~*~ تجمع خاص - دورة المعلمين الجدد سنه 2011- 2012 ~*~

[Q8Buying]

سراب فوفو! آنا معاج عالخط .. وشفت مادري سمعت اللي شفتيه وسمعتيه

وبعد شوي أكتب ملاحظاتي عن اليوم ..

 

[Q8Buying]

السلام عليكم ورحمه الله وبركاته !

اليوم .. كان ثاني يوم في دورة المعلمين الجدد ..

لمنطقة العاصمة التعليمية ..

اليوم حضر عندنا وزير التربية والتعليم العالي/ الأستاذ أحمد المليفي ..

ومع مجموعة من المسئولين ..

وكانت الإعدادات مرتبة ومنظمة ..

وحضور كثيف من الصحافة والإعلام ! ..

المحاضرة الأولى كانت تحوي هالمواضيع: إدارة الأنشطة التربوية ..التقنيات التربوية .. المكتبات .. الخدمة الاجتماعية والنفسية ..

ما شاء الله عليهم كفّوا ووفوا .. ما قصروا .. شرح مفصل .. واستقبلوا أسئلة المعلمين والمعلمات ..

وجاوبوا بسعة صدر .. وأجوبة أعتقد كافية ! ..


وبعد الاستراحة .. بدت المحاضرة الثانية اللي كان محتواها: الإجازات والإستئذانات ..

ونفس الشيء .. تكلموا بصورة قد تكون كافية .. ووقت الحاجة نقدر نستفسر أكثر عليها ..

وأنا دوّنت بعض اللي قالوه .. عشان أكون على دراية ..


المصيبة ! بالاستراحة .. قالتها سراب فوفو .. الله يكافينا الشر ..

الله يشافيها البنية مسكينه ! ..

وفعلاً تدافع ما له داعي .. صورة أبداً مو راقية ! ..

رحت بأطلق رويلاتي! جان أسمع صوت شيء طاح .. وصراخ ! ..

ما حسبت إن صارت إصابة ..

لكن الإستراحة طوّلت ساعة ... (يمكن عشان تأخروا محاضرو المحاضرة الثانية؟) ..

وبعدها مقدّم المحاضرين .. تكلّم عن هالحادثة بطريقة كان فيها متضايق ! .. وحزين على اللي صار ..

حادث .. لكن المكان خطر .. يعني ماي ساخن .. لازم يكون بطريقة مستقيمة محد يحرّك المكان ويدفع أحد عشان لا تصير مصيبة مو بالحسبان ..

 

[حبيبة ملوكي]

يووو ياقلبي عليها اللي انكبت عليها المويه كل مااتذكرها اتضايق الله يشافيها ياااااارب
بالنسبه للدورة بصراحه انا اشوف دورتنا العاصمه حيييييييييل حلوووووه ومفييييييييده
وتنظيم ررائع

 

[fri2010]

امممممممم انا معاج بنت حوا بكل كلمه قلتيها بس اشوف ان تخصصي مهم فيه التكرار

لان انا اعرف البنات لما يشوفون كميه ما يدرسون

لازم تعيدين وتزيدين وهذا الاسلوب اللي اتبعوه ويانا الدكاتره بالكليه

سراب فوفو انتي بأي محافظه؟؟

شي مو طبيعي الهجوم اليوم على المطارات والبساكيت

انا بصراحه يبت مايي وعصيري لووول امي الا تبين اخذ وياي عصير

وتمشيت شوي عشان مو زينه القعده وايد بعدين رجعت نفس مكاني

وشلخوني اليوم بالاوراق وحده وحده توصل للورقه حق اللي يتكلمون بالمحاضره

ولما تكلمو عن الاجازات واغلبها بصالح الكويتين الوافدين يتحلطمون!!

