ابي مساعده بالتجهييييز

[نقطه]

السلام عليكم ورحمةاللهوبركاته
بنات الله يخليكم انا زواجي قرب و مابقى عليه شي ومابتديت بالتجهيييز :eh_s(2)::eh_s(2):
ماادري وش ابداء فيه محتاره فقلت خليني ابتدي بالميك اب اول
وبما اني خبرتي بالميك اب مو ذاك الزود بالرغم اني اعرف اصلح ميك اب وابدع فيه بس مااعرف للماركات السنعه
فلذلك فمحتااااااجه خوات مثلكم يساعدوني بتجهيزي
لا ني ممرررره مررررره محتاره
فياليت تقولون لي على افضل ماركة بيس مرطب كريم اساس وبودره تصلح للعروس ومثبت للماكياج بشرتي جافه نوعاما وفيها مسام يعني وش يناسبها
وايضاالبلاشر والكونسيلر واللمعه والحمر
واهم شي الكححححححححححححححل الي داخل العين ابي كحل اسووود اسوووود فحم :rerrerek:
ومايسيح انا مدحو لي كحل كريولاين الي بالفرشه
شريته لاكن طلع فشل في فشل تخسرت على الفاضي الله يعوضني

بنات تكفوووون ابي شي سنع ومجرب ومايفشلني اذا حطيته
بنات ساعدوني انا حتى خواتي الي اكبر مني مو خبره بالميك اب



ياليت تردووون علي باسرع وقت ممكن لانه خلاص مافيه وقت

وعندي سؤال هل فيه فرق بين الكونسيلر والكفر؟؟

ومعليش تحملو طلباتي وستفساراتي الي قاعده تزيد يوم عن يوم
والله يعطيكم العافيه
ودعواتي لكم :eh_s(17)::eh_s(17)::eh_s(17):

 

[سنيوريتآ]

آن شششآء آلله آلبنآت مآ يقصصروون

دووريٌ بمووآضيع آلتجهييز آلليٌ من آلآلف لي آليآء فييه ..~


بدوور آذآ حصصلته برجع آحطططـهه ..~

 

[أميـِـِره]

حبي روحي قسم العطوور والمكيآج فيه كللللللل شيي تبينه

اتمنى اكون فدتج

 

[نقطه]

بنات من جد صدمتوووووني
تكفون :eh_s(2)::eh_s(2):ساعدوني ماعندي وقت افتر على الاقسام وانبش
ماعندي وقت ابدا ابدا وانا مقسمه يومي على اشياء اهم من دخلتي على النت الي مخصصه لها نص ساعه بالكثير
يالله يمديني الحق على عمري

:eh_s(2)::eh_s(2)::eh_s(2)::eh_s(2)::eh_s(2)::eh_s(2)::eh_s(2):

 

[عروسه قمر]

حبيبتي انا نفسج والله ماعرف شي بالميك اب بس الحمدالله استفدت وايد من المواضيع اهني
شوفي انا بقولج اللي سمعت عنهم ان احسن شي و خذيتهم بعد حق التجهيز
البيس ماركة ميك اب فوريفر ممتاز و الحمر ملوت افسان لوران عجيبين اتحسين صج عروووس و ماسكارا خذيت لانكوم و ايلاينر والكريم الاساس من شانيل و كحل اسود من القزاز عجيب مايسيح و الشدوات مع اللبلشر انا خذيت ست كامل من سيفورا امنزلين كمية محدودة بوكس كامل في الشدوات مع البلشر و ايلاينر الوان و حمر وايد حلوو و مرتب
و خذيت بودرة بسام فتوح عجيييبة تقدرين اتحطينها بدون كريم اساس حتى !
و اقلام الكحل الملونين نفس الازرق والاخضر موجودين بكل مكان انا خذيت من القزاز و من ماركة برجوا
اي والكونسيلر خذيت مال ميك اب فوريفر
بس ليلحين ماخلصت باقيلي الفرش و معروف احسن الفرش ملوت ماك
اتمنى انج تستفيدين مني
ادعيلي الله يوفقني بزواجي :*

 

[نقطه]

