ياختي لا تصدقين كل شي ينكتب في الانترنت
الا اذا شغلات معروفه عند جداتنا مال اول وكذا !
او من خبير اعشاب معروف !!
تحملي بسم الله عليج بدال ما تكحلينها تعمينها لا سمح الله !!!
..
دام عندج تاخر في الانجاب منج مب من ريلج
اول شئ اتبعي سستم ديتوكس الي اهو رجيم معين تكونين قاطعه فيه
السكريات والشاي بانواعه والقهوه والالبان والمعجنات والمشروبات الغازيه والتدخين اذا لج فيه بسم الله عليج انتي او زوجج
وتكثرين شرب الماي وعصير الليمون .. وخلي اغلب اكلج فرش وممنوع المعلبات
لمده شهرين اقل شئ ..
وطبعا خلال هالديتوكس في قلاص عصير الصبح حطي قفشه من ماي المردقوش لانه ينظم الهرمونات وعجيب للمعده
..
اخذي خلال هالفتره اي حبوب فيتامينات تصلح لج بس تاكدي من الدكتور ان ما تضر الهرمونات او تجاريه من الي ينباعون عند التاجرات ومطلعين صواريخ بخصوصها !!
..
والاهم الاهم مشي سريع يومي اقل شي ساعه .. او تمارين ايروبكس اذا مب متينه او عندج مشاكل في الركب والمفاصل
...
وبعد في نقطه مهمه تجنبي التحاميل الشعبيه ... هالسوالف تدمر !!
واحد اكبر اسباب التكيسات بسم الله عليج ومشاكل العقم او صعبوبه الحمل ان مخج شغال وايد في شغلات مب زينه
فتعلمي الاسترخاء او التنويم الايحائي او اليوغا .. وايد مراكز انتشرت في الخليج حق اليوغا وطبيه على حسب الحاله يعطونج يوغا !!
..
وان شاء الله يا رب نفس هالحزه السنه الجايه ضناج في حضنج
