انا كله بروحي وين اروح :(

[q8dvd2000]

والله الحال من بعضه
الواحد مايدري شيسوي
والوحده صعبه

 

[HmS al JaLiD]

روحي الممشى المركز العلمي تمشي بالبحر
روحي مطاعم

 

[Om_Ksha]

اى نفس حالتى مرات مادري شسوي اختي الصغيره كله مع رفيجاتها فأمر على ام كشه الاصليه و اقعد ويا بنتها ترد روحي

اما اذا كلش ماكو شي اروح الممشى و مركز سلطان او الجمعيه و احب اروح سنتر بوينت اشتري شموع و بجايم .. و مممم اشوف اذا في احد يروح وياي مطعم نتغدا نتعشا .. او اتسوق بروحي ..

او احجز سبا مساج ساعه .. او اسوي بديكير منيكير و اسوي حمام زيت و حمام مغربي اضيع وقتي ..

اذا تحبين نادى اشتركي بس انا احب امشي بس

و اشتركت مره بمعهد خذيت اي سي دي ال

و ناويه اشترك ابدوره توفل لان ودي اكمل

و الحمدلله بهالعطله حجزت انا واختى الصغيره بهيلتون غيرنا جو

ممم و بس شنو بعد اسوي

 

[noody a&a]

عاد انا أحلى طلعه عندي بروحي

أقضي مليون شغله

وإذا ماعندي شي

افتر بالسياره واسمع الرادو واشتريلي عصير

بس كله مقضيا اشغال ماافضى

واغلب الاوقات اختي الصغيره معاي

عمرها 8 سنين اوديها العاب مطاعم سينمات

اونسها واستانس وياها

بس احب اطلع بروحي

طلعيلج شغل

روحي افتري بالبلوكات اشتري خام روحي الخياط سويهم

روحي الصالون ، سبا

افتري بالمجمعات

امشي اذا تحبين المشي

وايد اشياء تقدين تسوين

شوفي شنو هوايتج

وحاولي تصقلينها وتستفيدين منها

موفقه

 

[شيوخ ــه]

الله يسعدج



مثل ما قالت لج ايمانوالله يوفقها



اقبلي علي القرأن واطلعي وزوري خالاتج وبنات خالتج وصديقاتج


وحاولي مره تطلعين طلعه امج مع خواتها

واذا طلعت اختج معاج مره كل فتره شي حلو



وتطوعي او دشي دورات تصوير او رقص او نادي او مكياج


اشغلي نفسج وابدعي بتفجير الضيقه بأشياء حلوه تفيدج



وشيلي الافكار السلبيه صدقيني بتلاقين المخرج


والله يوفقج

 

[dalo0oa121]

والله شنج تتكلميين عني بعد الطلعه بروحج مو حلوة لانه ماتحسين بالامان انا اذا طلعت بروحي
احس انه في شي غلط ههههههههه

 

[miss_whitemocha]

امي ما تطلع معاي كله مع خالاتي عند يدتي واختي كله مع زوجها وصديقاتي مرتبطين مع ازواجهم واهلهم وانا كله بروحي حتي بالعيد ودي اطلع بس ما اعرف وين اروح وانا بروحي ما معاي احد بس افتر بالسياره وارجع ما اعرف وين اروح او وين انزل
شلون الواحد يستانس اذا كان بروحه وين في اماكن بالكويت ممكن استفيد منها وانا بروحي غير السوق

الحال من بعضه حبيبتي..:eh_s(11):
إمشي نطلع ويااا بعض..:eh_s(2):​

 

[Matillda]

اشرايك يا حبوبه اتيين معنا انا بنتى كل طلعاتها معاى مطاعم ومولات واى اماكن ترفيهيه على طول انا معاها احنا عايشين فى الامارات وكل اهلنا فى الكويت وبنتى ما اقدر اخليها تطلع مع رفيجاتها لانى ما اعرفهم بس على طول كل اسبوع يوم اليمعه والسبت مطاعم وتمشى ونتشرى من هالمولات ....حبيبتى كلمى امك او احد من بنات خالتك او عمتك لانه الطلعه بروحك ضيقة خلق