حبيبتي انا نفسج والله ماعرف شي بالميك اب بس الحمدالله استفدت وايد من المواضيع اهني
شوفي انا بقولج اللي سمعت عنهم ان احسن شي و خذيتهم بعد حق التجهيز
البيس ماركة ميك اب فوريفر ممتاز و الحمر ملوت افسان لوران عجيبين اتحسين صج عروووس و ماسكارا خذيت لانكوم و ايلاينر والكريم الاساس من شانيل و كحل اسود من القزاز عجيب مايسيح و الشدوات مع اللبلشر انا خذيت ست كامل من سيفورا امنزلين كمية محدودة بوكس كامل في الشدوات مع البلشر و ايلاينر الوان و حمر وايد حلوو و مرتب
و خذيت بودرة بسام فتوح عجيييبة تقدرين اتحطينها بدون كريم اساس حتى !
و اقلام الكحل الملونين نفس الازرق والاخضر موجودين بكل مكان انا خذيت من القزاز و من ماركة برجوا
اي والكونسيلر خذيت مال ميك اب فوريفر
بس ليلحين ماخلصت باقيلي الفرش و معروف احسن الفرش ملوت ماك
اتمنى انج تستفيدين مني
ادعيلي الله يوفقني بزواجي :*

سجلتهم عندي لحد ماانزل السوق
الله يسعدك يارب ويساعدك مثل ماساعدتيني ويوفقك بزواجك:eh_s(7)::eh_s(7):

 

[بنت النوخذا]

السلام عليكم ورحمةاللهوبركاته
بنات الله يخليكم انا زواجي قرب و مابقى عليه شي ومابتديت بالتجهيييز :eh_s(2)::eh_s(2):
ماادري وش ابداء فيه محتاره فقلت خليني ابتدي بالميك اب اول
وبما اني خبرتي بالميك اب مو ذاك الزود بالرغم اني اعرف اصلح ميك اب وابدع فيه بس مااعرف للماركات السنعه
فلذلك فمحتااااااجه خوات مثلكم يساعدوني بتجهيزي
لا ني ممرررره مررررره محتاره
فياليت تقولون لي على افضل ماركة بيس مرطب كريم اساس وبودره تصلح للعروس ومثبت للماكياج بشرتي جافه نوعاما وفيها مسام يعني وش يناسبها
ومعليش تحملو طلباتي وستفساراتي الي قاعده تزيد يوم عن يوم
والله يعطيكم العافيه
ودعواتي لكم :eh_s(17)::eh_s(17)::eh_s(17):

و الله انصحج فيه

بـــــــــــــــــــــــارد خفيف ترطيبه قوي و يدوم وايد
و انصحج في تنظيف بشره و ماسك ترطيب
من نفس الماركه


بس بشرط مو تحطين كذا ماركه معاه تـــــــــــــــــرا غلط
اعتمدي عليه بروحه فقط



http://www.q8yat.com/t932684.html

 

[حلوه بس بلووه]

انا نفسج انشالله البنات ما يقصرووون
احلى اب لعيوووووووووووووووووووونج ...

 

[قلبهـ 86]

موووفقه حبوبه ،،،

 

[ياحبنيلك]

