█▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

[ذهبه]

█▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

[FONT=&quot]السلام وعليكم ورحمه الله وبركاته[/FONT]

[FONT=&quot]حبيت افيدكم واكتب عن البايفورس من خلال روحاتي الكثيره له بحكم انه صارلي بالجامعه سنين ..مره ارد منهم شاقه الضحكه ومره مكسور قلبي[/FONT][FONT=&quot]:eh_s(2):[/FONT] [FONT=&quot] طبعن راح يصيرلكم مثلي يعني عادي تعودو عالوضع لووول[/FONT]
[FONT=&quot]هالموضوع موجه اكثر شي للمستجدات اللي مايدرون شسالفه وانا لاحظت وايد يسألون عنه وحبيت افيدهم لاني كنت يوم من الايام مثلهم و مادري شالطبخة ..عرفت عن البايفورس من رفيجاتي وبنات القوائم[/FONT]

[FONT=&quot]ان شاء الله راح يكون شامل الموضوع فـ راح يكون طويل وطوفو البدليات< الله يعينكم من اللحين:krkrkr: لووول ..واذا نسيت شي فـ سوري
[/FONT]
[FONT=&quot]تعريف البايفورس :[/FONT]
[FONT=&quot]اللي استغربت منه ..أنه موقع الجامعه مو كاتبين نبذه عنه ..مجرد كاتبين استكمال جداول الطلبه وعلطوول روحو باليوم الفلاني وعدد وحدات فلانيه والحجي اللي مكتوب بالسستم :\ ..كان خاطري يكتبون عنه بشكل اكثر

[/FONT] [FONT=&quot]شلون تعرفون موعد البايفورس :[/FONT]
[FONT=&quot]قبل الكورس الدراسي طبعن اول مايبدا التسجيل بالنت ..راح يكتبونه بالسستم بالصفحه الرئيسيه مثل اللي بالصورة :[/FONT]

[FONT=&quot] تروحون ع حسب وحداتكم مثلا : لو انتي مجتازه 24 وحده او اقل تروحون ااول يوم بالبايفورس, وإذا طافج اليوم ومارحتي عادي اخر يومين بالبايفورس مخصص حق الكل[/FONT]
[FONT=&quot]تعريف البايفورس بالنسبه لي :[/FONT]
[FONT=&quot]اذا ماقدرت اسجل مواد بالسستم ..اروح الكليه وقت البايفورس واقولهم شنو ابي من مواد..مرات يسجلولي ومرات لأ ..[/FONT]
[FONT=&quot] ع فكره اذا رحتي لهم مو بس يسجلون لج ماده ..لو تبين 3 مواد عادي يسجلون لج بس طبعن اذا قدرو ..[/FONT]
[FONT=&quot]وهاذا تعريف لوحده ويانا بالمنتدى..كفت ووفت بالتعريف :[/FONT]
​

الباي فورس يعني تسجيل المواد عبر الكليه .. يعني عمادة القبول والتسجيل يسجلولج المواد .. مو انتي تسجلينها بالبيت

وأحيانا يفتوحلج الشعبه حتى لو مغلقه .. بشرط موافقة الدكتور أو رئيس القسم​

وإذا عندج واسطه أو تعرفين أحد هناك .. يقدرون يسجلولج اللي تبينه لأنه عندهم صلاحيات​

[FONT=&quot]وهاذا تعريف البايفورس من النت فطسني من الضحك ههههههههه :[/FONT]
*[FONT=&quot]ماذا تعني كلمة[/FONT] ( by force ) [FONT=&quot]؟؟ على حسب علمي - إن لم أكن مخطئ - تعني[/FONT] ( [FONT=&quot]عن طريق القوة[/FONT]) !! [FONT=&quot]يعني بالكويتي[/FONT] ( [FONT=&quot]التسجيل بالغصب[/FONT]) !
[FONT=&quot]<فعلا انه راح تصيرلكم هالمواقف انه بطلعت الروح يسجلون لكم:eh_s(4):

[/FONT][FONT=&quot]مكان البايفورس :[/FONT]
[FONT=&quot]للأمانه ماني متأكده من هالشغله بس اعتقد ع حسب الماده اللي تبينها بالبايفورس ..[/FONT][FONT=&quot]ومكان البايفورس بالتربيه والاداب راح اتحجى عنهم بشكل ادق بنهاية الموضوع [/FONT]