بعد احنا عيال الديره من حقنا لا اهم يبون نفسنا

وبلشو الساعه 8 ونص وخلصو 11 ونص

وما قالو لنا كلش ان تقسيم التخصصات بس قالو باجر يجتمعون معاكم التوجيه

التوقيع الفتره الاولى بعد البريك والفتره الثانيه بعد نهايه المحاضره

الشي اللي ما حبيته البنات اللي نفس تخصصي يسوون روحهم ما يعرفوني

والا جنا كنا ربع ايام الكليه وكلينا عيش وملح مع بعض لوول

ووحده ثانيه زميلتي بس تخصصها انجليزي والله يتني من بعيد تسلم علي وتدعي لي بالتوفيق

بس حسافه خلوها متوسط

ايه وقالو لنا ان من اليوم نقدر نعرف مراكز عملنا بس لازم نراجع المراقب بالمنطقه

وشغله ثانيه قالو بعد اسبوع او 10 ايام نقدر ناخذ شهاده الراتب لان من امس ودو اوراقنا

اليوم كانت المحاضره عن الشؤون الاداريه

قالو لنا اغلب المدارس بالفصول موجوده الاوفر هيد والمسجله

اما الداتا فلكل قسم واحد فما حبيت هالسالفه بشتري لي واحد خاص فيني احسن

لان ادري بيصير مخامط وكل وحده بتقول لي انا حاجزته قبلج

الوسايل قالو عند مشرف التقنيه في ميزانيه لهالخصوص بس هم رايي من راي جنان على ما نطلب الوسيله الا خلص الدرس

فاحسن شي واسهل الشي الداتا

تكلمو عن اهميه المكتبه ودورها

تكلمو عن النشاط راح يكون بيوم الثلاثا ويبدي من شهر 11

وقالو انها موهبه عند المعلم وينقل هالموهبه للطالب بشرط ان هالطالب صج حاب هالشي وعندنا ايضا نفس هالموهبه

وقالو عن دور الخدمه الاجتماعيه وان المفروض المعلمه تحل الامور بينها وبين الطالب وما تلجأ للاخصائيه الا في الحالات اللي ما تقدر على حلها لان الطالب يتعلق بالمعلم اكثر من الاخصائي

بالنسبه لشهاده الراتب اما الحضور شخصيا لقسم الشؤون الماليه مع البطاقه المدنيه لاستلامها

او طلبها من سكرتيرة المدرسه بقيمه نص دينار

وقال احنا الحين مستوى دال وبعد سنتين نكون جيم وطبعا له شروط

الاجازات المرضيه بالسنه 15 يوم وتأثر على التقرير

اجازه الوضع شهرين

اجازه اسريه لازم تكون من الدرجه الاولى يعني الاب الام الاخ الاخت

اجازة تفرغ دراسي

اجازة طارئه 4 ايام بالسنه

اجازه الحج شهر كامل

اجازه مرافق مريض

اجازه مرافق زوج مرتب كامل

اجازه خاصه اي كان سببها 15 يوم من غير راتب

اجازه طويله من 6 شهور الى 3 سنين

اجازه رعايه اسره الامومه قصدهم 4 شهور بنص راتب

اجازه اداء امتحان 45 يوم

اجازه رعايه طفل من دخوله للمستشفى الى خروجه

اجازه دراسيه اللي بيكمل بكليه التربيه بعد 5 سنين من الخبره في اداره التطوير بالجابريه

النقل سواء خارجي او داخلي من اول شهر 1 الى 30/3 وممكن ايضا خلال هالفتره تغيير وظيفه او تخصص

بس ما تكلمو عن الاستئذانات شي بس جني سمعت من وحده انها 12 ساعه بالسنه

وسلامتكم

 

[Q8Buying]

كنت بكتب اللي دوّنته عن الإجازات والاستئذانات ..

بس فراي سبقتني ما شاء الله عليها :eh_s(7): ما قصرتي ..


أضيف عليها فقط :

- إجازة مرافقة الزوج .. بمرتب كامل ..

- مرافقة مريض .. 6 أشهر مع مرتب كامل .. أو تمديدها بدون مرتب ..

