الكويت بالنسبه حق دول الخليج

[أنا حلوة]

آنا معاج

بكل اللي قلتيه

 

[حناينq8]

آنا معاج

بكل اللي قلتيه

تسلمين يقلبي ومشكوره على مرورج

 

[عالي مستواها]

ليش هالمقارنة ؟

الكويت دولة من دول الخليج وكلنا واحد .. مثل ما حنا ما نرضى على ديرتنا ما نرضى هم على دول الخليج الثانية ..

شنو يعني الكويت أصل .. شنو يعني هم مالهم أصل ؟ وشنو متكرمه الكويت على دول الخليج

يا بنات الوطنية مو جذي ترا .. كرهتوا الناس فينا والله مالومهم لا قالوا مغرورين وفينا وفينا ما له داعي اللي تسب قطر واللي تتطنز على الإمارت .. شمسوين لكم زين ؟ انتوا ترضونها لنفسكم ؟

انا ضد مثل هالمواضيع .. الكويت ديرتي ما رضى عليها بس الوطنية مو اني أقلل من قيمة غيري .. وكل ديرة غالية بعين أهلها مو شي جديد .. هالخدم والعماله اللي عندنا عايشين فقر بديرتهم وبعضهم بالشوارع حتى بيوت ما عندهم ومع هذا يحبون ديرتهم

الوطنية مو جذي ترا أنتوا فاهمينها غلط .. انا ضد " دس السم بالعسل " الكويت ديرتنا ونحبها ودول الخليج كلها وحده الله لا يغير علينا ان شالله وخل الحاقدين يموتون بغيظهم

ويا قلبي على الخليج كله .. السعودية ديرة خوااالي وأهلي يا جعلي فدوتن لهاااااااا .. والأمارات أحلى سوقه والدليل ما تصدقون مهرجان ولا عطله إلا أنتوا رايحين لها والبحرين وقطر أهلهم محلين الديرة .. وعمان جنه على الأرض

والله لا يفرق بينا ان شالله

 

[عالي مستواها]

توني اقرا الردود انصدمت !!!

ماودي أغلط والله .. إن طلعت اللي بقلبي ماراح يعجبكم كلامي .. ماهو تقليل من قدر الكويت لا والله لكن كلام بقلبي على قولتهم " يجمد على الشارب "

أتمنى كل وحده تراجع نفسها .. اللي قارنتنا بالسعودية والإمارات .. اتوقع كلش مافيه مقارنة

السعودية بروحها جم مساحتها ؟ ديار مشالله الله يحفظلهم ديرتهم وكافي بس كافي انهم مطبقين الشرع على أصوله .. وكافي فيها بيت الله وفيها وفيها لو بعد ماراح أخلص

لا تظلمون نفسكم وتكرهون الناس فيكم .. بكلام مردود عليه

واللي مو عاجبته دول الخليج لا يروح لها محد طاقه على أيده

الوطنية ترا مو بالسب والتجريح والمقارنة بشكل بعيد كل البعد عن الحيادية .. الوطنية أفعال عمرها ما كانت كلام

مابي أتكلم أكثر أرتفع ضغطي

 

[..may..]

بنات ..

أنا ما برد عاللي غلطو علينا و عالامارات أو حتى باقي دول الخليج ..

كل انسان يمثل نفسه .. و بالنهايه اسلوب الانسان.. نتاج تربيته و ظروفه و كميه الضغوطات و العقـــــد النفسيه اللي يعيشها



شكــــــــــــراً عالي مستواها .. على ردج الراقي .. و أنا رايي من رايج .. كل انسان بلده عزيزة عليه .. و يشوفها أحلى و أغلى بلد ..


حبيت أرد بكم نقطه عاللي قريته ..

أول شي : محـــد له فضل على حد.. الفضـــــــــل لله وحـــــــــــــــــده ..

ثاني شي : الوصول للقمه سهــل.. بس الصعب المحافظة عليها و إنك دايماً تكون المتصدر و المتميز

ثالث شي : لكل زمــــــــــان .. دولــــــة و رجـــــــــــــال ..

