انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*مميز*

[برنسس أوراق]

إلسلام عليكم ورحمة الله
كل عام وأنتو بخير ومثل ما وعدتكم هذي روايتي اللي قلت بعد العيد بنزلها وان شاء الله تعجبكم

انا نبضك زهر أرضك..وأنت؟؟ ايه تملكنـي
بنحل خصرك..وجمر ثغرك..وزود بلونك الخمري*..(زينة وفيصل)

للكاتبة: أوراق خريفية..شتات انثى


بعد النجاح الكبير والردود الكثيره والتشجيع المستمر منكم..ها انا اعود لكم برواية رومانسية جديدة مختلفه عن الاخريات..ادور هنا وهناك..اسمع قصة هذه..وتجربة تلك..وحزن هذه وتدور مخيلتي لتكون لكم قصه جميله من واقعنا الذي اصبحنا نعيش فيه


شخصيآت القصه الرئيسيه:

زينه : 22سنه..بنت حنطيه مملوحه بشرتها صافيه وعندها غمازه بخدها اليمين زايده حلاها وجمالها وشعرها اسود لاخر ظهرها
..حبوبه ورومانسيه حيل ومتزوجه من فيصل من ثمان شهور

فيصل: 29سنه..شاب في اوج عنفوانه وقوة عضلاته الريآضيه..وسيم إلى درجة انك تخجل من النظر إلى عينيه..تعرف على زينة من الجامعه وحبها لكنه يمووت بالبنااات وطآيش شوي


عايلة زينة :

ابوعآدل: في العقد الخامس من عمره..من ذوي الدخل المحدود..متقاعد حاليآ وكيل اول بالجيش
ام عآدل: في العقد الرآبع من العمر..تعمل في احدى المدراس الحكوميه بالعلاقات العامه..امرآه طيبة القلب تحب ان تجمع اولادها وابنائهم حولها

عآدل: 29سنه..شقيق زينة الاكبر..يمتلك بشرة سمراء شديدة الصفاء وعينين ذو نظره حآده..عآزب
راشد : 28سنه..بشرته بيضآ وروحه مرحه وابتسامته تميزه..ويمتلك صفة اتق شر الحليم إذا غضب..متزوج من دلال من سنتين وعندهم بنت صغونه عمرها سنه ونص اسمها لمار ومعناه ماء الذهب او برادة الالماس او كسوة الكعبه
ريفال : 25 الشقيقة الكبرى لزينة..معنى اسمها طويلة الشعر..متزوجة من سنه وللحين ما عندها عيآل
مهدي: 27سنه..زوج ريفآل..تعرف عليها بالجامعه وحبها..رومانسي..والبآقي نعرفه بعدين



عايلة فيصل :


ابوفيصل: في نهاية العقد الخامس من عمره..تآجر اعمال حره
ام فيصل : مطلقه من زمان
جوان : زوجة ابو فيصل الثانيه..معنى اسمها الخدود الورديه او الشفق..عمرها اربعين وجسمها مشدود..جنسيتها روسية

ديالا : اخت فيصل الوحيده من مرت ابوه..معنى اسمها الشهد والعسل..عيونها رماديه على امها وجسمها نحيل ومخصر..عمرها 21



وإذا فيه شخصيات غيرها بتطلع مع الاحداث: :


وبعد شوي بنزل لكم النبض الأول : : :

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

النبضة الآولى : :


* ليه الحسآيف دام قلبك باع حبن يشتريه
إلا الخساره فيك دمعن في غيآبك بذرفه*




في بيت ابوعآدل
الاهل كلهم مجتمعين وكان الوقت حزة الظهر يوم اليمعه او الزواره



نمر على غرفة راشد اول شي : :


دخل توه راد من صلاة اليمعه وشاف دلال لابسه نفنوف بني ايدينه شيفون وقصير للركبه وعليه سلاسل وشوارفسكي احمر وقاعده تلبس لمار


راشد باستغراب: دلال؟!

دلال بدون ما تلتفت ولاهيه مع بنتها: هلا حبيبي

راشد قرب منها : شنوو بتطلعين؟؟

دلال خلصت تلبيس بنتها ووقفت قريب منه: اممم ئي حبيبي اليوم جاراتنا متمعين عند امي وبروح لهم
راشد راح صوب التسريحه عشان يعدل غترته : بس زوارتكم الخميس مو اليمعه..