- إجازة تعزية .. 4 أيام من تاريخ الوفاة .. أو 4 أيام من تاريخ وصوله للكويت ..

- إجازة العدة .. 4 أشهر و 10 أيام ..

- إجازة الأمومة .. 4 أشهر من تاريخ الوضع .. (2 شهر براتب .. 2 شهر بنصف راتب ..)

- الإستئذانات .. جوازي .. يعني حسب الإدارة المدرسية ترضالج وإلا لأ .. تشوف لصىالح العمل يعني ..
ولج حق 4 استئذانات بالشهر .. وللاستذئان بداية ونهاية .. واختلفوا فيه .. وحدة تقول 3 ساعات .. ووالواحد يقول ساعتين .. ! وجنه الأستاذة كلامها أدق ..

- المرضيات ..
إذا 15 يوم متصلة .. يوقفون الراتب .. ويودونج المجلس الطبي .. يشوفون الإجراءات ! ..
أمّا .. إذا كانت متفرقة .. يعني أسبوع وأقل.. وهالسوالف ..
أول 15 يوم .. براتب كامل ..
ثاني 15 يوم (يعني فوق ال15 الأولى..) .. بنصف راتب ..
ثالث 15 يوم .. ( يعني فوق الشهر .. تاخذين مرضيات) .. بربع راتب ..
أما رابع 15 يوم .. بدون راتب ! ..


وآنا مثلج فراي! حطيت عصيراتي وبسكوتاتي بجنطتي معاي! وكليت ..

وألف حمدلله :yaaaaaarb:

 

[( المـلاك )]

اليوم صارت سالفه بدوره قالو لنا نص ساعه راحه والا صار هجوم على البوفيه والخبر اللي مايفرح انه طاوله بوفيه من الدز انقلب وطاح على احد الإبلات تعرفون المطاره العوده حق ماي حار الالمنيوم مادرى الحديد الضخمه تخيلو طاح عليها وصرخت صراخ ليلحين ماا قدر أنسى ويابو إسعاف وتبون شي اللى يضحك انه ابله طايحه والوافدين ليلحين يأكلون ومايوخرون ورياييل قاعدين يقولون وخرو واهما يهجمون على البسكوت والماى حرقو المره وتخيلو اللى بلندوه قال أنتو ابلات أنتو معلمين تسون جذي هذا أنتو بتدرسون عيالنا والمره ماادري شصار فيها بس اعتقد حروق من درجه الاولى والله يشافيها من صدمه ماركزت على ندوه اليوم يريت اللي كاتبه بتفصيل عن الإجازات والاستاذانات والامومه وكل شي تكتبه خل تفيدنا *

امبيه بعد عمري
حراام مسكينه

والله من هالهيلق هالوافدين عيال الفقر
شافوا الاكل ببلاش ينوا وقعدوا
انا مادري انتي اي منطقة تعليمية تابعه
بس انا اداوم بمبارك الكبير
امبيه الوافدين ابداااااااااااااااااع
اتوقع لو تقولين لهم بالسقف في تفاحه خايسه
تلقين كلهم ينطون فوق بعض عشان ياخذونها
عمه عمه عمه وين قاعدين
شهالحركات
احنا تخيلي لما يعطونا البريك بو نص ساعه هذا
فجأة
يصير هجووووووووم من الوافدين عند الباب
اول يوم كنت اقول ياربي على شنو يركضون
بعدين استوعبت انه المحاضر قال في لكم وجبه خفيفه
اقولج عقب المدازز عالباب رحنا نشوف شسالفه
والله مانبي ناكل
الحمدلله احنا كويتين شايفين خير
بس بنتطمش شسالفه
ولا اشوف الهجوم على طاولتين اللي فيهم الوجبه الخفيفه على قولتهم
العصير والماي والبسكوته مادري شنو حاطين لهم
والله ماشفنا شنو موجود اصلا
جذي كووومة وافدين و كل واحد واقف بعد عن الطاولة ويبلع
انا عقبها استوعبت انه هذي طاوله اكل اصلا
عبالي طاولة فاضيه من زمان
لو ما رفيجتي قالتلي ترى هني الاكل
ولا بعد رفيجتي الخبله تقولي يلا امشي نروح الكافتيريا يوعانه
اقولها اي كافتيريا حجيه ؟ تقولي شوفي بيدهم اكل هالوافدين
اقولها ياحظي مال مفت هذا بلاش
جان تقولي وانا اقووووووووووووول هذيل لو يموتون مايشترون حق عمرهم ماي
بس اليوم باركولنا
بقى من الوجبه الخفيفه
بسسسسسسسسسسسس 2 ماي
وخذيناهم انا وبنات حواء2
عقب ماخلصوا كنا نتمشى ونقرق بالغلط شفنا الماي قلنا ناخذ هههههه