 

[eastfem]

اختي الكويت حلوه بس محد مجابل مصالحها ومصالح الشعب ككل الكل ياله يانفسيي واخر شي سمعة الكويت !!
روحي شوفي وين وصلت سمعتنا في بعض دول الخليج صرنا مطنزه لهم.. من كل النواحي سواء سياسيا وكلنا
شاهدين على ممارسات نواب ووزراء مجلس الامه وياليت اكو انجارزات تذكر.... لأسف ينادون باسم الديمقراطيه عشان يحققون مصالح شخصيه !! هذا غير الاستثمار في الكويت اكثر من الزفت يعني روحي مصر ولبنان ودبي شوفي حجم
الاستثمارات الكويتيه هناك ومشاريعهم مغطيه الديره
واهني بالكويت فالحين بس يفجون لنا جم مجمع الكويت نترست مجمعات لاعت جبودناا
هاذا غير البحر مومستثمرينه استثمار جيد يعني شوفي دبي مستغلين البحر ومسوين فيه مشاريع
جماليه تشجع السياح اييونهااا .. بس اهني روحي شاطي الشويخ وانجفه
شي يلوع الجبد لااهتمام لانظافه خييييييييسه الحمااامات تبط الرااااس ..
السواح لي يو الديره وين يروحون ؟؟يالابراج يالنادي العلمي وهالمجمعات الي انترست بالديره !!
حتى المطار يفشل مقارنه مع مطارات العالم لا ولمن حسو انه يفشل سووله توسعات ! بدال مايشيلونه من عرررجه ويغيرووونه ..والله خساره الكويت تهمل ياما عطتنا لدرجه غيرنا قام يغار ليش احنا كويتين
عموما اتمنه يكون في نهضه سياحيه بالمستقبل
وبالاخير بعد شنقوول هاذي الكويت وغيرها مانبي

 

[فراشه]

اي والله والله لمن رحت دبي قلت الكويت احلى مادري على شنو خابينه على دبي

 

[female80]

(كيدي عظيم)

هذي الكويت صل على النبي

ترى انا توني يايه من دبي
يعني مع احترامي حق حبايبنا الاماراتيين دبي لووووووعه والله اني رجعت قبل موعدي
مولات كبيره على الفاضي وكل شي موجود بالكويت وارخض

وعلى طاري مطار قطر (كويت الماضي امارت اليوم قطر المستقبل)

الرد موجود

الكويت بتظل الكويت تدرين ليش

لان الكويت قامت بيد عيالها

الكويت ما جنست افارقه واسيويين عشان يرفعون اسمها بالمحافل الدوليه

وكل اللي قاعد يصير بدول الخليج كله تقليد حق الكويت .. احنا اول من بدينا ولا نزال مرجع لهم

واكبر دليل ان اي ممثل يبي يشتهر ويستغني تشوفينه يا يستقر عندنا


رحم الله امرء عرف قدر نفسه

وعمار يا كويت

الاخت حناين شكرا على ردج ال ؟؟؟؟؟ وعمري ما فكرت اصف الكويت بهالصفه لاني عارفه ان كل انسان بلاده غاليه عليه حتى لو شو ما كانت

واشكر الاخت عالي مستواها على ردها الراقي والوافي

 

[جورجيت]

على رسلكن يا اخوات ...

بالنسبة لي ...
شفتوا لندن بساعتها العملاقة ... شفتوا باريس ببرجها العتيق وموضاتها الكاسحة .. شفتوا امريكا وشعبها الراقي ... شفتوا سويسرا وطبيعتها الساحرة ...
والله وربي وقسم بالله ما يسوون عندي ولا ربع الرياض ...

المسألة مو مسألة ديرة وتطور وحكومة .. المسألة عشق ارض ربيت فوقها وتحت سماها ......

فيه بعض من ردود الاخوات لكي تبرز الكويت سبت غيرها من الدول ومنها بلدي وانا ممثلة معكم هنا للدفاع عن ما يخصنا ويخصنا فقط ..

السعودية فقط ...

لست بصدد مدح السعودية وابراز مناقبها وكم هي رائعة وجميلة لأنني في نهاية المطاف لن استطيع اقناع اي واحدة بذلك لأنها وببساطة ليست بلدها .....

