مسسـآحتي الخآصة للـ"عرآيسس .. مكياج ، تجهيز ، تعطير ، عنآية .. الخ

[رواني 2012]

الله يووفقج حبيبتي
شكللله مكياجج رووووعة
هههههههههه حريم الحموان يمممه منهم !
وانا بعد متابعتج

 

[زبدة ككاو]

*

هالستيب بتكلم عن تهيئة البشررة قبل المكيـآج ، لاتقولون هالخطوة موضرورية صدقوني حررام مرات مكياجج يهبل وبشررتج تطلع موحلووه*

بكتب لكم عنايتي على فكرة بشرتي من اصعب انواع البشررة بالعالم ..


تخيلوو صوب الخشم جفااف والله تشوفين قشوور اذا حطيت ميك اب ، خدودي فيها مسامات صوب حنجي منطقة دهنية

وماكنت اهيئ بشررتي ليما مررة رحت تناغرا اللي بلفنار وكنت كاشخة وحاطة مكياج ناعم بسس القشور صووب خشمي مخربه شكلي كلة فدلتني اللي تشتغل هناك على سرر صج ياكثر ماتخسررت لما يقصون علي واصدقهم واقط فلوسس ولا استفيد بسسس هذي ادعيلها من كل قلب دلتني على مررطب غيرر وراح اقولكم شنو الحين

بسس تذكروا اساس المكياج الحلو البشررة النظيفة ، حتى لوبشرتج موحلوة المهم نظيفة ..

وهالبرنامج ينفع لكل انواع البشرة ولو في شي ماينفع لج غيريه بشغلة ثانية تصلح لبشررتج*

يالله بسم الله :


اول شي كثرو من الماااي ، ثاني شغلة البخار روعا ويخلي بشررتج فرش بس لاتستخدمينه على طول عشان لاتتوسع المسام

انا اسوي بخار كل شهر مررة والبخار لما تتسبحين هذا كفااية بس عشان تستفيدين حطي مااسك مع السبوح او الحمام المغربي وعقب كملي شغلج وبعدين غسليه

ومو الكل يطلع له البخار تجاعيد المغربية اللي تسويلي حمام مغربي من الصبح لي الليل تتعرض للبخار وتعالي شوفي بشرتها مع انها كبيرة بسس شحلاتها الله يهنيها*


اول خطوة تنظيف البشرة + المسام*
بعمق مانبي نمسحها بكلينكس او مزيل مكياج وخلاصصص

وطبعا اتكلم عن السنفررة وفي بالجمعية مليوون نوع ، وهالخطووة مهمة وخصوصا للي في قشور فبشرتها*
ومومهم سنفرة غالية حتى لو تسوين سنفرة بالبيت المهم القشور تطلع + المسامات تتنظف

من اروع انواع السنفرة اللي جربتها ستيفز بخلاصة المشمش ومع الوقت تبييض

ومن نيتروجينا ديب كلين ، بسس اللي مكتوب عليها لكل انواع البشرة ، هالماركة ماتنفع للي بشرتها جافة بس هالسنفرة تنفع بسس ضروري عقبها مررطب وبجذي بتوازنين الدهوون فبشرتج
واذابشرتج دهنية او مختلطة رراح تحبونها حيل

ثاني خطة الغسول ، تقدرين تستغنين عن هالخطوة وانا مو من محبين غسول الويه ، بسس هالغسول ادماان شي خياالي *غسلي ويهج فيه الصبح وشوفي الكل بيسألج شمسوية !*
مثل ماقلت انا ما احب الغسول بسس هذا لما تفك ماحتسسسسسك ، وطريقتي احط منه على ايدي عقب اصب ماي شووية ما ابي يصير سائل حيل وانتي تغسلين بتشووفين بشررتج صاارت مخملية بمعنى الكلمة

ثالث خطوة التونيك ، اخذي قطنة وترسيها تونيك وامشي على كل اتجاه بويهج مرة وحدة بسس وبتنصدمين لما تشوفين ان في وصخ بيطلع معااج حتى عقب كل اللي سويتيه
التونيك في انواع وايد عادي جربي اي نووع انا استخدم مال بودي شوب + كلينيك

