سوري بنات توني اشوف ردودكم والله
شوفي مطنوخه
العقد كان ماشي ليمن انا استقيل او اهما يستغنون عني ..
المعاش ترا راهي معاشات البنوك، بس على الشغل تقولين لازم اكثر صراحه
الراتب الاساسي للدبلوم كان 460 ودعم العماله دبلوم 389 هاذي صارت كامله وثابته 849 شهري حق الدبلوم
ودوام العصر بو ساعتين، اذا حطوج بفرع اتداومين صبح وعصر "اللي يكسر الظهر، وعيب البنوك"
باليوم عليه كان 8 دنانير "الا يوم الخميس دوام واحد من 9 لي ال2" بالنسبه للافرع التجاريه
ودوام الافرع السكنيه من 8 ونص لي 3 العصر دوام واحد وماتنزل لج الـ"8 دنانير"
المهم يعني اذا داومتي دوام عصر بالشهر كله راح تنزل لج لها 128 يعني بتصير 977 للدبلوم
وعندج بدل تذكرة سفر 60 دينار هاذي صارت 1037 وبدلات 70 دينار صارت 1107 وانتي دبلوم
ومعاشات الاتصالات كول سنتر اكثر بوايد طبعا ..
انا قعدت بـ 3 افرع اثنين دوامين و واحد دوام
والله العظيم لو مو راديني حق بو دوامين اللي ياخذ حياتي كلها ويتعب نفسيتي جان ماقدمت استقالتي وكملت بالبنك .. حتى مايمديج تبدلين .. وبتكرهين حياتج وماتقدرين تركزين وخاصه اذا كنتي نفس حالتي تيلير صرافه اللي امسك فلوس الله يعين بس .. قلق وخوف وشغل حساس وكل غلطه يما تروحين فيها لي درجه توصل لي التحقيقات .. بس هذا عيب البنوك سالفة الدوامين صبح وعصر لي بليل وخاصتن لو كان الفرع بعيد عن بيتكم .. وسالفة التارقيت اللي لازم على كلامهم "انج تبوقين العملا" عشان مصلحة البنك ..
ودج تنتحرين ..
انا قدمت على بوبيان بالنت ووايد سهل ترا!
http://irecruitment.bankboubyan.com/ND/HRApply.aspx
دشي اهني وحطي بياناتج كلها بالانقلش
طبعا انتي اختاري Retail Banking خدمات مصرفيه
اللي تكونين بالافرع وجذي .. لان الباجي شغل اداره ومايقبلوم دبلوم او تخصصاتنا
خلي واحد يمج يساعدج انج تعبين بياناتج وبالاخير ارفقي السيره الذاتيه مالتج
وهذا مال التمويل
https://hcapital.kfh.com/OA_HTML/RF...cIvXcd3YvV9eSWy0vu&oas=ZKNZdRK2TjAEX_Nh8F7LWg..
دشي اهني واختاري اللي باليسار "قم بالتسجيل اليوم" وكله عربي وحطي شغلج وسهل بس
هذا التمويل بس استجلين .. وبيوصل لج مسج منهم يقولج "تم قبول طلبج للتوظيف، واتصلي عالرقم الي فوق" دقيت عليهم وقالولي انهم اختاروني بكول سنتر وعندج مقابله وتعالي شوفي الوضع مالهم وكيت
بس للاسف طافني الموعد ودقيت عليهم قالو خلاص تسكرت المواعيد واذا في شواغر ونبيج نرد نتصل عليج
انشاءالله خيره لي ..
وبس اعتقد انه بوبيان مايبون منقبه مادري، بس لازم متحجبه
وعادي تلبسين العبايه، انتي اولريدي اذا حطوج بفرع قديم بيكون مفصول
بس الافرع اليدد خلط .. ولازم تكشخين ولازم ولازم .. التمويل لا الكل مفصوول بحت واذا رحتي منقبه عادي
تصعدين قسم النساء قسمج تقطين كل شي .. وانا اقول روحي التمويل احسن .. بنك قديم وبترتاحين فيه
ووايد موظفين له .. بوبيان تقريبا يعتبر يديد واخر بنك بالكويت قاعد يصلح اخطائه فيه قلة موظفين
وعادي يدبسونج باي مكان ماعندج خبره فيه عشان يمشي الشغل ..
لا للاسف
حق تخصصنا يبون بكالريوس بس ..
انا كنت صرافه بالفلوس والشيكات ماعلي تارقت، بس يما والله تدرين انه "0" صفر واحد بغا يضيع حياتي كلها!
لازم تركيز حده .. اخيس شي لما نسكر الفرع ويخلصون العملاء .. يماااا! اهني فلم رعب
تقعدين تعدين فلوسج اللي بالصندوق، ولازم يكون مطابق للمبلغ اللي بالسيستم وحاطه ايدج على قلبج انه مايصير نقص او زياده لووول .. اوف لما يطلع مطابق جنه واحد صب عليج مااي باارد .. بس اذا طلع نقص، بسرعه طلعي بوكج وحطي الفلوس الناقصه، واذا طلع زايد بلغي الاوبريشن او المدير طبعا بتحصلين جم زفه ;P
بس لاتحاتين هذا كله عالشغل، واللي يمسكون تيلير الصرافين شهادته دبلوم
ومسؤول علاقات عامه شهادته بكالريوس عاد انتي وشطارتج عشان ترقين نفسج وتوخرين عن الكاش
المهم هاذي اساسيات السيره الذاتيه قلتها حق الدميره
الحين دشي الورد عادي عرفتيه؟ الوورد اللي عندج كتبي هالبيانات
البيانات الشخصيه
الاسم:
الجنسيه:
العمر:
تاريخ الميلاد:
هاتف النقال:
تلفون المنزل:
البريد الالكتروني:
المؤهلات العلميه
الشهاده
التخصص
المعدل
اسم الكليه
تاريخ التخرج
الخبرات العلميه
الميداني اذا عندج ميداني وين
او اذا اشتغلتي باي مكان بارت تايم او شغل الصيف اي شي حطيه
وبس كلهم كتبيهم بالوورد عندج وسيفيها
وارفقيها
وصج انا بالتمويل لما دشيت هاللينك وسجلت، قالو نكتب السيره الذاتيه؟ طبعا بعد ما ارفقت الي عندي جنه
المهم اخترت اللي يبونه وكتبت معاهم نفس معلومات بوبيان بس بالعربي .. وعلى فكره اهوه بس تسجلين خلاص اسمج بيكون عندهم انشاءالله
موفقين
