اللى راحو سيشل تعالو ابيكم بكلمة راس

[زعفرانة_73]

سلام بنات ابي اسال اللى راحو منتجع سيشل جليعه وين مكان الحجز واشلون طريقة استلام الشاليه واجراءات الحجز عند الوصول واللى يسلمكم:eh_s(22):​

 

[حجيه هيونه]

دقي على البداله طلبي رقمه وكلميهم

ريلي مره اتصل عليهم واخذ رقمه من البداله

 

[زعفرانة_73]

مشكوره حبيبة قلبي ،بس ودي تجاربكم اذا امكن.:eh_s(22):​

 

[Om_Ksha]

hatha sitehm

http://www.seashell-kuwait.com/

klshy mwjdod feh

 

[زعفرانة_73]

مشكوره ام كشه عالسيات ماقصرتي قلبو:eh_s(17):​

 

[أم شيــ@وخة]

اختي انا توني حاجزه حق اهلي ادقين عليهم عالرقم هذا ١٨٤٤٤٤٤ لين يردون عليج ويفضل الصبح الساعة ٩ لانه هذا وقت الحجز
وتحجزين الشاليه الي تبينه وتعطينهم رقم الفيزا وتاريخها واسم صاحب الفيزا وبس
وقبل الحجز ب٣ ايام يدقون عليج يأكدون الحجز وبعدها لما تروحون اهناك تدفعون الفلوس وتستلمون مفاتيح الشاليه وكروت الريوق
وسلامتج واي استفسار انا حاضره لانه انا واهلي مانروح الا سيشل

 

[زعفرانة_73]

حبيبتي ام شيوخه رحت لهم مكانهم ورا فندق كونتنتال ودفعت لهم هناك وعطاني ورقه برنت بس ما فيها لا رقم الشاليه ولا كروت ريوق !​

 

[آزٍرٍيت آتوٍبهٌ]

اول مره اسمع فيه

تنصحوني اروح له ولالا ابيه لي انا وزوجي

وفيه حمام سباحه خاس

 

[miss $_$ semsem]

اول مره اسمع فيه

تنصحوني اروح له ولالا ابيه لي انا وزوجي

وفيه حمام سباحه خاس

بصراحة واااايد عجبنا تصميمه حلو و ريوقهم حلو وايد وفيه مطعمين جنه وفيه سينما والمسبح جنه حق يهال لأن مالقيت الا يهال يسبحون فيه يعني مافيه خاص بس وايد عجبنا يمكن لأن الوقت كان حلو اللي رايحين له بس كل اللي اعرفهم يمدحونه هم

 

[يآلبهـ قلبي]

الصور اللي بسايتهم عجججججيبه



بس شلون تجاربكم معاهـ

< يمكن نروحله

 

[ToOoT"Q8]

إي يمدحونه
بس مارحتله

 

[أم شيــ@وخة]

حبيبتي ام شيوخه رحت لهم مكانهم ورا فندق كونتنتال ودفعت لهم هناك وعطاني ورقه برنت بس ما فيها لا رقم الشاليه ولا كروت ريوق !​

زعفرانة اذا تقصدين سيشل الجليعة
فانا دايما احجز منهم دايركت بالتلفون
هالسنة زايده اسعارهم 20 دينار على السعر القديم
اهوا فندق ومنتجع شكله مثل فندق موفنبيك
احنا ليش حبينا لانه هناك امان حتى عيالج ماتحاتينهم لانه كل خطوتين في سيكيورتي
وفيه حوض سباحة حق الكبار والصغار وبالوكند يسوون حفلات
واحلى شي بعد انه للعايلات يعني سوالف الخيران مافي
ومو اي احد يدخلون لازم يكون في نزيل عندهم *

 

[العين الساحره]

:ggdw::ggdw::ggdw:

 

[ห๑๑หảả]

حبيبتي لا يطوفج سيشل حدددده عجيب وريوقهم بعد حلو انا رحتله مرتين
لازم احد يروح عشان الحجز ورقم الغرفة والكروت يعطونكم اياها لما ترووحون تسوون الاجراءات
واجراءاتهم ما تطول

 

[زعفرانة_73]

تسلمون حبيباتي ما قصرتو لما استفسرت عدل طلع عندهم نوعين حجز كاش وتدفعين بمقرهم ورا فندق كونتينتال الكويت، والنوع الثاني بالتلفون عن طرق الكرديت كارد، ولما توصلين تدفعين هناك.:ggdw:​

 

[Souly]

زعفرانه حجزتي لعيد الاضحي ؟

منو حجز لعيد الاضحي وجم سعرهم

 

[زعفرانة_73]

هلا حبوبه ، عيد الأضحى لحد الحين ما نزل حجز حقه، اتوقع راح تكون العطله كامله من تاريخ 4/11، بس راح تكون السعر نار، لأن بعيد الفطر سألتهم قالو الشاليه غرفتين 800د ك، والثلا3 غرف ب900دك، أسعارهم جايده بأيام العيد.:rgewrg:

 

[عيون منوعه]

احنا مجربينه من زمااان ما اذكر تفاصيلة مع الاسف
و البنات ماقصروا

 

[زعفرانة_73]

بنات من خلال تجربتي لسيشل الصراحه شباب مراهقين والبنات على البحر كله مايوهات ما أظلمهم اذا وافدين او كويتيات العلم عند الله ، الأغلبية نساء والصراحه ماراح أكرر التجربه:bbbiu:​

 

[CUTE_LIZ]

بصراحة واااايد عجبنا تصميمه حلو و ريوقهم حلو وايد وفيه مطعمين جنه وفيه سينما والمسبح جنه حق يهال لأن مالقيت الا يهال يسبحون فيه يعني مافيه خاص بس وايد عجبنا يمكن لأن الوقت كان حلو اللي رايحين له بس كل اللي اعرفهم يمدحونه هم

فيه حمام سباحة خاص حق الحريم ومسكر، مع اني. رحت اكثر من مرة بس ما اكتشفته الا بالمرة الاخيرة