وهذا مال بودي شووب بسس علبته وردية موشفاافة

رابع خطوة واهيا الاهم مررطب جفنشي وهذا اللي قالت لي عنه اللي تشتغل بتناغرا ، بنات لاتقولولي اي مررطب لو بشررتج بشرة ضب من الجفاف بتستاانسين عليه بيخليهاا زبدة ويفررق عن باجي المرطبات انه اهوا كله مااااي يعني يغذي البشررة عدل ، طرريقته اول يومين رطبي اربع الى خمس مررات كل ماقعدتي حطي منه ، عقب مرة او مرتين باليووم وقبل الميك اب حتى ماراح تحتاجين بيسسس ، انتبهوا لونه ابيض من داخل وتحت مكتوب للبشرة الجافة ، سعرة 20 بسس والله موخسارة فيه انا ماقمت استغني عنه لدرجة ان مرات اذا قاعدة بالبيت بس جذي احط مررطب غيرة هذا احطة بسس قبل النوم وقبل الميك اب وضروري بتجهيز كل عروسسس وبتدعوولي ، اللي بشرتها دهنية عادي تجربه اهوا يغذي بسس حطي شوي لاتكثرين .. واللي بشرتها جافة على راحتها تكثر او تقلل اهم شي نطري دقيقة او دقيقتين عشان تتغذى البشرة

وهالعناية تقدرين تخلينها قبل الميك او على طووول ، ومن تسوينها مررة ماراح تحطين الميك اب بدونها ، اي نصيحه الجفون ترى مكان حسااس وخروا عنه بكل الخطوات اللي طافت واذا في بقاية كحل اخذي كلينيكس متروس ماي ومسحي *شوي شوي مانبي تطلع لج تجااعيد*

بالعاافية والبشررة الصاافية ، وبجذي مكيااجج بيصير تووب

مو لازم نفس المنتجات اهم شي الخطوات :

سنفرة*
غسول
تونيك
مررطب*

وان شاءالله يعجبكم الستيب

 

[انثى الغموض]

.


فديتهااا ياااناااااس
متابعتج
وكتبت باللستة التجهيز الغسول والتونك كلينك واااايد حلووه هالماركه وانا استخدمة منهم مزيل المكيااااج روووووعه
والمرطب شوقتيني عليه مع انه بشرتي مو جافه ولادهنيه حيل مختلطه بكل صووب تلاقين جاف ولا دهني خخخخخ..~

 

[ملفتة للنظر]

الله

تسلم ايدج

 

[تنآهيد ..~]

زبـدهـ
مآشآء آلله روعه آلستيب عجبني حيييييل
وصآجه أستآنس على كلينك صج يضبط آلبشره ويخليهآ شحلآتهآ
إن شآء آلله بجرب طريقتج بـ حذآفيرهآ =)

 

[راقيه وجذابه]

ماقصرتي عساج ع القوه حبيبتي

يالله كملي مو أنطر لي ورا عرسي ماكملتي خلصي بسرعه بسرعه عشان اذا ناقصني شي اجيبه >> طراره وعينها قويه

يعطيج العافيه يالغلا

 

[راقيه وجذابه]

زين حبيبتي في شغلات بسألج عنها وياريت تجاوبيني لان ماعندي وقت وهالشغلات للحين ماجبتها

1- الشدو الي من فورايفير التركواز

2- نايلون ماك

3- الكونسيلر

القاهم بالمركز الفرنسي ؟؟؟؟؟

أبي مكان قريب لي أنا صوب الفحيحيل


**

والأضائه الي تحت الحاجب إسمها مثل ماكتبتي (( نايلون ماك )) ولا لها اسم ثاني

وراح ألقاها بالمركز الفرنسي ولا لا ؟؟

بليييييييز ردي ع أسألتي :eh_s(16):​

 

[مخمليـهَ]

*

مآشآء الله عليييييييج والله إموت فيج وبموآضيعج وعسآج على القوه وربي يوفقج ويرزقج
وان شآء الله نطبق

 

[يالبيه 17]

الشدو يشووووق
فديتج تهبل مواضيعج


تكفين تكلمي عن البشررررره والهالااااات الي تحت العين

 

[يالبيه 17]

زين حبيبتي في شغلات بسألج عنها وياريت تجاوبيني لان ماعندي وقت وهالشغلات للحين ماجبتها ​

