تجاربكم لزيادة ادرار الحليب

[Dreamer]

صباح الخير بناااات .....بنات أنا ضايق خلقي وايد لأن الحليب عندي قليل وأحسه قرب يجف فأبي منكم تدلوني على شي جربتوه وفعلا شفتو نتيجته معاكم لا تقولون لي حلبه ما حبيتها بالمرة جربت السمسم والرهش ما جابو نتيجة وأنا سمعت عن حبوب موتيليوم لزيادة الحليب أحد جربها أو عنده فكره عنها؟ بنات بلييييز ردو علي بسرعه لني أحب الرضاعة الطبيعيه وخاطري أرضع بنتي وهي توها ما كملت الأربعين وخايفه اني ما أقدر أكمل رضاعتها

 

[هيبة الطاووس]

انا جربت الهرده مع التمر
بس ما خلط تغمسين التمر فيها يخلي الحليب فيضان صراحه

وبالعافيه عليها

 

[c a t w o m a n]

السمسم

شربي حليب و حطي فيه حلبة

عصيدة

الخضار

 

[om MaRyooM]

في حليب معين نباع بالصيدليات و حبوب بعد

اما عن الاكل انا عن نفسي جربت التمر على الريج ..

وسمعت عن الحلبة .. بس ماخذيتها ولا مرة

 

[Joody]

في حبوب اسمهم فيتولات الدكتوره قالت لي عنهم صار لي ٥ ايام استخدمهم بس ما احس انهم زادوا الحليب يمكن لاني استخدم جهاز الشفط

 

[بـ سـ كـ وتـ ة]

بالعكس الشفط يزيد الحليب

عقب كل رضعة شفطي خمس دقايق ... وإذا تقدرين تشفطين من الجهتيم بنفس الوقت يكون أحسن

كلما يفضى الصدر من الحليب الجسم يعرف إن المرة الياية لازم ينتج حليب أكثر

وإذا شفطتي من الجهتين بنفس الوقت الجسم عباله عندج توأم فيزيد إنتاج الحليب

ولا تخلين الماي والسوائل يطيحون من ايدج ... شربي ماي حليب شوربة عصاير

وحبوب الموتيليم خليهم آخر شي ... آنا بصراحة جربتهم وحسيت بشوية فرق بس ياني رمضان وما كملت

بس إذا خذيتيهم ترى لازم تاخذين من 9 إلى 12 حبة في اليوم في كل مرة 3 أو 4 حبات

وما يبين تأثيرهم إلا بعد أسبوعين فلا يضيق خلقج

اي وبعد حاولي تاكلين 1\2 دياية باليوم أدري صعبة بس ضغطي على نفسج كلها فترة وتعدي

وزيدي كمية البروتين والألياف بنظامج الغذائي

والشوفان زين بعد طبخيه بحليب وحليه بعسل عجيب ويدر الحليب

وتفائلي ترى أول 3 أشهر سهل تزيدين الحليب لأن نسبة البرولاكتين (هرمون الحليب) تكون مرتفعة بالجسم

 

[بـ سـ كـ وتـ ة]

اي وفي شغلة مهمممممممممة وايد أدري قرقت على راسج بس آنا لو كانت عندي المعلومات هذي أول ما ولدت جان ما اضطريت أستخدم حليب بودرة

نامي وارتاحي كثر ما تقدرين ... انتي الحين ما عليج صلاة ... كل ما نامت الصغيرة نامي

وخلي يمج قلاص ماي لما ترضعين شربي واحد قبل الرضاعة والثاني عقبها

ولااااااا تغلطين وتعطينها حليب بودرة تقولين ما شبعت

رضعيها من صدرج اليمين لين تهده بعدين حطيها عاليسار لين تهده ورديها عاليمين وعاليسار كثر ما تبي

وترى توقعي إنها ترضع منج بالساعات بس هالحجي ترى أول شي بس لأن الجسم ما حدد ليلحين اشكثر يحتاج ينتج حليب

ولأن بنتج الله يحفظها صغيرونة فكها ليلحين ضعيف ما تعرف تمص عدل

وأي سؤال آنا حاضرة راسليني عالخاص وان شالله ما أقصر معاج

ومبروك ما ياج حبيبتي

 

[@ام يوسف@]

ااب

 

[مولاي الفرج]

بعد مايبيله

اكيد تمــر معروووف

 

[*ماي الورد*]

حبوب موتيليوم هذي مو مالت الترجيع ?