دلال تحاول فيه..وقفت جدامه وصارت ترمش بعيونها: عآدي حبيبي امي دقت علي وقالت تعالي البنات كلهم عندي

رآشد بعد شوي واخذ العطر : امس انتي رايحة لامج وما قتلج شي..اليوم عآد يمعتنا..والحين بتيي ريفال مع ريلها وماله داعي تروحين..

دلال بإحباط: يوووه رآشد حبيبي عفيه لا تفشلني معاهم

راشد بحده: شنو انتي ما تفهمين..وبعدين انتي لابسه وخالصه ويايه تقولين لي حتى ما استأذنتي مني..انا ريلج ولي حق عليج..وابيج تقعدين مع امي وخواتي مافيها شي

دلال زعلت وراحت قعدت عالسرير وصارت تعض اظافرها: افففففففففف

رآشد ابتسم على طريقتها بالزعل وراح قعد يمها ومسك ويهها بين ايدينه: حبيبتي انتي تدرين اني احبج وما فيها شي لو قعدتي مع اهلي وفرحتيني..
دلال بدلع ودموعها تنذر بالنزول: وامي؟؟

رآشد ابتسم وهو يبوس خدها: اعتذري منها

دلال بحرج وهي تنزل ويهها وتبعد عنه: انزين..

قاطعتهم ضحكة لمار: هه هه هه هه هه

راشد ابتسم ووقف: ههههههه يلا ناطرج تحت لا تطولين

دلال ضحكت على بنتها وشالتها: شفت فسدت البنيه
رآشد ضحك وهو يطلع: هههههه انتي السبب مو أنا



نزل الصاله وشاف امه وابوه وعآدل وزينه وريفال توها واصله


رآشد : ها رفول وزيون عندنا

ريفآل ابتسمت وقامت سلمت على اخوها: هلا راشد عيل دلول ولمور وينهم؟؟

راشد ابتسم: كاهم الحين بييون..اشلونكم مهدي؟؟ وينك ما نشوفك؟؟

مهدي ابتسم: تمام..شسوي اختك مطيره عقلي
ريفآل تفآجآت فيه وفجت عيونها: آنااااااااا

ام عآدل: اقول زيون ما فيه شي بالطريج

زينه بحيا : احم لا يمااااا

عآدل ابتسم: صج وينه فيصل ليش ما يا؟؟

زينة ابتسمت: طالع مع ربعه بالشاليه من امس

راشد : عيل من يابج

ابوعآدل: شنو نسيت ان عندها سيآره


راشد ضحك: هههههه نسيت ان فصيل يابلج سياره هدية زواجكم ههههههه

زينة ابتسمت ولهت بسوالفها مع اختها


زينة : صج رفول مو ناويه تحملين صار لج سنه وشوي

ريفآل بحزن: ما ادري زيون ما ادري..

زينة باستغراب: شنو ما تدرين؟؟ بصرآحه انا دورتي تآخرت هذا الشهر بس مابي اقول شي الا بعد ما اتآكد

ريفآل بغيره: ياحظج ريلج يحبج مو انا مهدي ما يشتهي يشوفني كل ويك اند يروح مخيم مع ربعه وانا بالطقاق من وين بحمل ياحظي..مآآلت بس حتى اليوم يبته غصب معآآي

زينة طالعت مهدي اللي مستانس على لمار بنت راشد ويطيرها وهي تضحك: حرآم عليج شوفي اشلون يلعب لموور..بس اكيد مقصره بشي ويآه..راجعي نف..

قطع عليهم صوت ابوهم

ابوعآدل: اقول زينه يبه ريلج مو ياي عالغدا؟؟

زينة ابتسمت: ما ادري يبه الحين اشوفه..

ام عآدل: عيل دقي عليه وقوليله عمتك محضرتلك خوش مطبق زبيدي بتأكل اصابعك وراه

زينه ابتسمت ووقفت وبيدها فونها البلاك بيري: الحين بقوله



@
@
@
@

وبوحده من شاليهات الجليعه


لانا بدلع : ههههههههههههههههههههههه

فيصل قرص خدودها: فديت هالضحكه انا


ع بآلي حبيبي
ع بآلي حبيبي


فيصل شاف اسم (زيون)يلمع بالشاشه وتوهق واشر لحلجه : اششششششش

وقف وراح بعيد شوي

فيصل بهمس: هلآ حبي..هلآ قلبي والله اشتقتلج

زينه ابتسمت: هلا حيآتي حتى انا اشتقتلك..للحين انت بالشاليه

فيصل بثقه ولا جنه مسوي شي: ئي ئي اليوم برنامجنا كرة طائره لعبناها عالبحر والحين قاعدين نلعب جنجفه وبعد شوي بنتغدا

زينة بهمس: اها يعني منت ياي..انا عند اهلي وامي مسوي مطبق زبيدي..كنت ابيك ويآي

فيصل بهمس رومانسي: حبيبتي انتي اليايات اكثر إن شاء الله..

لانا قاطعته: يلا فوفو وينك

فيصل اشر لها تسكت ورد واهو مرتبك: يلا حبيبتي بآآآي الشباب ينادوني
زينة بشك : اهااااااا..يلا بآي
فيصل بسرعه : بآآي بآآآي

وراح ركض لها : انتي شفيج شفيج ههههههههههه
لانا ضحكت وهي تحط ريل على ريل: هههههههههههه حبيبتي انته تأخرت كتير وانا اشتقتلك ههههههههههه


فيصل ضحك وهو يطقها بالمخده على ويهها: ههههههه اموووت بسوريا اناا امووووووووووووت



@
@
@
@

نرجع لبيت ابوعآدل


زينة خذت سويجها وراحت للبآب بسرعه


ام عآدل : زيووون تعآلي وين رايحه بننجب الغدا

زينة ابتسمت عشآن ما تشككهم: ئي يما تذكرت اني عازمه رفيجتي عالغدا ونسيتها..
يلا اييكم العصر انا

وطلعت وخلتهم

راشد وعآدل: ههههههههههههه
ابوعآدل: والله بنتج هذي زين ما تنسى نفسها
مهدي: عازمه رفيجتها وناسيتها هههههههه
ريفال تطالع مهدي وتفكر : ...............

ام عآدل : هههههههههههه شفيكم على بنتي عآد هذي الجعده ما ارضى عليها

الكل: ههههههههههههههههههههه

@
@
@
@


اما بسيارة زينه

كآنت تسوقها بسرعه تعدت 120..ودموعها كانت تنزل على خدودها بدون صوت

ليش فيصل ليششششش؟؟
يآرب ما يكون اللي ببآلي صح يآآرب؟؟

مسكت بطنها بآيد وحده: انا حآمل فيصل حرآآآآم عليك..حرآآآم

صارت تشاهق ودموعها غطت على عيونها وبخلال نص ساعه وصلت من السرعه


طفت سيارتها بسرعه ونزلت تركض للشاليه ودخلت سيده الصاله..بس ما شافت احد ورآحت لغرفة النوم وهي تسابق دقات قلبها



والمشهد اللي دخلت عليه


كان فيصل حاط ايده على ستيانها


زينة شهقت وهي تحط ايدها على حلجها: هــــــــــــــــــــــــــــئ

فيصل طالعها متفآجى ومرتبك وانحرج من وجودها

اما لانا تعدلت وحطت ايدها على صدرها : فيصل مين هي؟؟

زينة هزت راسها بعنف وكأنها تحاول تطرد المشهد من بالها وطلعت تركض وهي ما تشوف من دموعها: اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ


فيصل لحقها وهو بقمة الاحراج ومسكها من ايدها: زينة..زينة وقفي شوي..زينة لحظه خن نتفاا


زينة قاطعته بطرآآق قوي لف ويهه الصوب الثاني: مابي اتفاهم معآك..اصلا اشلون لك عين تكلمني..مابي اسمع صوتك مااااابي


لفت بتمشي بس

فيصل مسك ايدها مره ثانيه: زينه

زينه ببحه وهي تحاول تسيطر على دموعها: زوجتك ولا ......

فيصل نزل راسه هالمره : .........

زينه بصراخ وهي تطقه على صدره العاري: رد علي..زوجتك ولا لأ؟؟ رد علي فيصل حرآآآم عليك..ليش تخوني ليشششش؟؟ حرام عليك انا ما قصرت عنك..

فيصل بندم : زينه تكفين سمعيني صدقيني انا احبج والله احبج بسسس

زينه قاطعته : قصرت بفراشك؟؟
فيصل : زينه
زينه متحطمه: رد علي؟؟ قصرت بفراشك

فيصل بحزن : لأ والله لأ

زينه تكمل وهي منهاره: بأكلك..بملابسك..ببيتك؟؟

فيصل نزل راسه: لأا

زينة همست وهي تبعد عنه: عيل ورقة طلاقي توصلني لبيت اهلي..

