معلمة ؟؟؟ شاركوني شنوو اشتري !!

[fun88]

السلام عليكم ورحمة الله وبركاته


شلوونكم بنات .. انا تعيين جديد وودي بسياره قعدت ادوور وين احط الموضوع جان اقول انتو معلمات ومعااشكم نفسي

كل وحده تذكر سيارتها وبجم اخذتها وجم قصدهاا ... وهل تنصح فيها والا لا :eh_s(22):

 

[EviL^^GirL]

خوش موضوع
:rerrerek:

 

[fun88]

شرايج فيني

 

[ملآمح يوسفيه]

,


هلا حبيبتي
انا اول سسنه اسوق
فاخذت سياره اجار سنه بس علشان اتدرب عليهااا ( التيما من اعيان )
ان شاءالله شهر 1 ناويه اشتري جيب bmw أو بورش او انفنتي

 

[fri2010]

انا سيارتي نفسها من اول ما دخلت الجامعه ما غيرتها

ان شاء الله لما استلم معاشي بيمع وبشتري بورش 4 بيبان عاجبتني وااايد وبالذات اللون الاحمر اللي يسمونه دم الغزال

 

[fun88]

,​

هلا حبيبتي
انا اول سسنه اسوق
فاخذت سياره اجار سنه بس علشان اتدرب عليهااا ( التيما من اعيان )
ان شاءالله شهر 1 ناويه اشتري جيب bmw أو بورش او انفنتي

انا رحت وشفت وكالة البي ام ربليوو

الجيب الاكس 6 .. مو فل ابشن ب 18 الف .. وفرقه عن الفل ابشن .. المكينة مالت الفل ابشن 8 سلندر .. وقصة التواير والرنقات غير ..

اما اللي شفته فيه كل شي فتحه ونفيقيشن .. وسنسر ووكاميرا .. وديكور خشب .. وكل شي ..

قسده 350 مع مقدم 7 الالف .. تخيلي .. واذا تبين تاخذينه نظام تورق على بنك التمويل .. علي سبع سنوات قسدج يكون 282 .. وفوائد 5 الالف .. شحقه .!!!

واذا بتدفعين مقدم اكثر من ال7 الالف ... على كل الف ينقص 20 من قيمة القسد ..

صراحة يا تاخذينه كاااااش والا حراام فوائده حييل غاليه بقيمة سيارة جديده ..

والا شكله من داخل عجبني اكثر من شكله الخارجي .. وحيييييل دااش مزاجي بس حرام نص معاشي عليه .. :eh_s(16)::eh_s(16):

 

[fun88]

ولا المستعمل استعمال وكالة مو ماشي واجد .. تلاقينه على 16 الف .. ما يسوووي ...

 

[fun88]

انا سيارتي نفسها من اول ما دخلت الجامعه ما غيرتها

ان شاء الله لما استلم معاشي بيمع وبشتري بورش 4 بيبان عاجبتني وااايد وبالذات اللون الاحمر اللي يسمونه دم الغزال

الله يوفقج ان شا الله بس ما عندج خلفيه بجم سعرها ولا عن استعمالها

بكلم زوجي وبنروح نفتر علي وكالة السيارات اذا وافق راح اجيب لكم الحسبه الاكيده

 

[شجـــونه]

جيب اللكزس اذا تبين جيب أو صالون بعد حلوة أو التويوتا ( برادو - لاند كروزر ) سيارات تعيش معاج وعملية وشكلها حلو وسعرها فيها بعد ..

عندج جيب طوارق شكله حلو بس مادري عن استعماله والبورش طبعا عجيب بس بيطلع عليج غالي اقساط وارباح ..

اذا تحبين الصالون عندج لكزس وكامري وافالون خطيرة ..

اما bmw ما انصح فيها ماحبها وقطع غيارها غاااالية ..

ان شاء الله استفدتي ^_^ ..

 

[شجـــونه]

اي صح ،، اذا كنتي توج بالسواقة لا تشترين سيارة جديدة نصيحة ..

اشتري سيارة مستعملة نظيفة يعني التيما حلوة استعمليها سنة سنتين وبعدين بيعيها احسن لج ..

واشتري عاد سيارتج الجديدة وحطي عليها تأمين شامل تكافلي مو الشامل العادي لانه حرام ..

وبالمبارك تتهنين فيها ان شاء الله ..

 

[جيتك تعال]

قبل لا تفكرين في سيارة .... فكري اول في قطع غيارها اذا كانت متوفرة بالكويت

او لازم طلبية كل ما بغيتي قطعة غيار معينة " طلبية يعني خليها مركونة لحد الطلبية ما توصل "

... فكري بعد في تحملها لجو الكويت وصرفها للبانزين عملي ولا تصرف

فكري في اطاراتها ... فكري بالقسط الشهري .. بتقدرين عليه لمدة 5 سنوات عالاقل ولا بياكل اغلب معااشك

 

[fri2010]

والله ما اعرف سعرها بس اكيد غاليه انا ودي اعرف اقساطها على 5سنين جم

 

[om mariam]

انا كان عندي الجيب جراند شروكي بعتها وشريت كامري قعدت عليها 4 سنين وبعديها شريت تويوتا اوريون
|(قلت قصة حياتي)
عندج وتقدرين على قطع غيارها اشتري
ما عندج خلج على التيوتا عملية وسهله ومتوفره للكل

 

[ذكريات عشاق]

خوش موضوع انا توني من شهر 3 بديت اسوق بس الحين باجرلي اول شي بعدين بشتري وحاطه ببالي وايد شغلات بس قاعده اسال وادور عن اسعارها والمناسبة لي ولمعاشي

 

[fun88]

انا ما عندي اقصاد ولا شي بمعاشي .. وابي تجاربكم بالاستعمال للسيارات احنا بنات مو نفس الشباب يلعنوون خير السيااره خمس سنوات الا هي مهرقله ورايحه فيها ..


وللحين محد قاليي بجم سيارته ولا اقصادها والا شينصحني فيه


لاحد يقولي كامري والتيما وافلون انا ودي من لكزس وطاالع ..

 

[e.ngland]

الله يعطيكم خير السيارات ويكفيكم شرها
ومبروك مقدما ^_^

 

[fun88]

الله يجراج خييرر الله يخليج جنه محد يسووق سياره من هالمدرسات بدور قسم الفرفشه وانزل الموضع يمكن يكةن انشط من هالقسم

 

[@ نجمة العطااا @]

نصيحه اول سنة خليها اجار من اعيان روحي وشوفي السيارة اللتي ودج تسوقينها واخذيها اجر وبعد السنة تتمكنين من السواقه عدل اخذيها اقساط