكسون]

عادي حبيبتي وايد مننا يمرون بهالظروف مو بس انتي
رفيجتي توفي أبوها و تمت أمها بالعدة
و أختها والدة بالغربة و عند ريلها برا الديرة
صار لها فترة تعاني لا من أمها ولا من أختها

بس كانت تلبس عقب العدة و تتسنع شوي لان كان عندهم بالبيت حزن و تطلع تشرب كوفي و معاها لاب توبها او كتاب
تروح تمشي ع البحر عند المركز العلمي
ترا حتي انا عندي رفيجات رياييلهم حارمينا من شوفتهم
ما فيها شي اذا سيرتي عليهم يمعة بنات بالبيت و بايدج صحن حلو
والله يمعة البنات ترد الروح

انضمي حق مجموعة تطوعية نادي reading books
والا زوري أيتام و مسنين بالشؤون انا رفيجتي كانت تتطوع والله الحريم الكبار يتحرون زيارتها جنها بنتهم

 

[ROYAL]

فديت عيونج حبيبتي

 

[ROYAL]

مشكورين بنات علي الردود الله لا يحرمني منكم يارب اخذت افكار حلوه منكم وان شاءالله ارتب اموري واشغل وقتي بكل شي مفيد بصير نظام اجانب وادرعم اي مكان بروحي واتعرف واسولف مع الناس الوحده زهقتني عيشتي الله لا يوري احد الوحده اللي انا فيها يارب ويشغلكم بكل خير ان شاءالله احبكم في الله وجزاكم الله الف خير :*

 

[krkooora]

لازم تصيرين اجتماعيه اكثر
زوري خالاتج و بناتهم
عزميهم على عشا برا
سويلهم جو
عزمي رفيجاتج بيتكم
و انصحج اشتركي بـ نادي تضيعين وقت و تتعرفين على بنات يدد

 

[eman12]

انا نفسج بس الفرق ان متزوجه وعندي بنتين المهم
اطلع معاهم واروح وارجع والعبهم واونسهم بس انا حاسه بقصدج انتي تبين اللشي الي يوسع لج صدرج
انتي نفسي لا رفيجات ولا خوات ولا اهل ريل الواحد يتجمع معاهم والوحده منا ودها بطلعه لها مو تقولين جمعيه والا سوق ولا مثلي طلعه تقضي اغراض عيال ووناستهم
محد كثري ربح الانديه والسبا والصالونات
بس حتي الحين صار روتين
اهو التعب والملل بالروتين
تدرين شنو غيرت وغير حياتي
القران
اي الف الحمدلله علي هالكنز اللي موجود في كل بيت كل يوم الصبح بعد ماتوكل علي الله واروح الدوام اقرا لي ربع جزء وبجذي اختم القران 3 مرات بالسنه بسهاله وربج يوخر عنج الضيقه والملل

 

[al39laa]

انا نفسج

بس انا عندي خوات صغار كلا مالهم خلق يطلعون وبنات خالاتي شوي فري مو دايم اطلع معاهم

المهم في وايد بنات ينظمون رحلات بينت بول او فيلجا وهالسوالف ليش ماتروحين منها تغيرين جو وتتعرفين على بنات

ودشي نادي راح تضيعين وقتج فيه

انا بالصراحه اخاف اطلع بروحي بس مره بالسينما مالقيت حجز وقعدت بروحي وخواتي بصوب ماحسيت بأي خوف وكان الوضع عادي جدا فما فيها شي تروحين السينما بروحج بالعكس وناسه لوول

 

[غرور مطيريه]

انا مومتزوجه ونفس حالتج مرات كثيره اشوف البنات بالكليه قروبات وطلعه وتمشي
وانا محد يطلع وياااااااااااااااي بكسب رفجتج ممكن اذا ماعندج ماانع واذا قبلتي دزيلي خاااص
فديتج

 

[q8 knosha]

واااااااااااى نفسج والله ملل واذا بطلع محد معاي كله بروحي
وماعندي غير هل سوق اتشرا حقي وحق ولدي اضيع وقتي ولا الجمعيه

 

[MisS *-* BMW]

ياااعمري ياا رويااال عورتي قلبي واللله

وذكرتيني بعمري لانييي كنت اعااني بنفسسسس المشكله

امي وايد كبيره علي وكل ماا احااول اتقرب منهااا تصدني !!

وخوااتي كبار ومتزوجاات وكلش مالهم خلق سوالف وحده عزاابيه

وعندي اخو متزوج ولا درى عني :\

وعندي جم رفيجه وانطعت منهمممممم وبعدت !!

وعندي هم رفيجتي حيل معاااي متزوجه ومتقيده ابييتهاااا ومع اعياااالهااااااا

واناااا ما عندي احد احياانا ادق على بنات عمي او بناات خالي اذا صج صج زهقت لكن هممم مو الكل ارتااااح معااهم لمن اطلع !! طبعي غير عن طبعهم سبحااان الله

!! فتدرين شنو سوييت

قمت بروحي اروح السينمااا واطالع الفيلم واتسوق واحووس واشتركت بناادي كل يوم اروح هناااك ,, واضيع وقتي بالمنتدى واحوس يالكتب واقرا والعب بألعاب الايفون او الكمبيووتر

معنى عمررري 22 سنه ويوم الاثنين اول يوم دواااام وتخرجت من الكليه !! وبتوظف

بس الحمدالله عااايشه حياااتي اللي اناا ابيهااا واللي اشووفهاااا صح وحيااتي ما توووقف على الناااااس

والله صدقيني وادري بتقووولين بس احيااانا الوااحد يبي احد يسولف ويفضفض ويطلع معاااه
انااا لمن كنت اتضاايق كنت اروح اقعد على البحر بروحي واطلع كل اللي بقلبي وارتاااح واخذ لي بعدين عصير واتمشى بسياارتي وارد البيت والحياااه حلوه :d

تفااائلي بالخييييييييير حبيبتي وربي يعوضج بالزوج الصاااالح ,,

 

[دلال.]

أنا قبل طلعاتي مع أختي اللي أصغر مني . الحين اهيا تزوجت الله يوفقها .. فصرت كله أطلع بروحي .. ساعات المكتبة ..
ساعات أشغل نفسي أشك خرز و هالسوالف .. ساعات على النت .. ساعات أتسوق .. ساعات أروح سبا .. جي يعني ..
ساعات أروح يمعات رفيجاتي إذا كانت فبيت وحده منهم و ادله .. لأني مشكله ما أدل كل شي .. حتن الأفنيوز ما أدله
خخخخ بس شكلي بتجرأ على يوم و أزوره . لاني كنت معتمده على خواتي يودوني .. و الحين كل وحده لاهيه ..
: )