لو سمحتو ممكن مساعدتكم بليييييز

[قطوة حبيبي]

صباح الخييييرات ومسااااااء الوردااااات عال حلواااااااات

بنات اتمنى في وحده نفس حالتي وتطمني الله يطمن قلبها آنامتزوجه من ثلاث سنوات وعندي ولد ومن سنه احاول احمل ما الله كتب وسويت تلقيح صناعي ومانجح :eh_s(2):
تحاليلي كلها سليمه انا وزوجي حتى ولدي حملت من اول شهر زواج
بس انا مشكلتي صدري يفرز ماده شفاااافه مرات مو دايماً وسويت تحليل هرمون الحليب وطلعت سليمه وعادته لي الدكتوره مرتين وتقول انتي تمااام هرمون طبيعي
في وحده نفس حالتي وحملت اخاف اهو الي مأخر حملي تكفووون ساعدوووني

 

[لورا 22]

مدري حبيبتي بس جربتي الطب الشعبي ترا الحريييييم اشطر حيل بهالسوالف دوريلج مره وروح لها يمكن رحمج مايل او صاد علا قولتهم وهو اللي يأخر الحمل مدري انا اثق بالحريم اكثر

 

[السولعيه]

ان شاء الله يفيدونج البنات واذا انتي بالكويت

جربي روحي حق ام فيصل اللي بجابر العلي او اي مره تعالج وسأليها ترا احيانا ينفعون حييل


والله يرزقج

 

[السولعيه]

7

ههههههه نفس رايي كتبنا الرد بنفس اللحظه

 

[قطوة حبيبي]

تسلمون ماقصرتو وان شاء الله آخذ بنصيحتكم واروح لمره والله يكتب الي فيه الخير

 

[ابدا يالغالي مانساك]

دامج حملتي حبيبتي من اول شهر زواجج اسم الله
عليج
وتحاليلج سليمه وش لج بالتلقيح
ان اقول شوفي لج اي حرمه موثوق فيها بالاعشاب وروحي لها
وبعدي عن هالدكاتره الله يبعدنا عنهم مامنهم غير الغثاء
وان كان مافيج شي يطلعونه لج
سوري طولت بس من حر مافي قلبي من هالاطباء

 

[قطوة حبيبي]

انا يابنات كل شي عندي طبيعي وحتى دورتي منتضمه كل ٢٨ الشهر وما اعاني من اي مشاكل بالرحم الحمدلله بس هل الافراز الي من صدري مرات اهو الي مسبب تأخر الحمل وحده معاي بالدوام نفس حالتي وحملت الله يرزقها ويرزق كل محروومه بس بعرف يعني اهو لازم مايكون في افراز من الصدر لان انا لونه شفااف ؟؟؟؟؟

 

[قطوة حبيبي]

دامج حملتي حبيبتي من اول شهر زواجج اسم الله
عليج
وتحاليلج سليمه وش لج بالتلقيح
ان اقول شوفي لج اي حرمه موثوق فيها بالاعشاب وروحي لها
وبعدي عن هالدكاتره الله يبعدنا عنهم مامنهم غير الغثاء
وان كان مافيج شي يطلعونه لج
سوري طولت بس من حر مافي قلبي من هالاطباء

تسلمين ياقلبي ومعاج حق انا استعجلت بالتلقيح بس شسوي قلت خل اجرب وما الله كتب الحمدلله على كل حال

 

[tbola]

ان شاء الله مافيج الا العافيا

 

[أم عزوز21]

ماعندي فكرة بس حبيت أرفع الموضوع بدعاء

عسى الله يرزقج بالحمل السليم الثابت عاجلا غير آجل ويرزق كل وحده تتمنى الحمل (آميين)

 

[قطوة حبيبي]

ياااااارب ترزقنا بالذريه الصالحه
موعدها بعد اسبوع ان شاء الله ما أشوفها الا بعد تسع شهوور ياااااارب
ياااااااااارب ومشكورين على ردودكم فديتكم كلكم ذووووق

 

[@ام يوسف@]

الله يرزقج الحمل السليم عاجلا غير آجلا