ومشت وخلته

@
@
@

انتهى البآرت
يلا ابي ردودكم وتوقعاتكم
وسوري عالجرآه.

 

[sweet.sanfoora]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

حراام زينة كسرت خاطري
كمليها

 

[احكي يا شهرزاد]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

حراااااام زينه صج كسرت خاطري وصج ريلها حقير كملي حبيبتي

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

حراام زينة كسرت خاطري
كمليها

بكملها لعيونج وثانكس للرد الحلو

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

حراااااام زينه صج كسرت خاطري وصج ريلها حقير كملي حبيبتي

حبيبتي شهرزاد فرحني وجودج وردج يالغلا وان شاء الله بكمل لعيونكم

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

.




النبض الـثـآنـي


*لو أمسح دموعك واضمك وواسيـكـ
مـا هـزنـي رجـال احـبـه مـثيـلـكـ*



فيلا ابو فيصل
الساعه 3 العصر


ابوفيصل: مرت اخوج قالت بتقعد عند اهلها اليوم ولا بتيي

ديالا ابتسمت وهي تطقطق عالنت: ما ادري يبه..بس عآدي خلها تقعد لليل تستانس دام ولدك كاشت فيها من امس ورايح مع ربعه الشاليه

ابوفيصل: ههههههه الحين انتوا الحريم من يقول لكم الريآل انه بيطلع مع ربعه بالويك اند صار كاشت فيكم..

ديالا تخصرت: ئي عيل اهو يروح يستانس ويخليني قاعده بروحي انطره..همن انا بستانس حالي حاله

ابوفيصل: ههههههههه عآدي يايبه لازم يصير فيه لهفه بالحب..لازم يغيب عنها يوم يومين مع ربعه عشآن يشتاق لها وتشتاقله مو تصير حياتهم بارده

ديالا ضحكت وصفرت: هههههههه اووووه اووووووه عآآآش ابوي عآآآش وانا اقول شحقه امي طاحت بغرامك اثاريك منت هين تعرف تصفف حجي هههههههههه

جوان فهمت الموضوع وبآست ابوفيصل على خده: شوور اي لوف يو

ابوفيصل ابتسم لمرته وضحك على بنته: ههههههههه هييي بنت انا ابوج مو رفيجتج تحاجيني جذي

ديالا ضحكت ورجعت للنت: هههههه عآآدي بابا خلك فري مو انا امي روسيه هههههه

ابوفيصل ضحك عليها وأخذ مرته وقآم



مر الوقت على ديالا وهي قاعده بروحها وما حست الا بفيصل يدش عليها

فيصل بحزن يحاول يخفيه: قوه

ديالا رفعت عيونها وشافته: فيـــــصل انت وينك من امس؟؟ زيون راحت عند اهلها اليوم تدري..لا ويمكن تقعد عندهم لليل..

فيصل (آآآه انا اللي ادري)ورد عليها بغموض: ادري قالت ل...

هالمره قطع عليهم صوت فونه

ع بآلي حبيبي
ع بآلي حبيبي
اغمرك ما اتركك
اسرقك ما رجع..

فيصل رد وهو مستغرب الرقم: آلوو نعم
...ئي انا فيصل..شنووو؟؟ زينه؟؟ انزين انزين كاني ياي؟؟ بأي مستشفى..اوك اوك


سده بسرعه ورجع بيطلع

ديالا لحقته: لحظه فيصل لحظه وين رايح؟؟

فيصل وهو طالع وبصوت مستعيل وملهوف: زينه سوت حآدث..لازم اروح لها لازم..

طلع وديالا راحت لابوها تركض: يبه يبه يب..