لا صراحه الوافدين عيال الفقر هذيل
ماكان ودنا نقول عنهم جذي
وكان ودنا نقول عنهم زملا و عالعين والراس
بس اللي قاعدين يسوونه مو طبيعي

صراحه وايد مواقف ماخذه منهم هاليومين
وحيييييييييل منبطه جبدي منهم :/

 

[( المـلاك )]

وآنا مثلج فراي! حطيت عصيراتي وبسكوتاتي بجنطتي معاي! وكليت ..

وألف حمدلله :yaaaaaarb:

انا ورفيجتي مرينا مخبز ومعجنات مال الفرع قبل الدورة
طلبنا فطيره جبن و وشربنا عصير بالسياره
عقبها دشينا الدورة
ههههههههه

 

[Q8Buying]

هههه الملاك زين تسويين !

آنا ما عندي زميلات كلش حسافة .. بالدورة ..

وحيدة هههه

 

[fri2010]

انا افتشلت اول شي اطلع عصيري بس بعدين عادي هههههههههههههه

لا نسيت اقول لكم شغله لما طلعت بروح البيت

والا القى شغاله قاعده تبيع صمون وبطاط هههههه ما ثبت عدل بس كان في بطاط وقاعده ويا طاولتها مع الحارس

لا يكون تبينا نشتري منه هههههههههه

 

[Q8Buying]

شكله أكو حس تجاري بهالمدرسة اللي يقدمون محاضرتكم فيها !

حركات والله !

جان زين أكو كافتيريا ..

أنا أحب كافتيريا الجامعة ! لول ..


فراي والله ما فيها شيء ! .. أنا يمكن أسوي جذيه ليمن أتوظف ..

أكلي معاي ! ..

مرات حليب ومرات عصير ..

بيني وبينج بالابتدائي والمتوسط ما سويتها .. وبأسويها على كبر هههه !

 

[fri2010]

مشكورة كويت باينغ على الاضافه تصدقين عاد الاجازات ما اشرحوها لنا بالتفصيل الممل

لان كان اغلبه استفسارات واغلبه كانو من قبل الوافدين

على قولت رفيجه الملاك اكو كافتيريا بالمدرسه؟ لووول

حدها حس تجاري بس شنو بطاط نايس!!!

انا مو دايما جذي بس لان عندي ادويه لازم اخذها على الريج

وبعدها اكل بس ما احب وجبه الريوق لكن مجبوره حتى لو عصير على الاقل

 

[Q8Buying]

العفوو يا فراي .. و سلامات فراي .. والريوق مفيد ينشط الدورة الدموية .. لو عصير .. وبسكوت ..

عشان صحة البدن والعقل ..

صح ترا الدورة بالغالب موجهة للوافدين .. لان الغالبية منهم يايين من بره .. على طول ..

فيعلمونهم ..

وتقريباً كل الإرشادات موجهة لهم .. دايماً يقولون: أهلا بكم بدولتكم الكويت ..

وكله كلمات ونداءات باسمهم !

باجر إن شاء الله كل تخصص بروح .. راح يصير أكثر تركيز .. وجمهور أقل .. ورسالة مركزة موجهه لتخصص معيّن ..


