لاعت جبدي :(

[كنت و كنت]

قوه
شلونكم
بنات تعبت لاعت جبدي من عمري من نفسي
كل ما استانس ترد ضيقة الخلق فيني
احس فيني نقص حنان والله بنات
ابي احد يحس فيني بس ماكو
شسوي قولولي
لا تقولين ذكري ربج
والله اني اذكره اصلي اصوم اقرا قرأن
ابي شي يخليني احس بالحنان محد معطيني ويهه
المشكله انا فى فتره لازم الاهتمام فيها ولا اضيع من جيس اهلي
ساعدوني الله يخليكم

 

[ندى~~]

الله يفرج همك ....والمسلمين

 

[khawla&tito]

مافهمت ؟

 

[عـيّــآره]

على قولة الشاعر >> كلنا نشكي فراغ العاطفه​

يمكن من الملل والروتين تحسين بهالشي شغلي نفسج وتسلي ​

عندنا وعندج خير ​

الله يعينج ..​

.. كنت هنآآآ ..​

 

[ابلة لولوة]

حبيبتي انتي

{الـحـمـدللـه عـلـى كــل حـال}
vv
بـنات رددوا هـالجمـله على طــول كـل شي بـهـالدنيــا يبيله حمد الله و شكره
:eh_s(17):
دام هذا توقيعج معناته انج سنعه ماشالله عليج

حمدي ربج مهما كان عندج مشاكل اونقص حنان عرفي انج احسن من غيرج مليووون مره

كل شخص بهالدنيا ربي سبحانه معطيه اكثر مما يتمنى بس بنسب مختلفه يعني شلووون ؟

بحسبه بسيطه

لو حطينا نسبه لنعم رب العالملين تلاقينها 100 % عند كل شخص

انتي مثلا الله معطيج 50 % صحه

و 10 % فلووس

20 % اهل وعزوه

و 20 % راحت بال

المجمووع كله يصير 100 %

ورفيجتج هم عندها 100 % من نعم رب العالمين بس حسبتها مختلفه

يعني اهي 30 % صحه

40 % فلوووس

10 % اهل وعزوه

20 % راحت بال

يعني المجموع 100 % لكم انتو الثنتين

ربي مايخلي عبده

اذا صار نقص من نعمه يتعوض بنعمه ثانيه

ونعم بالله .
​

 

[سكوتي بذوقي]

لا اختي الغاليه

تقربي من الله اكثر بطاعته

ولاتخلين الشيطان يوسوس لك

اقعدي مع امك وخواتك دايم

راح تحسين بالأمان والحنان

 

[ام زهقانه]

لا تفكرين ووايد فقده حنان اهو عند امك روحي لها تقريبلها

 

[miss_whitemocha]

"المشكله انا فى فتره لازم الاهتمام فيها ولا اضيع من جيس اهلي"
دام قلتي هالجملة معناته إنج وحدة سنعة و واعية و ما ينخاف عليج..
وصدقيني يا حبيبتي..صغار ولا كبار..آنسات و متزوجات..كلنا محتاجين حنان و حب و إهتمام.. بس يا غالية..الدنيا مو دايما معانا..تدارينا و تشيل همومنا..اليوم ما تلقين اللي يسمعلج..باجر الدنيا بكبرها تفتح لج ذراعها و تاخذج بالأحضان و تسمع شكواج..ماكو شي دايم..والظروف تتغير مثل تغير الليل والنهار..
ثم إن إنتي لو تكونين مقطوعة من الدنيا كلها بس ما تنقطعين عن رب العباد..في كل لحظة في حياتج موجود..يشوفج و يسمعج.. خليج مع ربج..وربي ما يردج خايبة إنشالله..​

 

[فيونكه..~!]

فتــره وتععدي .,


مثــل حـآلتي تجينــي بععضض الآححيـآأن ,

 

[غلآ نوآف]

ماعليه ياقلبي
فترة وتعدي ان شاء الله
وكلنا نمر فيها من وقت لاخر
لكن الدنيا كذا ياختي
بالصبر كل شي ينحل
انتي اصبري هذا بس كل المطلوب منك
وحاولي تكسرين الروتين الي بحياتك
ولاتفكرين بالمستقبل ولاتفكرين بالي ناقصك
فكري بالي عندك واحمدي ربك
واذا حابة ترتاحي ساعدي الناس
مثلا تصدقي بمبلغ لفقير ومحتاج
ازرعي فرحتك بفرحة شخص محتاج
واشياء كثيرة ممكن تسوينها
واشغلي وقتك بالتثقف .. والدراسة والجلوس بين اهلك ومع صديقاتك
وغيري جو بين كل فترة تروحين مكان مفتوح مثل بحر او بر
ينشرح خاطرك وتطلعين الضيقة الي فيك
وتتونسين

 

[شقاويه 11]

برافو حبي الحنان لازم يتوفر اذا مايالج روحي له تقربي لامج لخالتج لاختج صدقيني يبي يحنون عليج وتلقين العاطفه والله يفرج عليج ...

 

[زوجة عزيز]

انا مع miss_whitemocha

 

[^^Rq8^^]

حبيبتي حاسه فيج
روحي لامج راح تلقين الحنان كله عندها
سولفي معاها لميها نامي عندها

 

[*الغاليه*]

دااااااايم قوولي ورددي "اللهم ارزقني الانس بقربك "

​

 

[M!Ss 3B8RiNOaH]

حياتي كلنا بعمر المراهقه بالذات نحس بهالشي
انتي حاولي تتقربين حق امج وخواتج خليهم اهما رفيجاتج وكل شي بدنيتج
مارسي هوايتج توسعي فيها
بدعي
اشتركي بنوادي اقري قصص
سوي كل هالاشياء كلش ماتحسين بالفراغ يالغالية ..

والله يهدينا يهديج

 

[Ray.Bana =$]

روحي يمعات اهلج تقربي من بنات خالاتج وخوالج او عمامج أو دقي على رفيجاتج سولفوا زوروا بعض

 

[ميمي الحلوه]

كلنا جذي مو بس انتي

ومثل ماقالو فتره وتعدي

..

 

[اخصائية نفسية 7]

حياتي كلنا بعمر المراهقه بالذات نحس بهالشي
انتي حاولي تتقربين حق امج وخواتج خليهم اهما رفيجاتج وكل شي بدنيتج
مارسي هوايتج توسعي فيها
بدعي
اشتركي بنوادي اقري قصص
سوي كل هالاشياء كلش ماتحسين بالفراغ يالغالية ..

والله يهدينا يهديج

بارك اللة فييج تقريبا نفسس ردي مع شوية اضافة بعد اذنج ياقلبي
تذكري مواقف حلوة حييل بحياتج وشوفي ردة فعلهم وحبهم لج وتذكري انهم يحبونج بس الدنيا لهتهم شوية واعذريهم وروحي حق الوالدة ربي يحفظها لج وقوليلها يما انا اليوم بنام عندج اليوم
اصلن انا وزوجي محددين يوم بالشهر اهوا ينام عند امة وانا انام عند امى والللة مرات اجيها من بيتى واقولها انا حاجزة حظنج اليوم وانتى بعد خلييج جذي

بارك اللة فييج

 

[كنت و كنت]

و اللــه بنــات مــا قصــرتوا
جــعل ربــي يحــقق لــكــم مــا تبــوؤن
و ان ششــاءللــه راح أســوؤي اللـي قلتــولي عليــه
و اللـه أنــي أحبكم يــارب مــا أنـحرم منـــكـم :*

 

[ĭςе ćŗęam]

الله يفرررج همك ي رب

::