(ووقفت تفكر عالدري) : ولا ليش اروح اناديه اكيد لاهي الحين وماراح يبطل لي البآب..
(ونزلت للصاله مره ثانيه وهي تآكل بآظافرها): انزين شسوي اشلون اعرف شصار؟؟ احسن شي اروح ادق على دلال واعرف منها السالفه


@
@
@
@

وبمستشفى الصبآآح
وبقسم الحوادث


فيصل يا ملهوف: عمتي طمنيني زينة شفيها؟؟ شصار عليها؟؟

ام عآدل كانت واقفه مع ولدها عآدل: فيــــــصل هلاا يمه هلاااااا

عآدل مسك جتفه يهديه: هد نفسك الحين بيطلع الدكتور ويطمنآ


ما خلص كلامه الا والدكتور يطلع لهم

ام عآدل: طمني دكتور..بنتي زينه طمني عنها؟؟
الدكتور : اتطمني دلوقتي هيا بخير وحنوديها الملاحظه..بس لازم ترتاح..اصلها لسه طالعه من العمليه وكانت حآمل و

فيصل ابتسم: زينه حامل!!
الدكتور: كانت حامل بس بسبب الحآدس القوي مقدرتش تتحمل..
ام عآدل بخيبة امل: كآآآنت..

عآدل بضيق: يعطيك العافيه دكتور ما تقصر

الدكتور وهو يمشي: ولو ده واجبي..عن ازنكو


عآدل : يلا يما نروح لها الجناح احسن..

ام عآدل ما تكلمت بس مسحت دموعها اللي نزلت وراحت معاه لبنتها

فيصل لحقهم بس ظل واقف وسآآآكت
واكثر شي محسسه بالذنب اهو منظرها وهي نايمه وبيدها الدريب وراسها ملفوف بشآش


ام عآدل مسكت ايدها وبآستها: زينه يمه تسمعيني الحمدلله على سلامتج
زينه وهي تفتح عيونها وتتنفس بصعوبه: يماا
عآدل ابتسم: الحمدلله على سلامتج زيون..

ام عآدل بعتب: ليش يما ليش؟؟ ليش تسوين بنفسج جذي؟؟ انا مو قايلتلج من قبل ديري بالج وانتي تسوقين عيآل الحرام وآآيد بس ولا يهمج ولا يهمج اللي راح راح..يمكن الله مو كاتبلج هالظنا يعيش..إن شاء الله تييبين غيره وتفرحين فيه.

زينه ما ردت عليهم..سكتت وصدت الصوب الثآآني

عآدل حس انه فيصل سآكت : يلا يما خلينا نمشي الحين ونيي لها بالليل

ام عآدل كانت بترفض بس فهمت ان فيصل يبي يحاجيها بروحه: إن شاء الله(وقربت لبنتها وبآست راسها)يلا يما ما تشوفين شر وإن شاء الله المغرب بنييج

زينة ابتسمت لآمها مجامله واول ما طلعوا همست: اطلع برا فيصل!!

فيصل قرب منها وقعد على طرف السرير: زيون حبيبتي سمعيني بس..انا احبج والله احبج واموت فيج..واللي صار طيش..طيش واوعدج ما راح اعيدها مره ثآنيه..

زينة غمضت عيونها ونزلت دموعها مره ثانيه: فـــيــــصل اطلع برآآآآ

فيصل انحنى وبآس جبينها: زينه..قتلج اوعدج هذي اخر مره..وانا آسف..آسف علي صار..والله ما كنت ادري انج حامل والله ولا جان ما زعلتج ولا سويت اللي سويته..تكفين زينه سامحيني

زينة ببحه وهي مغمضه عيونها: ما اقدر فيصل ما اقدر..المشهد مو راضي يروح عن بآلي..صورتك وانت .....
فيصل قاطعها: حيآآتي زينه قتلج انا غلطان والله العظيم غلطان بس والله احبج احبج..
>> ورفعها بهدوء وضمها لصدره بقوه

زينة بهمس مع دموعها: طلقني فيصل!!

فيصل هدها ووقف : ماني مطلقج..بعطيج فرصه تراجعين نفسج وتفكرين بالحب اللي جمعنا واللي كان بينا..مع السلامه

وطلع وخلاهاآآ


اما زينه بجت وبجت وبجت لانها مو قادره تنسى اللي صآر

@
@
@
@

انتهى..
هالبارت قصير
بس بالليل إن شاااء الله بنزل لكم بآآرت

تآبعووووني :

*انا نبضك زهر أرضك..وأنت؟؟ ايه تملكنـي
بنحل خصرك..وجمر ثغرك..وزود بلونك الخمري*..(زينة وفيصل)

 

[احكي يا شهرزاد]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

حلو البارت وتسلمين حبيبتي على ردج الحلو وهذا فيصل صج قوات عين ناطرينج حبيبتي

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

حبيبتي شهرزاد مشكوره على ردج الحلووو بعد أبي اشوف ردود أكثر

 