شوفي يالغاليه
بقول كلمه لج ولكل عروس ربي يوفقكم
وراعوا بالتجهيز الصح اللي تعرفين ان هالشي راح تلبسينه
يعني مو تشترينه علشان في وحده امدحته والا وحده اذكرته
لا الشي اللي مو لج لا تشترينه وتخلصين افلوس تجهيزج عليه مثال صغييير يعني تشترين جنطتين ماركه حلوووه وذووق وبسعر الماركه
والا تشترين ٨ جناط من الجناط التقليد اللي مايظل هندي ماعندها خمس وست وبكل الالوان بعد
شوفي انتي قاعده تجهزين للايام الاولي لانج بتنزلين السوق مع زوجج كل يوم وبتشترين اللي يكون علي ذوقكم اثنينكم وتري عندنا بالكويت
كل شوي موضه جديده
وارد واقووووول مو تكودين بالاغراض اللي مالها داعي وتخلين الشي الللي يناسبج ويناسب جسمج
انا عن تجربه يوم تجهيزي انا واختي والله ماضل شي بالسوق ماخميناه من لبس ومكياج وشحاطات والله والله والله انه تم علي عداله مابطلناه واخرته لجنة الزكاة
علشان جذي اقولج راعي التالي بتجهيزج الشي المعقول الصح يعني بمشي معاج بكم شغله
المكياج(اخذي كريم اساس واحد موتكودين لزباله تاليته وكريم الاساس اخذي جيرلان وهمن بودرته روعه وارد واقول اللي يناسبني مو شرط يناسبج
نكمل المسكرا ثنتين ما استغني عنهم وحده لونكم والثانيه كراجا الاصليه انا اخذها من الدبوي الفحيحيل كراجا مو يعطيج كرازا التقلييد لا لا اخذي كراجا الاصليه تكثيييف موطبيعي جنج لابسه رموش صناعيه عن تجربه
وقلم الحواجب اخذي مبرووك واخذي بودرة الحواجب مالت بودي شوب هذا اللي اقنعتني صج بترتيب حواجبي مع قلم مبروك
وصبغ الاظافر اي محل تجميل ادشينه اخذي منه مو شرط غالي ولا رخيص تاليته صبغ اظافر اهم شي ماتكون باهته مافيه لمعه
والحمر مو ماركه معينه كل ماركه فيها الزين والشين اخذي الالوان الحلوه الفرايحيه مو الباهته الميته اللي ماتبين اخذي اللي تعكس علي وجهج
*
والعطور اخذي (كوكو شانيل مع عطر الشعر وكريم الجسم) موتقولين قديم هذا حلو اخذيه
وعندج همن ليدي مليون وعندج كلوي ولاتنسين عطور الجزيره اخذيلج منهم واحد بس واحد قلت
عاد اخذي من القرشي هالثلاث شغلات( ملك العود رهييييب-ودموع الذهب - والبخور اللي ٢٥)
وامل لكويت بخور المعاريس - الشايع اخذي منه الورق المعطر مال الكبت واخذي خلطة دانتيل للفوط والروب تهبل
واخذي العود اللي بالعلبه الخضراء اللي ب١٠
و--- خلينا شوي من المكياج والعطور اللي يتذكر بيكتبلج بس موتشترين وتكودين اوووكي