احسن شي جربته مساج للصدر من فوق لي تحت
و شاور حار من بعده استخدمي جهاز الشفط ميديلا على سرعة شوي عالية

 

[Dreamer]

انا جربت الهرده مع التمر
بس ما خلط تغمسين التمر فيها يخلي الحليب فيضان صراحه

وبالعافيه عليها

مشكورة حبيبتي على تجربتج لكن شنو الهرده ما عرفتها هي عبارة عن شنو و وين أحصلها

 

[Dreamer]

السمسم

شربي حليب و حطي فيه حلبة

عصيدة

الخضار

يعني أطبخ الحلبة وأضيف عليها الحليب علشان طعمها يصير مقبول لو لأن الحلبه مع الحليب يزيد الإدرار

 

[Dreamer]

في حليب معين نباع بالصيدليات و حبوب بعد

اما عن الاكل انا عن نفسي جربت التمر على الريج ..

وسمعت عن الحلبة .. بس ماخذيتها ولا مرة

يعني الحليب زاد عندج بعد ما كليتي التمر ؟ وكم تمرة تاكلين في اليوم

 

[Dreamer]

بسكوته مشكوووره حبيبتي على المعلومات المفيدة وأن شاء الله راح أطبقها

 

[Dreamer]

بعد مايبيله

اكيد تمــر معروووف

طيب في عدد معين من التمرات لو شنو

 

[Dreamer]

حبوب موتيليوم هذي مو مالت الترجيع ?


احسن شي جربته مساج للصدر من فوق لي تحت
و شاور حار من بعده استخدمي جهاز الشفط ميديلا على سرعة شوي عالية

إي الظاهر نفسها لأن من آثارها الجانبيه زيادة إفراز هرمون البرولاكتين وبالتالي يزيد الحليب

 

[om MaRyooM]

dreamer

حبوبة كنت اكل عالريج 7حبات وكان يفرق معاي . .

بس لازم تردين تاكلين العصر او بالليل . .لأن للحليب ممتاز وعشان ظهرج يتقوى
بس لأني مااحب التمر كانو يغصبوني عليه فكنت اكله بس الصبح

 

[كـ غلا ــلي]

كثري شرب الماي السوائل اهيا الاساس في الادار طبعا زائد السمسيه والهرده واللوز النيئ

وصفاء الذهن وراحه البال يعني تكونين مرتاحه

 

[بـ سـ كـ وتـ ة]

العفو حبيبتي ... رديت عليج بالخاص

الهردة اهي الطحينة حبيبتي اللي منها يسوون الرهش

وبدورلج موضوع كنت قاريته ان شالله أحصله أكيد يفيدج فيه نظام غذائي يزيد الحليب

 

[بـ سـ كـ وتـ ة]

حبيبتي شوفي هالرابط

وشوفي هالنظام الغذائي من دكتورة متخصصة بالرضاعة الطبيعية جزاها الله خير
​

نظامي الغذائي اليومي

​

الفجر كوبين حليب على غير ريق

​

:

​

الفطور

​

كوب تلبينه ضخم
4 م\ك حلاوة طحينية
نصف رغيف خبز اسمر وعليه اي نوع جبن + جرجير كثير وخيار وطماطم
ملعقة صغيرة حلبه مطحونه

.. وحتى ابلعها كنت اخلطها بملعقه من العسل الاسود
واحيانا بيض او فول او حمص

​

بين الافطار والغداء كوب شمر

​

الغداء

​

مما طبخت
+ طبق شوربة عظيم
وطبق سلطه عظيم
+ ملعقة الحلبة بالعسل
وملعقة حبة البركة مطحونة

​

بين الغداء والعشاء كوب ينسون بالحليب دافيء بعسل النحل

​

العشاء

​

نفس الفطور تقريبا مع زيادة .. ملعقة الحبة السوداء
ولبن رايب أو روب زبادي قبل النوم
وكوب كراويه
:

​

الفواكه لم استغن عنها عند الجوع
والماءلترين تقريبا يوميا
كل شوية اشرب كوب
او املأ زجاجه ليتر ونصف وأحملها أينما ذهبت

( عبادي في ايد والماء في ايد خخخخ)

​

( وتؤخذ حبة البركه لمدة 20 يوم فقط بتوصية الدكتورة شروق .. اما بقية الاعشاب فلا يجب أخذها بكل مستمر دون انقطاع لأكثر من 3 شهور )

:
​

تعقيب:
(حبة البركة والحلبة لا تستعمل فى الحمل
وحبة البركة تستعمل 20 يوم فقط) :
ومن المدرات الرائعه أيضا كنت أتناول
كوب حليب + ملعقة سمسم + 7 تمرات .. وآكلهم بالملعقه
و
السمك المشوي
و
الجرجير .. فهو كالسحر سبحان الله

​

والتلبينه هي مطحون الشعير وهي من الوصايا النبويه
ولها كذا طريقه أحببت منهم
خلط ملعقه كبيرة من التلبينه على كوب من الماء او الحليب
وتقليبهم على النار حتى يغلظ القوام
ثم اضافة كوب آخر من الحليب .. فيصبح الناتج كوبان تلبينه
تحلى بالعسل او السكر وتشرب
وحدة جربته ونفعها

وموفقة ان شالله حبيبتي


​