[^Tataly^]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

واااااي وناسه اوراق خريفه منزله رواااايه
لالا انا مومصدقه

البدايه شكلها عجيبه يعطيج العافيه

اتوقع انه زين راح ترجع حق فيصل

ناطرينج

 

[^Tataly^]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

اي صج انتي اي وقت اتحطين البارتات؟

 

[^Tataly^]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

لعيوووووووووووووووونج

up up up up up up up up

 

[سارووونه22]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

الروايه باين عليها عجيبه بس عندي تعليق بسيط مو جنه نفس قصة زينه وفيصل الي بزوارة الخميس ونفس مشهد الشاليه بس في المشهد ام فيصل موموجوده اتمنى ماتزعلين من تعليقي

 

[مطيريه كوول]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

بدآيـه ح’ـلووه
ترى كنت أنتظرك من أول يووم العيد<هع مستعجله
كملي يّ قلبي<3​

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

واااااي وناسه اوراق خريفه منزله رواااايه
لالا انا مومصدقه

البدايه شكلها عجيبه يعطيج العافيه

اتوقع انه زين راح ترجع حق فيصل

ناطرينج

حبيبتي انتي صدقي هههههه أنا موجوده معاكم بهالروايه مثل ما وعدتكم

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

اي صج انتي اي وقت اتحطين البارتات؟

نفس أول بالنهار بارت واذا زاد التشجيع بالليل بارت

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

لعيوووووووووووووووونج

up up up up up up up up

. تسلم عيونج مشكوره عالرفع

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

الروايه باين عليها عجيبه بس عندي تعليق بسيط مو جنه نفس قصة زينه وفيصل الي بزوارة الخميس ونفس مشهد الشاليه بس في المشهد ام فيصل موموجوده اتمنى ماتزعلين من تعليقي

هلا سارونه بالعكس هذا رايج وأنا احترمه واهتم فيه مشهد زوارة خميس بالنهايه أهو من واقع الحياه اللي قاعد تصير وأنا استوحيته منه لأني ما أقدر احط المكان الصجي عشان أصحاب القصه لأنها صجيه نقلتها من صاحبتها وصعبه احط كل تفاصيل حياتها الشخصيه ..أتمنئ فهمتي

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*

بدآيـه ح’ـلووه
ترى كنت أنتظرك من أول يووم العيد<هع مستعجله
كملي يّ قلبي<3​

ههههه مطيريه والله لو أدري جان نزلتها من أول يوم العيد بس قلت الناس مشغوله بتسانس

 

[برنسس أوراق]

رد: انا نبضك زهر أرضك..وأنت؟؟ ايه تملكني بنحل خصرك وجمر ثغرك وزود بلونك الخمري*


النبض الـثـآلـث : : :

*تـعـال واجـمـع حـروفـي قصـــآيـد للهـوى بـاحـت
تـعـال وقـول هالـدنيـآ بـدونـك مـن يحليها*



بشقة مهدي وريفآل
الساعه 10 بالليل


بغرفة النوم

طلع مهدي من الحمام لاف الفوطه على خصره بعد ما خذاله شاور سريع وكان مبتسم لكن ابتسامته اختفت اول ما شاف مرته


ريفآل كانت مبدله ملابسها اللي طلعت فيهم ببجامة نوم وماسحه مكياجها ومنسدحه بالفراش


مهدي باستغراب: شنو نمتي؟؟ قومي قومي بسهر وياج

ريفآل بلامبالاه وهي ترفع الكمبل لجسمها: يووووه مهدي الحين انا تعبانه وبنااام خلها بعدين

مهدي صارخ عليها : بعدين متى يعني؟؟ ابعرف انتي ما تفهمين؟؟ ما تحسيـــــــن؟؟ طاعي نفسج شلابسه؟؟ بذمتج هذا منظر وحده مع ريلها بروحهم..توج كاشخه لاهلج الصبح وحتى لأختج كشختيلها بالمستشفى..وانا قاعده معاي بهالشكل..