لم اكن اود الرد على الموضوع لأني اعتقد انه لا يخصني . ..:0bee2e8d89:

ولكن حين قرأت بعض ردود الاخوات .. قلت المسألة فيها نظر .... فهناك من مدح نفسة عن طريق تقليل شأن الأخر ومنهم السعودية .....

ارجو من الاخوات الرد بذكر مناقب الكويت كما تراها دون التعرض لدولة اخرى بتجريح فالسعودية لها من يدافع عنها ..

واللي يمدحلي الخبر ولا ابها امبيه جربوا تعيشون بالسعودية اسبوع وااحد واذا قدرتوا تكملووووونه!!!

كهذه مثلاً يجب ان تدرك ان حبها يسري بدمانا لا لجمالها بل لأنه الوطن الذي يسكننا ...
ولو كُتِب لي عمر جديد لن اتمنى العيش بغيرها .. يجب ان تدركي ذلك بالنسبة لنا ..

احذرك من ذلك ..

امدحي كويتك كما تحبين ولك الحق فهذا وطنك ولكن لا تتعرضي بسب او آخر لسعوديتنا ..


هناك ردود راقية جدا مدحت واحبت الكويت دون التعرض لأحد فهل يأخذ البعض منهم هذا الفن في حوار الآخر...

حناين


شكرا لموضوعك...
:tek:
موضوع كهذا يخرج كوامن الوطنية لديكم اشجعك واستمري في حب الكويت لأنها ببساطة تستحق منك ذلك ​

[/SIZE][/SIZE][/SIZE]

 

[غيدآء]

خليجنا واحد وشعبنا واحد

 

[ريم بوظبي]

حرام عليكم ليش الغلط

واللي تسب دبي وتقول لوعه ومدري شو عيب ياختي والله عيب

من متى نحن نقول هالرمسه عن بعض؟؟؟؟

دومنا ايد وحده وكلمه وحده وقلب واحد شو صاااااااااااار

وياحبيبتي نحن مب منتظرين من حضرتج تقيمين الامارات ولا دبي

 

[بنت زايـــــد]

الله يسامحها صاحبة الموضوع...من قريت العنوان وانا حاسه انه بيسبب خلافات ومشاكل...

حبيبتي شئ طبيعي دامج كويتيه اكيد بتحبين الكويت واتشوفينها احلى بلد...عيل بتحبين امريكا ولا ولاءج بيكون لموزمبيق؟

بس ماله داعي التهجم و التقليل من شان الدول الثانيه عشان تمدحين في بلادج..
هم احنا بلادنا عزيزة علينا ولو شو ماكان فيها..

و انا في مقدوري اقول عن الكويت فيها و فيها وارد عليكم بالمثل ..لا الناس اللي فيها منزهيين عن الغلط ولا هي قطعه من الجنه..حالها حال اي دوله بالنسبه لي...لو بنقد بنقد ومايهمني حد...بس لا هو اسلوبي ولا هي اخلاقي اني اجرح بخلق الله

اللي تقول دبي لوووعه...والثانيه تتكلم عن الخبر والسعوديه...دام جي ليش كل اجازة ولا انتوا في دبي ولا السعوديه؟؟...
اول مرة اشووف ناس ينقدون على بلد وما تعيبهم وكل سنه وهم فيها

في بنات صدق ماعندهم اسلوب ابد..ويخلون الواحد يعاملهم بالمثل ويرد كلمتهم بعشر

 

[mishooo]

انا اول ماقريت عنوان استانست بس انصدمت بردود يعض العضوات

اولا فى شى اسمة اسلوب ولباقة برد

بعدين حياتى الكويت ول بتكلم عنها ماراح يكفى يوم كامل لانها ديرتى واشوفها احلى دول بعينى :ggdw:

بس انكم تغلطون على الدول الثانية عييييييييييييييب:0bee2e8d89:

وبعدين حبيبتى شفيها الامارات تهبل واسواقها وشعبها الطيب وانا بالسفر تعرفت على بنات من الامارات ناااس اخلاق

عيب يابنات لاتكرهون الناس فينا وتخلونهم ياخذون فكرة غلط عشان هالجم الرد البايخ :eh_s(14):

:tek: