تعالوا افصلو ما بين ريا ( أمي ) و سكينه ( خالتي ام ريلي )

[عيون ملكيه]

الله يعوضج يااارب

وربي يخليهم لج ولايحرمج منهم وضحكتينااا ياحلووو سوالفج
اتوقع ماتحتاجين ترديد بس ادويه واهتمي بعمرج اكثر

بعد عمري والله فديت قلبج

انا اتوقع جذي
لأني بجر يعني ما جربت الولاده من قبل

ما ابي العب بعمري

 

[beauty rose]

انا سويت تنظيفات بالشهر الثالث
و ما كليت شي ولا ترديد ولا شي
بس اشرب مرميه و زعتر

 

[q8tyah]

خلج عن سوالف الردادات وخرابيطهم تري البلاوي ماتجي الا منهم ياما سووا مشاكل. برحم البنات خاصه اللي تحط ريلها علي المكان الحساس وتدوس عليه ، اكلي دويات مامنها مضره واذا نضفتي روحي طبيبه شاطره وسوي سونار داخلي عشان تشوفلج الرحم نظيف او لا ، وسلامات ماتشوفين شر والله يعوضج باللي احسن منه

 

[atc666]

انا بطلع بره الموضوع بقولج مايصير تقولين عن أمج ريا ترضين بنتج اذا كبرت تسولف مع الناس وتقولهم أمي ريا ؟؟؟ ترى اللي تسوينه مع والدينج بيرجع لج وهذي نصيحه استغفري ربج الله سبحانه وتعالى يقول (( ولاتقل لهما اف ولا تنهرهما )) صدق الله العظيم وانتي قاعده تقولين عن امج ريا هذي نصيحه اخويه لا أكثر تقبليها مني بصدر رحب.

 

[pinkigigi]

هههههه ياحلوج يا عيون لا حبيبتي ما تحتاجين لا تلعبين بنفسج الترديد للوالده او متعورده بعد ولاده 7 اشهر لأن عشان ينزل الجنين تحتاج تضغط و تشد و الحوض يتوسع

انا اقول كلام امج اهو العدل ان ما تحتاجين هالشي
انا الحين عواري على شهرين ونص او 3 اشهر تقريبا و ماراح اسوي ترديد

 

[انجبر قلبي]

سوي ترديد اشخسرانه ماراح تخسرين شي والحمدالله ع سلامتج

 

[عيون ملكيه]

انا بطلع بره الموضوع بقولج مايصير تقولين عن أمج ريا ترضين بنتج اذا كبرت تسولف مع الناس وتقولهم أمي ريا ؟؟؟ ترى اللي تسوينه مع والدينج بيرجع لج وهذي نصيحه استغفري ربج الله سبحانه وتعالى يقول (( ولاتقل لهما اف ولا تنهرهما )) صدق الله العظيم وانتي قاعده تقولين عن امج ريا هذي نصيحه اخويه لا أكثر تقبليها مني بصدر رحب.

هههههه اهم مسمين نفسهم جذي !:eh_s(8): انا مالي شغل كلش !!

كل ما تيمعووو عندي قامووو يخططون و قالوها مره وااي صرنا ريا و سكينه

و انا المسكينه محكوره بزاويه وملزومه اطبق نصايحهم و لا يختلفون بشي
كل وحده تطلع فوها و تدق على رفيجاتها و يتناقشووون

وااااي انفضحت كل الكويت درت اني تعورت و السبه ماما و خالتي ! :bbbiu:

الله يخليهم لي و يطول بعمرهم خالتي ذهبه و امي حبيبتي اهي رفيجتي و حبيبتي و كل شي بدنيتي:eh_s(11):

 

[Violetta]

عليج بالاعشاب بس
و اذا تراجعين راح يسوون لج سونار داخلي يشوفون الرحم نظف والا يحتاج تنظيفات
انا استمريت على الاعشاب و الحمدالله ماحتجت تنظيف