ريفآل فزت من عصبيته: ابييييييه مهدي شفيك تصارخ جذي..خو ما فيها شي قتلك تعبآآنه هالمره وبنآم ماكفرت

مهدي طلعت عروقه من العصبيه: ليش متى ييت وشفتج كاشخه ولابسه وناطرتني..يا سهرانه عالتلفزيون ومخليتني انام بروحي يا تعبانه وعليج الدوره يا ما تعبانه من الطلعه..مشتهي مره وحده ارد وألقاج ناطرتني ولابستلي..
وأخذ له بيجامة بسرعه وراح للباب والتفت لها وكمل عليها : وتسأليني ليش اقعد كل ويك اند مع ربعي ومخليج..طاعي شكلج اشلوون..ويهج شاحب جنج مريضه..وكشتج ناطه..رتبي نفسج..حسسيني باهتمامج فيني عالاقل..
وطلع ورقع البآب بأقوى شي عنده


ريفآل سدت اذونها من صوت البآب ونزلت دموعها: اففففف يآآآربي

وقامت بتلحقه: مهدي..مهدي لحظه شوي بنتفاهم..مهـ..

لكنه طلع وما سمعها

ريفآل رجعت للغرفه وقطت نفسها على الفراش وبجت: اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ اهئ

@
@
@
@

صبآح يوم السبت..يوم دافئ من ايام الصيف الحارقة في اواخر شهر يوليو


فيلا ابوفيصل
الساعه 9:30

ابوفيصل وجوان وديالا قاعدين يتريقون

جوان بالعربيه الفصحى اللي تعلمتها بمعهد: حبيبي اريد ان اذهب إلى الممشى مع صديقاتي بعد قليل
ابوفيصل ابتسم : خلاص انا اوصلج بطريجي
جوان ابتسمت ووقفت: حسنا..سآذهب لاجهز نفسي

ابوفيصل طالع بنته: عيل وينه اخوج؟؟

ديالا بهدوء: طلع من الثمان يقول بييب زيون اليوم بيطلعونها

بهاللحظه دخل فيصل بروحه : السلآام
وتعداهم بيمشي

ابوفيصل: عيل وينها مرتك مو رحت تييبها؟؟

فيصل وقف: ئي بس راحت بيت اهلها ترتاح عندهم جم يوم(والتفت لأخته)انا بروح انام شوي ما نمت من امس..ومابي احد يقعدني

ديالا بهدوء: اوكي نوم العوافي..


ابوفيصل يطالع ولده وهو يصعد: حالته مو عاجبتي

ديالا : شفيك بابا اكيد زعلان عشان ولده اللي ما شافه

ابوفيصل وقف: ايه وانا ابوج الظنا غآلي..الله يعوضهم إن شاء الله..يلا انا بودي امج وبمر المعرض تبين شي

ديالا ابتسمت: نو ثانكس بس يمكن امر الافنيو شوي

ابوفيصل: خلاص بكيفج بس ديري بالج على نفسج


وفوق بجناح فيصل الملكي


هذي ثاني مره يدش من امس ويحس الجناح فآضي وبآرد بدون زينه..بدون حركتها وعطرها وصوتها

قط سويجه وفونه عالكوميدنه وقط نفسه عالسرير: آآآآآآه

ع بآلي حبيبي
ع بالي حبيبي

فيصل ما كان له خلق وخلاه يرن

اغمرك ما اتركك
اسرقك ما رجعك
احبسك ما طلعك
من قلبي ولا يوم

فيصل تآفف ورفع نفسه ومسك فونه(لانا): اففففففففففف شتبي هذي بعد

سده بويهه ورجع انسدح

بعد ثواني : : :

ع بآلي حبيبي
ع بآلي حبيبي

فيصل رد بعصبيه: نعم نعمممممم شتبين؟؟ شنو انتي ما تفهمين؟؟ قتلج خلاص اللي بينا انتهى تراج صدعتيني كل شوي داقه

لانا بدلع: طيب ليش؟؟ فيك تفهميني ليش؟؟ وشو صار؟؟ ومين هي البنت اللي اجت بالشاليه وغيرتك علي

فيصل بحده: يبه هذي مرتي ارتحتي..وبعدين فجي عني..ما احبج ما احبج شنو انتي ما عندج كرامه..غبيه..يبه خلااااااص ما صار بيني وبينج شي..روحي بطريجج وفكيني..وهذي اخر مره تدقين فيها على رقمي زينننننننننننن

لانا بصرآخ: مرتك..يعني طلعت متجوز..طلعت واااحد حقييييييييير وندل وانا اللي مسدقتك وماشيه وراك..صحيح انك ما بتستحي وما عندك دم

فيصل قاطعها: يبه انتي مقصه زينننننن..والحين قلبي ويهج ذبحتني ترى..افففففف

سده بويهها..وراح للآسماء ومسح رقمها مره وحده وقام دخل الحمام ياخذ شاور يهدي فيه اعصابه

@
@
@
@

بيت ابوعآدل
الساعه 11:30


بغرفة زينة قبل ما تتزوج


طلعت من الحمام متسبحه ولابسه بيجامة دافيه وشعرها المبلل نازل على ويهها..