يلا نروح للملابس
شوفي الدراريع لازم منهم فيه اللي تييج علي نظام بدله او فستان بس اهي دراعه هذي حق
اللي بيونج عند حمولتج يشوفون العروس طبعا تلبسبن عليهم طقم ذهب مو اكسسوار انتي عروس لبسي اول الايام ذهبج
لانه بالتالي اخرته بينحذف بالتجوري ومنتي لابسته انا ادري . <<<< وحده صريحه ماعندها مجاملات.
واخذي من الدراريع الناعمه اللي لبقه علي الجسم وتكون راقيه هذي لحمولتج اخذي خمسه اوكي
وشوفي السوق واخذيلج جم بدله لطلعه والتسيار مع حمولتج لاهلهم اكيد بيعزمونج الناس عاد اخذيلج كم بدله
ماكو سوق محدد بس ارشحلج المهلب والفنار دوم بدلهم حلوه للعروس.
طبعا الصنادل والشحاطات والاكسسوارات وانتي تتمشين تتسوقين اشتريلج لاتضيعين الوقت عليج بس اخذي
اللي يلوق لج ولملابسج
وعندج اكسسوارات المهلب تحت خيال ماعليهم كلام
وملابس الشقه مالت بيتج من كل مكان وسوق اخذيلج الفساتين القصيره والبرمودات الحلوه
والبديات اللي فيها حركات دلع والجنزات الحلوه يهني امشي واخذي اللي يلوقلج
واللي راح تلبسينه فهمتي اللي تلبسينه مو تخزنينه بالكبت
والساعات سمعيني عدل اخذي ثلاثه بس شوفي انتي بس روحي روائع جنيف واخذي
(ساعة العرس واخذيها اقنر اللي بره وداخل الماس تهببببل وموديلها ناعم بصراحه- واخذيلج
ساعتين راقيه تلبسينهم مع دراريعج واللبدل عندج ديور او نينا ريتشي او فندي والناس تري اذواق)
نروح لقمصان النوم اخذيلج مال اليومين الاولين من الطاهر اللي الروب اييلج دانتيل راقي واخذيلج كم واحد حق اول اسبوع القمصان الطويله الراقيه
وعاد بعدها اخذيلج من القمصان القصيره الاغراء الدمار الشامل واخذي الشي اللي تحسين يناسبج وبتلبسينه اووووكي مو اوصييج.
وشوفي هذا جدول مال ليلة العرس يتكون منه
(مكياج العروس ارشح لج ابروجيت المارينا العروس تطلع عروس صح مو ارقووز -
والمسكه روحي وانتي مغمضه لبياع الورد اللي جدام دار الشفاء مو تقولين الجره والا مادري منو روحي لهذا وبس-
والثوب عندج مجمع٣٦٠ شوفيه بالاول اذا ماعجبج عاد شوفيلج مكان ثاني- امممم شنو بعد خليني اللي اتذكره بعدين اضيفه)
والمهم لاتنسين الذهب يالحلوه اخذيلج طقمين ناعمه مع الاسواره والتراجي والخاتم اخذي من (الكامل - والزمرده االي بسوق الذهب الديره)
وطقم ليلة العرس اذا مو الماس اخذيلج طقم ذهب ابيض موديل الالماس انا ملخذته من الفارس الكل اعجبه)
اممممممم شكتب بعد
عاد اغراض بدي شوب اللي اتذكرهم الحين ( الليفه الكف - الفواحات مع زيوتهم اخذي كذا نوع يغير والله بالنفسيه عن تجربه
والفواحات ثنتين علشان تحطين علي كل كومدينه وحده - واخذي بلاشر الجسم اللمعه اللي اييج لازق بالفرشه بس تفتحينها وتحطين علي طول
- واخذي السكرب ومرطب الجسم والبودره النكها اللي بذوقج وتحبينها
واخذي الجنطه اللي تييج للهدايا اللي فيها شامبو وشور جل ومرطب خلي هالجنطه علي جنب للفندق او لسفر اخذيها ضروري-
واخذي المشط الخشب مالهم - واخذيلج جم حره من عندهم وهمن البلاشر اللي مدرج يهبببل اخذيه- امممممم شنو بعد نسيت)
انزين في اشياء متفرقه مثل الاستشوار اخذي باناسونيك بكل المحلات تلقينه وهذا اهو احسن نوع - واخذي الستريت بس شوفي الزين -
واخذيلج الشباصات الحلوه اللي ترفعين فيها شعرج وتكون علي كرستال وحركات لان العروس حتي شباصتها يبطلون عينهم فيها ماكو شغل -
واهذي لزقات التاتو من كل المحلات حتي الطاهر وانور عندهم واخذي التاتو اللي علي ورد جوري تحطينه علي صدرج اغراء والله
امممممم بس دخت هذا اللي تذكرت
واذا طرالي شي بقولج
بس سمعيني يالغاليه انتي او كل وحده اتجهز
جهزوا الشي اللي يلوق لكم ويناسبكم مو يناسب غيركم
وعسي التوفيق فالكم
ولي عوده انشالله

 

[ريمي اميري]

هلا حبيبتي الف مبروووك الله يتمم لك على خير ,
انا من الاشياااء الي جربتهاااا وحيل اعجبتني وانصح فيهاااا الكل
مكياج استيلودر صح غالي بس خيااااااااااااال الاوان والريحه غيييييييييييير شكل تجنن ريحة البلشررر ناعمه وبتعجبك
مناكيرهم يجنننن ,

اما الكحل فاراح تتفاجئين على الرغم من اني جربت تقريبا اكثر الماركات المعروفه بسسس ماااش مو السوااااد المطلوووب
تعرفين وين حصلت السوااااااااااااااااد الي يجنننننننننننن ,,,,,,,, تخيلي في زاوية ملاهي هندي يبيع بكشك اخذت منه 4 اقلام
رجعنا البيت شلحونيهم خواااااااااتي ,, من حلاااااتهم فحمممممممممممم اقسم بالله ,, ’

 

[Fstani]

شوفي قسم المكياج ، يم قسم الأزياء والإكسسوارات




في واايد مواضيع عن أحسن الماراكات والجيده =)

 

[ليمار الكويت]

البنات كفوا ووفوا موفقه انشالله

 

[أم*سلمان]

آب

آب


لعيوونج