تعبت وأنا أدوّر جنطة هيرمز الأصلية :(

[جُـلنـار]

مرحبا يا أحلى بنات ،،

صار لي 3 سنوات وانا ادور جنطة هيرمز
الاصلية ( بيركن35 ) رحت فرنسا وسويسرا وامريكا والبحرين ودورتها في بوتيكات هيرمز
اللي هناك .. بس ماحصلتها دايما يقولون لي لازم اوردر ويمكن ياخذ له 6 اشهر او اكثر!!
والصيف هذا في امريكا قالوا لي انها صارت مو متوفرة حاليا .. الا اذا كان لي فاتورة مشتريات كبيرة من البوتيك .. بعدها اقدر اطلبها وانتظر 6 اشهر ليما تجهز !!

معقولة كل هالناس اللي شايلينها طالبينها اوردر .. طبعا انا اقصد اللي شايلين الاصلية .. لأن التقليد تبين واعرفها ..

مافي شي جاهز اقدر اخذه من البوتيك ؟! قالوا لي احتمال تحصلنيها في بوتيكات لندن او باريس او دبي .. بس ليما الحين مارحت لها !

اللي شرت جنطة بيركن من هيرمز .. او تعرف احد شراها من البوتيك تقول لي شلون؟ انا ودي فيها هالفترة قبل لا يرتفع سعرها اكثر ،. لاني لاحظت ان كل سنة يزيد سعرها ..

وناطرة مساعدتكم *

 

[qa6wa_q8]

اختي لازم اوردر بكل البوتيكات والاولويه للزباين المعروفين

 

[جُـلنـار]

تسلمين قطوة ع الرد السريع ..
دايما سبّاقة وماتقصرين ما شا الله 

زين حبيبتي .. انا لي روحة لدبي قريب اقدر اسوي اوردر .. وشكثر ياخذ وقت على مايخلص .. وشلون يسلمونها لي ؟!

وشنو البوتيك اللي شريتي منهم الجنطة اوردر،،؟ لان مو كل البوتيكات تسوي اوردر ،،

ومشكورة حبيبتي مرة ثانية على سرعة ردج ..
ما انحرم منج يارب 

 

[<miss botamba>]

انا الي اعرفه 3 اشهر الا اذا في زحمه

واغلب الناس عندهم لانها هبه قديمه يمكن من اول مادشيت الجامعه من 4 سنين واشوفها على البنات

هالسنه والسنه الي طافت صارت طفره وطلع تقليد علشان جذي انتشرت

والا اول منو الي يلبس ايرميه !!

 

[بحر الرمال]

ايرميس
اخيرا تأكدت من النطق من هاليوتوب
http://www.youtube.com/watch?v=C9UTCQhxG0A

و ترا حتى شانيل و ال في اذا الجنطه مو متوفره لازم اوردر بس هالنظام بايخ, لان الماركات الفرنسية ماعندهم ذكاء بالتسويق مثل الامريكان

 

[جُـلنـار]

مس بوتمبا ..

صاجة .. اي هبة صار لها جم سنة ومن اول ماطلعت وانا ابيها بس ما الله كتب احصلها ..
بس موضتها ما تنتهي ابد والجنطة تعتبر ثروة و لها قيمة وتورثينها لعيالج مثل الساعات والمجوهرات ..
واذا على التقليد .. صار في كل شي حتى الشانيل والرولكس والكارتير .. بس مع ذلك الناس من اكثر من خمسين
سنة وهي تلبس الرولكس وكل ما مرت عليها السنين كل ما زادت قيمتها ..

 

[queenbeeuty]

up up up

 

[جُـلنـار]

بحر الرمال :

صاجة حبيبتي اهي تنطق ايرمس وانا بنفسي سامعته في كل البوتيكات اللي رحت لها
بس احنا لما نكتبها بالعربي نكتبها هيرمز من باب التعريف والشهرة ..
والا عند النطق ننطقها (( ايرمس ) ..