1- الشدو الي من فورايفير التركواز ​

2- نايلون ماك ​

3- الكونسيلر ​

القاهم بالمركز الفرنسي ؟؟؟؟؟​

أبي مكان قريب لي أنا صوب الفحيحيل ​

**​

والأضائه الي تحت الحاجب إسمها مثل ماكتبتي (( نايلون ماك )) ولا لها اسم ثاني​

وراح ألقاها بالمركز الفرنسي ولا لا ؟؟​

بليييييييز ردي ع أسألتي :eh_s(16):​

الي بمااااااك تلقينهم بس فرع ماك

 

[غرنجيه]

مااشاء الله ...
ان شاء الله العرايسسس يستفيدون من خبرتج اللي اكثر من رائعه

احب مواضيعج وااايد
اختج غرنجيه

 

[متوترة]

عجبني نظامج قبل ماتسوين المكياج ....

اي والله نفس مشكلتي .. اسوي واتفنن اخر شي احسه متكتل وبشرتي تعبانه
مع انها مافيها شي وتمام التمام

ياقلبي ثانكسسس
والتونيك اذا ماحصلته ؟؟؟ عادي اكمل الخطوات بدونه

الله يوفقج يارب ويسعدج ..

وخرعتيني بكلامج عن حريم الحموات والحموات بروسهم

الله يستر

 

[Babystyle]

الله يعطيييييج العافية وماااافصرتي ويعطيج علا قد نيتج


شفتي اللون التركواز الي حطيتيه هذا احطه من داخل ومن برا ؟!

 

[يبقى الوله]

لوووكج روعه حبوبه


وآصـلي متآبعينج

​

 

[ضحاوي الديره]

كريم كانيبوووو روووعه ماستغني عنه

 

[زبدة ككاو]

حبايبي بررد عليكم وحدة وحدة وفديت مروركم العسسسل

راقية وجذابة
الله يووفقج ياقلبي ، شوفي كونسيلر فورايفير + الشدو تلقينهم بالمركز الفرنسي بسس ماني عارفة اللي عندكم اي واحد بسس اهما ماركة ميك اب فورايفير
وعند هالماركة كونسيلر يصلح للاستعمال اليومي شكلة نفس الشدو هذا روعاا

بالنسبة لماك تلقينه بفروع ماك بالافنيو والمهلب والفنار والمرينا وما ادري وين بعد بسس هذيلة اللي اروح لهم

واذا تبين تختصرين روحي الافنيو مرة وحدة بتلقين محل كامل لماركة ميك اب فورايفير وبتلقين ماك

شووفي انا الحين قاعدة البسس من اخلصصص احط لج جم شغلة شريتها من ماك امسسس وتفيد العرايسسس لي رحتي شووفيهم

اي وميك اب فور ايفير عندهم لمعه رااقية تهبل تصلح للمناسبات تنحط تحت عظمة الحاجب اسمها ستار باودر دايموند كولكشن

ومرات اذا حطيت اكثر من لون شدو وما عررفت ادمجهم عدل اطبطب بهاللمعه ويصير اللون جنه متدرج ونظيف راح احطلج كل شي بالصور من اخلصص

 

[فرح العجرف]

مواضيعج دايم تهبل ..

تسلمين ..

 

[كلي لكـ]

كملي حبيبتي
انا شريت من ماك الكحل الكريمي لاني احب احطه للدوام

وشريت كحل من ماك شكلهم توهم منزلين او من زمان وتوني اطيح عليهم الوانه حلوه وثابت بالغصب انمسح من ايدي
خذيت ازرق و ذهبي
وبخاطري جم لون بعد واخذت منهم لمعه نايلون

وبعد شنو اخذ منهم
باخذ منهم 4 حمر ( عنابي وفوشي و لحمي وبيبي بنك)
وباخذ فكس
والفرش شفت العضوه اللي تبيع فرش سيجما بطلبهم منها

 

[المـــــها]

يعطيج العااااافيه حبيبتي
صح كلامج الوحده تصير عروس من تطلع الاربعين
انا من عرايس شهر 3 اللي طاف و الحمدلله حامل و من الحين اخطط لتجهيزي لما اطلع من الاربعين
بسوي فناتك اكثر من عرسي ان شاء الله بكل شي حمامات و صبغة و عطور و لبس و جناط و كل شي بإذن الله
و حاطه فبالي جم شغلة من التاجرة بنكية من شدوات ​

 

[زبدة ككاو]

حبايبي انا مسسسافرة ادعولي وبالردة بحطلكم تقرير روعاا