[FONT=&quot]عشان تضمنين تسجلين مواد بالبايفورس :[/FONT]

1. [FONT=&quot]الوصول مبكرا للبايفورس يعني الساعه 6 انتي اهناك..قبل لا تكبر الارقام وقبل لا تخلص المواد عليج..مره رحت الساعه 7 وشوي[/FONT][FONT=&quot] للتربيه اول شي وكان رقمي 135[/FONT]!! [FONT=&quot]وتالي رحت للأداب ورقمي كان 61[/FONT][FONT=&quot] < :eh_s(1):لاتعليق ..انا اقول للقوائم اذا لهم دخل بهالشي ويخشون ارقام لربعهم..الله لايوفقكم..يعني [/FONT]Not fair [FONT=&quot]انا ااقعد من صباح الله خير اروح الكليه ورقمي شطوله 3 خانات..واتيي وحده ماكله المخده ويايه متأخر وتدش قبلي :eh_s(14):!!

[/FONT] 2. [FONT=&quot]لازم عدد وحداتج اقل من 12 لان الاوليه حق اللي ماحصلّو مواد وايد.. [/FONT]
[FONT=&quot]بالنسبة لي : انا اذا محتاجه مواد من البايفورس , اضحي واحذف ماده بجدولي عشان يصيرون اقل من 12[/FONT][FONT=&quot]تالي اروح واسجل مواد محتاجتها حيل من عندهم وساعات اذا حظي حلو اقدر اسجل اقين الماده الي ضحيت فيها بالنت بالسستم لما ارد البيت =)..ونصيحه ضحو بماده كراسيها فيها وايد مثلا عدد كراسيها الحالي 45\35 < يعني حتى لو سحبتي بإذن الله في مجال تقدرين تسجلينها لما تردين البيت [/FONT]
[FONT=&quot]وملاحظه مهمه : [/FONT][FONT=&quot]مو تدعين علي لما تسحبين مادتج وماقدرتي تسجلينها اقين ..تذكري اني حبيت افيدكم باللي اقدر عليه وانتي مو مجبورة تسوين هالحركه[/FONT]

3. [FONT=&quot]قبل لاتروحين البايفورس..كتبي ارقام المواد اللي تبينها ..و يُفضّـــــــــــــل تحذفين المواد اللي حاطتهم بالسستم في "خطتي للتسجيل" ..هذول :[/FONT]

[FONT=&quot]لان صارلي موقف..كنت بالبايفورس أبي أسجل ماده محتاجتها وميته عليها عند دكتور يهبل بس للأسف الشعبه مسكرة..وبنفس الوقت حاطه مواد واااااااااااااايد بقائمة"خطتي للتسجيل"(الموضحه بالصورة فوق)..فـ لما رحتلهم قالولي مايصير نسجل لج الماده ,خلاص تسكرت ومع انها -3\20 ومسجلين فيها اشخاص عقب ماتسكرت يعني وقفت علي انا :\ ..المهم حنيت عليهم ورفضو ..قالولي ببرود :مو مشكلة.. سجلي ماده غيرها..خو نشوفج حاطه لسته مواد اهني بخطتج للتسجيل ..انا ويهي صار جذي [/FONT] [FONT=&quot] للأمانه بنات انا ماسجلت[/FONT][FONT=&quot] مواد من هاللسته لان دكاترتهم قشرين وكنت حاطتهم جي عشان أجيك عليهم كل شوي واشوف [/FONT][FONT=&quot]لعل وعسى ينزلون شعب جديده :eh_s(2):[/FONT]

4. [FONT=&quot]اذا ماسجلت لج الموظفه ماده جربي بموظفه ثانيه يمكن تحن عليج وتسجل لج <<مو كل مره تضبط..بس انتو حاولو شخسرانين..وطبعن اذا تبين نفسيه الموظفه تكون حلوة روحيلها مبجر قبل لا يصير زحمه وتكون مضغوطه ومالها خلق شي[/FONT]

