ملجتي بعد جم يوم و اكتشفت فيه شي يضيق الخلق

[مدام الدكتور]

انا اقولج استخيري ولا تستعجلين الانه الريال اللي يحب التملك امره تتغربل معااااه صدقيني


واذا انتي متعوده على نمط معين وبيجي يحكرلج صدقيني بتملين وبتضيق عليج دنيتج

:eh_s(2):


:eh_s(16):


بس ممكن خطيبج من الرجال اللي فتره وبتعدي

مع المسؤليات والشغل والاطفال فما اظمن لج استخيري افظل

 

[أم قـمبر]

الله يهداج خرعتيني عبالي شي جايد الحمدلله ماكو الا العافيه بالعكس شي حلوواذا تبين الصج ترى هذي البداية جذي شوي شوي بيخف وبيضيق خلقج وراح تشتاقين حق ايام قبل دام الريال زين وكل شي فيه زين لا تخافين ولا توسوسين بالعكس صفة واايد حلوة وان شالله تدوم او تخف بمعدل انتي ترتاحيلهوالله يعطينهما عطاج ويالتوفيق حبيبتي

 

[قطرة من سحاب]

تحملي صدقيني فترة ويطخ وينسى

جذي ريلي ايام الملجه وايام الحب

والحين غيييييييييييير

 

[ظل الياسميـن]

خليه يجابلج 24 ساعه لما يطخ
وعقب سنه ادورينه ما تلقينه من غير شر

وبتكتبين موضوع يديد

وبتقولين فيه: ريلي ما يجبلني 24 ساعه طالع من
عقب ماكان ليله ونهار مجابلني <<<< طلعت روايه الاخت<<<<<ههههههههههههههههه

 

[كويتية222]

عاديييييييي جدا ريلي نفس الشي لا واذا طلعت روحي سوالي سالفة الا يسمع صوت امي او اختي وياااي بالسيارة

بيفج عنجججج سنة والا سنتين ويفج استخيري ربج اهم شي

 

[مارياq8]

فكري عدل لانه زوواج مو علاقه عااديه

 

[جوري وبنفسج]

السلام عليكم

هذا وهو توه ما ملج عليج متحكم جذي ؟

أختي لا تزعلين أنتي الغلطانة ليش فتحتي له المجال وهو ما يحل لج

ونقطة ثانية أستخيري ولا تستعجلين

ولازم يحترم شخصج بأن لج وقت حق نفسج وأنتي مو ملكه 24 ساعة

ولا سالفة الإجتماع وسالفة تستقيلين من شغلج

لا تغلطين وتسوين شيء علشان بس ترضينه لازم ترضين نفسج بالأول

وأذا زعل أثقلي ولا تراضينه لين هو يراضيج .​

 

[رذاذ القمر]

أول فتره بس وبعدِين يتغيّر

صدقيني .... لآ تردِّينه يا مهبٌووووله آلحريم مو محصلآت وإنتي تتشرطين ..!!!!!

 

[سكوتي بذوقي]

ليش تضايقين

ترى ها امر طبيعي راح يصير زوجك

يحبك ويخاف عليكِ

الله يوفقك ويسعدك اختي

 

[ميس المشاعر]

الله يسهل اموورج حبوبة
بصراحة اشوف إن شي حلووو الا اذا تكرمين بتروحين الحمام تدقين علييه بهذي مووووصج

وبعدين انشاءالله بيتغير اذا انتي قدرتي تغيرين منه والريال على ما تعودينه ...

وربي يوفقج يارب

 

[Killer^Girl]

هالشي بالبدايه وطبيعي
باجر مع الوقت يخف ويتغير

 

[ونات عتيبيه]

صدقيني بعد الزواج راح يتغير تطمني حبيبتي ولاتفكرين ولاتشيلين هم

 

[Nannyberry]

مشكورين بنات ما قصرتو والله انا احبه و ابيه و ان شاء الله يخف بعد الزواج على قولتكم

 

[BLack doll]

مشكلتج تهوووووون عن مشاكل البنات

,,عسى ان تكرهو شيءً وهو خيرٌ لكم ,,

ودوام الحال من المحـــــــــــــــــــــــــــــــــــــــــــال

الله يكتبلج اللي فيه الخير يا رب ويسعدكم مع بعض

 

[ДlИООЯУ]

حبيبتي هذا في البداية بس..
صدقيني مع الوقت بيخف هالشي وبتقعدين انتي اللي تتصلين عليه وتناشبينه بطلعته

 

[Suki_Candy]

الله يوفقج

 

[[[ عيون جابر ]]]

ماني شايفه ان هذا عيب بالعكس شي حلو ان اهو متعلق فيج

 

[مجبوس]

الحـــــــــــــــــــــــــــــــــــــــــــل


الصراحــــــــــــــــــــــــــــــــــــه

احبك واحترمك وابيك بس ...........................قوليله اللي بخاطرج

وانه انتي متخوفه من هالشي

والله يوفقج

 

[كادى الحب]

كلهم جذى بعدين يطخون

 

[اشتياق]

راح اتيين وتكتبين موضوع ان بنات لحقوا علي ريلي مو مسيف رقمي !

لوووووووووووووووووووووووووووووووووووول

عمري هذي فترة الحب والخطوبه اتذكر لقيت 92 مكالمه بغى يغمى علي علبالي غزو!!

لووووووووووووول والا الاخ ولهان كان !!ياسلااااام !!

الحين مايدق الا اذا يبي عشا خخخخ