وانا اشوف ان نظام شانيل وال في وايد اسهل .. انا طول عمري احجز جناط واكسسوارات منهم
واطلبهم اوردر بس حدها اسبوعين او ٣ بالكثير وتوصل ،،،
بس ايرمس نظامه غير شكل صراحة

 

[krkooora]

عدل كلامج

و اوفر عليج العنوة حتى بـ قطر و بـ دبي لازم طلب

انا اشوف تطلبين و تنطرين احسن من تقعدين ادورين من مكان لي الثاني و يمكن يعدي السنه ولا لقيتيها
و ترا مو بس هالنوع حتى الانواع الثانيه البوتيك شكبره مافيه الا اسكارفات مكوده و دسوس مامنه لزمه لووول
طلبي و ريحي بالج

 

[Mrs_Orchidia]

لو طالبة من اول مرة جان الحين انتي ماخذتها و شبعانة منها !! لوول

البنات ما قصروا

 

[manoooram]

طلبيها ونطري على ماتجهز أفضل

 

[أم*سلمان]

آب

آب

لعيونج

 

[يآلبهـ قلبي]

^

لوول بغيت اقول لو طالبتها من زمان جان الحين مليتي منها


الافضل انج تطلبين شتسوين بعد

بس احس ان خلاص قله اللي يلبسونها الحين راحت هبتها = )

بس دآم عاجبتج مايمممنع توكلي على الله وطلبيها

 

[دبي العز]

هلا حبووووووبه

حتى عندنا في دبي لازم اوووووردر والويتنق ليييييست يالله احلمي لين ما تحصلينها يحسسونج ان الشنطة ب 300 درهم

بس انا شفت تاجرة تقدر توفرها يمكن هي من الزباين المعروفين ولا يمكن تعرف حد

بس المشكلة ضيعتها توني حاولت ادور عليها بس هي مب من هالمنتدى بس بحاول ادور عليها بعد مره واتفاهمي معاها بخصوص كل شي

شخصياً ما تعاملت معاها للامانه

 

[بحر الرمال]

بحر الرمال :

صاجة حبيبتي اهي تنطق ايرمس وانا بنفسي سامعته في كل البوتيكات اللي رحت لها
بس احنا لما نكتبها بالعربي نكتبها هيرمز من باب التعريف والشهرة ..
والا عند النطق ننطقها (( ايرمس ) ..

وانا اشوف ان نظام شانيل وال في وايد اسهل .. انا طول عمري احجز جناط واكسسوارات منهم
واطلبهم اوردر بس حدها اسبوعين او ٣ بالكثير وتوصل ،،،
بس ايرمس نظامه غير شكل صراحة

هلا حبيبتي عاد ردي ماكان له علاقه بكتابتج لها انا مو من النوع اللي اصحح للناس الثانين, بس انا نفسي كنت شاكه فطحت على قناه باليوتوب تعطيج اسم الماركه و النطق الصح
ترا سوري ماكان قصدي انتي
و بما انج خبره بالجناط انا خاطري بشانيل الميديوم الكافيار شرايج فيها؟ و متوفره و الا اوردر؟

 

[طبعي مميز]

Up Up

 

[qa6wa_q8]

شوفي حبوبه انا طالبه جم وحده من باريس صارلي اكثر من سنه وشي ما استلمتهم ومع هذاا صابره
الي بلبوتيكات بس سكارفات واساور وجم جنطه الي بس تشوفيهم اذا تبين منهم طلبي

 

[جُـلنـار]

مشكورين حبيباتي على التفاعل وسرعة الرد ...
أمس اتصلت على بوتيك البحرين وقال لي الموظف اذا تبينها
تعالي عندنا وسوي اوردر وبعد سنة ونص تستلمينها ان شا الله ..
وهذا اللي بسويه اذا الله يسر ..
ناوية اروح دبي قريب ان شا الله .. واطلبها على خير

بحر الرمال ..
حبيبتي .. ادري والله ما تقصدين .. وانا كتبت ردي للتوضيح مو أكثر ..
بالنسبة لجنطة شانيل الكافيار الميديوم حلوووة ..
بس انا اشوف ان الجامبو احلى وارز وموضة اكثر ،، و تعتبر في المرتبة الثانية
بعد الهيرمز من ناحية الفخامة والرقي ..
في بوتيكات أمريكا وجنيف حصلتها على طول وما تحتاج اوردر ..
بس في بوتيك الكويت .. ماتحصلنيها متوفرة دايما ..
ولازم تخلين اسمج عندهم ومتى ما وصلت يبلغونج ..*

 

[جُـلنـار]

هذي اللي أقصدها ..

]

 

[جُـلنـار]