عآدل ابتسم: تدرين زيون حمدي ربج انهم ما هدوا غرفتج..والا امي كانت ناويه تهدمها وتبني لي جنآآح الزوجيه

رآشد وهو داخل وكان لابس تريننغ احمر بآسود وبيده لمار يلعبها: قصدك قفص الزوجيه

رآشد وعآدل : هههههههههههههههههههههه

زينه ابتسمت لاخوانها وراحت انسدحت بفراشها

لمار كانت تطق خد ابوها وسعابيلها تارسه ويهها: بب بب

راشد ضحك عليها وهو يمسك اصابعها ويمسحهم بكلينكس: ههههههههههههه وصختيني يالشيطانه

عآدل التفت لزينه وشاف دمعتها نزلت وعرف انها تفكر بلمار وبولدها اللي مات قبل ما تشوفه ومسك ايدها: زيووووون اختي حبيبتي..مو زين اللي تسوينه بنفسج..الله بيعوضج إن شآء الله

زينه زادت دموعها(ياليتك تدري ياخوي ياليتك تدري): اهئ اهئ اهئ اهئ اهئ اهئ اهئ اهئ اهئ اهئ اهئ

لمار بجت من صوت عمتها : آ آ آ آ آ آ آ

راشد توهق وشالها وحطها على جتفه يهديها: بس بآبا بس..(ووقف)دلال..يادلال


عآدل ابتسم: شفتي خرعتي لمور بصوتج

زينة ضحكت وهي تمسح دموعها: ههههههههههه

عآدل ابتسم ووقف وباس جبينها: يلا انا طالع مع ربعي شوي تبين شي

زينة ابتسمت بهدوء: سلامتك..

عآدل وهو طالع: عيل مع السلامه..(واهو طالع شاف امه وقرص خدودها)بآآآي ياحلووو

ام عآدل طقته : يما منك يالعيآآآآآر


عآدل ضحك وراح عنها واهي دخلت لبنتها


ام عادل: ها يما اشلونج الحين..شوفي ترى خليت الخدامه تسويلج شوربة دياي..زينه لج عشآن ترد لج عافيتج بتشربيها مو تقولين لاآ

زينة ابتسمت لامها: وانا اقدر اقول لآ لحصوص الحلوه

ام عآدل ضحكت وهي توقف: هههههههه يما منكم...عيآره..

زينه ضحكت : ههههههههههههه والله نحبج يما

ام عآدل ابتسمت: شكل الحادث اثر على عقلج..اروح اشوف بوعادل احسن

طلعت وتركت زينه بدوامة حياتها مع فيصل

@
@
@
@

شقة مهدي وريفآل
نفس الوقت

بغرفة النوم

ريفآل توها تحس بالشمس تدخل اشعاعها معنه الستاير نازله..فتحت عيونها وهي تحس بصداع براسها..شافت نومتها الغلط وتذكرت كل اللي صآآر: مهدي

طلعت برا بسرعه: مهدي..مهدي..


دورته عنه بالصاله وبالمطبخ وبغرفة الضيوف وما شافته وعرفت انه ما يا من امس

ريفال تنهدت: كله مني..انا السبب..انا اللي اهملته لحد ما انفجر..واهو الصاج اكشخ للناس واروح الصالونات والعروس وناسيته اهو..باجر لا تطلقت محد بينفعني


ومع هالكلام دشت سيده الغرفه وبسرعه غسلت ويهها وفرشت اسنانها ولبست اول جينز وبلوزه جدامها وخذت بوكها وفونها وطلعت

طبعا ما عندها سيآره بس خلت الحارس يطلب لها تآكسي وقالتله يوديها صآلون حنان دشتي

وكانت تفكر بالطريج: اممم بقص شعري فراوله واصبغه..بس أي لون يطلع علي حلوو..عآدي اسأل..اممم وبعد..ئي بسوي حمام ملكي وبسوي اظافري فرنسي واروح انقش بعد..ادلل نفسي ليش لآااا


@
@
@
@

انتهى
يلا ابي رايكم بالشخصيات؟؟
وتفاعلكم