ملجتي بعد جم يوم و اكتشفت فيه شي يضيق الخلق

[قمرية الفيس]

هي يااعمري اخذي الحجي مني
الرياجييييييييل هببببببببببببببببببببة اول الايام شفيج وينج اكلتي وين رحتي تعالي سوي لاتسوين وسوي نفسه سبع البرومبة
والله بس تعدي سنه اقل شوي او يعني صارت عشرة وعيال تالي
والله هههههههههههههههههههههه مايدري عن هوى دارج تموتين ههههههههههههه تفطسين. تغشين بالحمام ساعتين محد دري عنج
حبيبتي لاتخافين من هالشي عديه جدة يعني حياة جديدة
ههههههههههههههههههههه

 

[بقــآيآ جـروح]

محد يظل ع حاله بس لاتطيعينه بكل شي تالي مآبيرحمج اذا قصرتي
بشي وله لهيت عنه مده ​

 

[Mnoura]

اهم شي الاخلاق وهذا الشي ينقدر عليه

 

[Mrs Al-Nasser]

لأنج الحين مو يمه وبعيده عنه ,
بس بس تتزوجون ويشوفج جباله على طول صدقيني شوي شوي بيفج عنج
واذا اهوا ريال زيين وكل الصفات الزينه فيه لا تفكرين بهالشي
بالعكس ترا هذي مو مشكله
صج تظايق بس يبين شكثر يحبج ويبيج له
​

 

[كويتية نايس]

بالعكس هاذا دليل على حبه لج
استخيري وتوكلي وربي يوفقج ويتمم عليج

 

[شقرديـه عالطل]

اتوقع بدايه جذي وبعدها بيطخ
والله يوفقج يارب

 

[حبيبي مالكني]

حبيبتي مع الايام راح يتغير

 

[zain-alq8]

اغلب الرياييل جذي لاتحاتيين مستااانس فييج انا جذي زوووجي بس الحيين وايد خف

 

[نـعـومـه]

انتي غلطانه على اي اساس تكلمينه قبل الملجه !!! ماصار زوجج

 

[-_-Designer-_-]

حرام تخلينه تمسكي فيه الريال يحبج وشاريج و غير هذا انتي تقولين ان كل الصفات الي فيه تتمناها كل بنت قولي الحمدلله والله بهالزمن نااادر ما تحصلين ريال زين, و بعدين صدقيني بعد فترة بيصير عادي لانج يمه , بس لانكم الحين توكم و لانج مو يمه فعشان جذي اهو جذي صدقيييييييييييييييييييييينيييييييييييييييييييي مع الوقت رااح يخف ويتغير اهي فتره وتعدي و بعدين بيصير من واجبج تقولين له عن روحاتج ويياتج لان اهو خلاص بيصير ريلج , والله يوفقكم ويسعدكم يا رب

 

[برميت]

عادي يا قلبي
انا ريلي جذي و صار لنا سنتين جذي
و اذا دق و مارديت يدق على امي و خواتي
تخيلي بس يرن تليفوني و عقبه يرن تليفون امي و لا تليفون وحده من خواتي ..كلهم يقولون هذا اكيد ريلج
و خلاص اقلمت روحي على هالشي ..ما اطلع مع رفيجاتي و لا اروح عرس و لا مكان الا لما اسويله جدول حق هاليوم

و ترى هالشي واايد حلوو و انا مرتاحه منه ..مو لانه يبيني 24 ساعه ..كل شغلي اسويه وياه ..سوق اكل سينما اي شي كله وياه
و كل من يحسدني على هالشي

اقول حمدي ربج ريلج جذي و عسى الله لا يغير عليكم

 

[reem alflla]

عااادي حبيبتي اهو هالفتره طااير فيج بعد فتره تشوفينه يتغير واذا هالشي وايد مضايقج منتي مجبوره مدام ليمه الحين ما ملجتوو فكري عدل وبعقل واستخيري والله يوفقج خيتووو

 

[el7ob Klah]

كأنج تتكلمين عن ريلي !

هذا اسمه عشق

الريال يعششششقج مو بس يحبج

وبعدين يمكن هذي مجرد بدايه لان الحب توه في حرارته

مو معناه انه يتملك او يتحكم لاااااااا

والله هذا اسسسسسسسمه عشق

والله ريلي يزفني يقولي لو تدخلين الحمام اخذي فونج معاج

مابي اتصل ماتردين علي << ليش؟؟؟؟؟؟

لان يخاف علي لايكون فيني شي من كثر حبه لي

توكلي على الله والحمدلله على النعمه الي انتي فيها

والله يوفقكم مع بعض

 

[يآسمينه]

كأنج تتكلمين عن زوجي قبل لا نملج

كان عاجبني فيه كل شي الا هالصفه مجننتي و خانقتني شي مو طبيعي

بس كنت اضغط على نفسي بهالشي و اجاريه فيه

بعدين خف الشي و صار بإعتدال

وبالعكس انا تأقلمت على هالشي و صرت احس ان علاقتنا مثاليه وانه مالي علي يومي حتى واهوه بعز انشغاله ما يخليني لازم يتطمن علي لو بمسجات

حمدي ربج تراها نعمه , غيره فاضي ولاهي مع ربعه ومخلي زوجته آخر اهتماماته

نهايته لا تكبرينها تراها مو مشكله ابد

الله يجمعكم و يتمم عليكم بالخير و يهنيكم ببعض :yaaaaaarb:​

 

[G!RLooNa]

الله يعينج طبع يخنق :/ انشالله يتغير عقب الزواج

 

[kuwaitya_zoGaa]

انتى عطيتيه ويه زياده عن اللزوم

 

[الشهد كله]

ما عليه حبيبتي معرس يديد وفاضي لج

باجر إذا صرتي عنده إدورينه من مكان لي مكان ما تلقينه

ودج يقعد عندج نص ساعة وما عنده وقت ومو فاضي لج

آنا أقول شبعي منه الحين

إذا صرتوا بدار واحدة راح تملون من بعض وهو يروح حق ربعه وانتي تروحين حق رفيجاتج​

 

[زبده]

بيخف اشوي بعد الزواج

 

[honey lust]

اتوقع بعد الزواج يتغير

كلهم جذي اول شي و بعدها يملون و انتي اللي تقعدين تدورينه و تسألين عنه

بس ما يمنع انج تستخيرين

و ان شاء الله خير و الله يوفقج

 

[Nannyberry]

بنات انتو مو فاهمين قصدي.. اهوا يبي يتملكني يبي اكون ستاند باي اذا انشغل انطره و انا ممنوع انشغل عنه ولا دقيقه.. يبيني استقيل و اقعدله ما التزم بشي ولا بدوام.. ما يبي يسمع مني كلمه ما اقدر ولا مالي خلق ولا مشغوله