آنا أشكر التقنيات التربوية اللي جهزوا للمحاضرة اليوم وأمس ..
ما قصروا في جهودهم .. تجهيز المايكرفون والداتا شو وإلخ .. يعطيهم العافية ..

 

[fri2010]

الله يسلمج المشكله عارفه انها افيد وجبه مع هذا اكابر

اي واحنا كل كلمه والثانيه لما ترحون مدارسكم اتطلعوا على اللوايح ليش ما يوزعونها علينا ما ادري

كنت بكتب بورقه وزعوا علينا لوايح من الحين بس ترددت

احنا ما قالو لنا بيوزعون مع ان موجود هالشي بالجدول

وبسرعه خلونا نطلع

 

[fri2010]

الملاك تعليقاتج مو صج موتيني من الضحك وعندنا وعندج خير وخاصه بوقت البريك

لكن بالمحاضره من احسن ما يمكن

 

[jen2n]

وعليا اللي طاح عليها الماي الحار الله يشافيها يارب

 

[fri2010]

بنات منطقة حولي اين انتم :/

ميس بي ام دبليو اي انتي!!!؟

في ناس يقولون انهم معلقين ورقه فيها كل تخصص ومكان صف صج هالحجي!!

اصلا اللي كانو قاعدين بالمحاضره ما يابو سيره عن التوزيع كلش بنتوهق عدددل باجر

 

[أم الولد]

انا مع البنات دوره العاصمه واللي صار اليوم وربي يفشل
الوافدات موصج يدزون بعض ليما طاحت الطاوله بمافيها واحترقت الابله انا شفتها من الفخذ الى الساق لحمها طااااح
مسكينه الله يشافيها والله عيب اللي صار المصيبه كله بسكوت وجاي اجل لو بوفيه شيصير ؟؟؟
وادوره مفيده ...

 

[( المـلاك )]

فراي والله مبدعين الله يهداهم
وعندنا مو بس حزة البريك والوجبه الخفيفه
حتى حزة الهده هههههه اقصد لما نخلص
تعرفين الياهل باولى ابتدائي لما يقولوه هده شلون يركض هههههه
والله الوافدين جذي عالباب لدرجه اليوم طلعوا من باب الطوارئ
انا كنت قاعده بكرسي اخر شي عند الباب
المفروض يعني المفروض المفروض اطلع اول وحده بما اني قريبه جدا جدا جدا م الباب
بس للأسف هناك من يتسابقون على الباب وهم الاخوه الوافدون
و لي وصلنا عند غرفه التوقيع وصرت جدام الباب بخطوة
عادي عشرين وافد يصف طابور جدامي شلون لا تسألون
بس يمكن لاني بنت استحي يحوشوني فأوخر فيجدمون
لانه صراحه اهم مايستحون عادي عندهم يدعمون ويلزقون وانا لاعت جبدي من هالحركات
خلوهم بروحهم ملينا منهم عليهم حركات لا يطاق


تصدقون حتى احنا الاجازات احس وايد حجي
و وايد انواع
فـ نبي نستوعب شوي شوي علينا
احس ببالي مليون ومليون سؤال عن كل نوع اجازه


يلا باجر نتعلمه بالمدرسه من الابلات القدم

 

[fri2010]

اخييه مسكينه اللي احترقت تعور القلب

الملاك ايه صح صح حتى بوقت الهده هههههههه نفس الشي عندنا

والله يعينكم بحزه التوقيع بس ليش طابور ليش مو كل واحد ياخذ ورقه تخصصه ويوقع!

احنا التوقيع سهالات لان مرحله الثانوي شويه

وتخصصي الحمدالله كلنا كويتيات وننعد على الاصابع لدرجه خلو الكشف حق تاريخ وجغرافيا مع بعض

 

[Q8Buying]

بنات استراحة !

اقروا هالخبر .. واقروا هالخبر .. واقروا الردود !

http://alwatan.kuwait.tt/ArticleDetails.aspx?Id=135917&YearQuarter=20113