 

[بسبوسة بالعسل]

حبيبتي تعالي انه اطلع معاج

 

[وحشني شوف الكويت]

_


اهلين حبيبتي ;*
انا مؤيده لـ كلام اختي ام سعود ، شاركي بأعمال تطوووعيه منها تكسبين أجر ومنها تقضين وقت فراغك ، وعندك كثير مجالات وأماكن تقدرين تتطوعين فيها مثل : مراكز رعاية ذوي الاحتياجات الخاصه ، دار الايتام والمسنين ، دار تحفيظ القران ، العمل على خدمة البيئه ... و الخ من الاعمال الخيريه .

وهذي بعض المشاريع الشبابيه ع الفيس بوك :
مشروع لأني كويتي ..
http://www.facebook.com/search.php?q=volunteering+kuwait&init=quick&tas=0.20839167860396462&search_first_focus=1315304296890#!/group.php?gid=250185133513&v=wall

مشروع الايدي المباركه ..
http://www.facebook.com/group.php?gid=138321442845572#!/group.php?gid=138321442845572&v=wall

مشروع kuwait around the earth
http://www.facebook.com/group.php?gid=131613575428#!/group.php?gid=131613575428&v=info


وحتلاقين مشاريع كثيره ابحثي عنها

أو إدخلي نادي سباحه و رقص و غيري جو وكذا يعني
او اذا عندك هوايه مرا تحبينها حاولي تطورينها و تنمينها
و ممكن تعملين مشروع صغير اذا أمكن ..

و ان شاء الله اذا كتب ربي و جيت الكويت ترى بتمريني ونطلع سوا و نفلها
وبما انو اللي ردّو و قالو الحال من بعضه ، اجل اذا جيت كل يوم وحدا فيكم تمرّني و تمشيني جعلها في الجنه و والدينها
<< مرررا تمووون

يلا حبيبتي بالتوفيق يارب ;*
​

 

[شارابوفا]

انا نفس حالتج بالعيد مت قهر لاني ما طلعت
انا اطلع معاج اذا تبين

 

[aliah]

انا هم

 

[دنيتى زوجي M]

وااااااااااااااي نفس الحاله بالضبططططططط

بس الفرق اني متزوجه وعندي بنت

وزوجي مايمنع اني اطلع ومرات يطلعني بس صج مللللللللللل

حتى لو افكر اطلع مع بنتي ماراح استانس عمرها 6 شهور وين اطلعها معاي

اذا كلش كلش ضاق خلقي وديتها حق امي وتمشيت بالافنيو من ضيقت الخلق

انا حابه اتعرف عليج اذا تبين دزي لى ايميلج بالخاص

 

[دنيتى زوجي M]

صج بنات اللى حابه تتعرف على ونطلع ونصير رفيجات ادز لى على الخاص


ررررررررررررفع

 

[صآعده تحت}..]

الله يعينـج 

 

[softlady]

الله كريم

نفس حالتي وخواتي ما يونسون كلش

شريت ايفون واسلي عمري بالالعاب والله كريم

 

[miss_whitemocha]

بنات إذا بتطلعون أخذوني معاكم..من صجي والله..ترى ونيسة و حبيبة و سوالفي حلوة :eh_s(9):

 

[أم منيـرة]

لآزم تصيرين إجتمـآعيه ، تعرفي على بنـآت في مجـآل شغلج / او درآستـج ..

 

[SecretGirl]

انا مثل حالتج كله بروحي

بس النادي وايد يقضي وقتي

وهم السوق بعد ونااااسه

 

[carlos santana]

بعد عمري

انا اطلع معاج اذا تبين لانه هالفتره مريت فيها وحاسه فيج :eh_s(2):


واقتراحاتي لج

نادي رياضه
تمشي ع البحر واقري كتب
روحي سويلج جدول عنايه مري صالونات سوي تنظيف بشره - حمام مغربي - كورسات علاج شعر

مهم تلهين