5. [FONT=&quot]في شغله اسمها ..ورقه "لامانع" تاخذينها من دكتور الماده اللي تبينها لازم يرضى انج تسجلين عنده و يوقعها ..عقب وريها الموظفه وان شاء الله تبطل لج الشعبه وتسجلينها[/FONT]
[FONT=&quot]6.جيكي اول بأول بالسستم ..يمكن ينزلون شعب بالنت فـ لحقي عليهم ..او يمكن احد يسحب من شعبه مغلقه وانتي تقدرين تسجلين مكانه ..وانصح باستعمال متصفح Firefox عند دخول السستم [/FONT]


[FONT=&quot]المهم اللحين بكتب عن اللي بايفورس كلية التربيه والاداب =)[/FONT]

[FONT=&quot]أكرر : اذا رحتي لازم لازم وحداتج اقل من 12 ..يمكن نادرا كليه الاداب يطوفون ..بس كليه التربيه السنه اللي طافت ..كانو مرعبين..وكانو يتأكدون من جدول الطالب انه اقل من 12 قبل لا يدش عالموظفه للتسجيل @@[/FONT]

[FONT=&quot]مكان البايفورس :[/FONT]
[FONT=&quot]بكليه التربيه ..مكتب التوجيه والارشاد..لاتشوفون الزحمه اللي راح تصير.. البنات ينطرون عند الباب و قاعدين بالممر وطبعن اول ماتفضى الموظفه ينادون رقمج تدشين..وعـ الـ كثر السنين اللي رحتلها اهناك..للأسف كل مره ماكو تنظيم سنع وززززحمممممه..وياريت يحسون فيننا وبمعاناتنا و يسوون قاعه جديده خاصه للتسجيل مثل كليه الاداب اللي فيه كراسي مريحه ووسيع..ودي يستوعبون اننا احنا طالبات التربيه وااااااااااااااااااااااااااجد يعني من امه محتاجين هالشي:eh_s(4): ..
وهاذا مكتب التوجيه من داخل(بعد تغطية الحريم)


[/FONT] [FONT=&quot]بكلية الآداب: عند الكافتيريا..اسمها قاعه الوطنيه ..مرات يحطون كراسي برا قبل لايبدا التسجيل عشان ماتوقفون بالشمس تنطرون..وفي ورقه ينكتب فيها اسماء الحضور ..لاتنسون تكتبون اسمكم< ع حسب القائمه يسوون هالحركه مثل هالصورة..[/FONT]

[FONT=&quot]
واول مايقولون بطل التسجيل عالساعه 8 روحي وتقضبي بالباب "اللي بالصورة تحت عاليمين" لوول [/FONT]

[FONT=&quot]عشان تدشين اول الناس وتاخذين رقم من الحارس.[/FONT] تالي تنطرين داخل وينادي الحارس الثاني اللي داخل 10 طلاب يدخلون اول عالموظفين وينطرون دورهم عند الموظف بترتيب..واذا تقريبا خلصو.. الحارس ينادي الارقام الباجي :مثلا من 20 لي 30 يُخشو دلوئتي بس لاتحاتون بسرعه يخلصون

([FONT=&quot].وآسفه لـ قلة الصور.. لان هاذا اللي قدرت أحصّله بالنت بس واذا لقيت اكثر بجي احطه بالموضوع )[/FONT]

[FONT=&quot]واخيرا [/FONT] :eh_s(17)::eh_s(17)::eh_s(17):

[FONT=&quot]حبيت انبهكم انه مو كل اللي قلته ممكن يطلع صح..يمكن تسجيل البايفورس بالكليه تغير والوضع بكبره تغير..انا قلت اللي اعرفه وبس =)[/FONT]

[FONT=&quot]بنات ان شاء الله تسجلون اللي بخاطركم وعليكم بالدعاء واذا ماسجلتو عقب كل هاذا لا تتضايقون قولو خيره وربي يعوضكم ان شاء الله ..[/FONT]
[FONT=&quot]و موفقين كلكم بالتسجيل ان شاء الله..وتكفون بس اأبي منكم دعوه انه الله ييوفقني وييسر اموري ويحقق الي في بالي ^^

[/FONT]​

 

[الشمـــرية]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

يعطيج العافيه بس احنا بالعلوم الوضع عندنا غير ​

 

[ذهبه]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

يعطيج العافيه بس احنا بالعلوم الوضع عندنا غير ​

يعافيج اختي ..ايي انا عارفه عشان جذي بالنهايه عقب ماكتبت المعلومات العامه للبايفورس ..خصيت كلية التربيه والاداب وكتبت عنهم لان هذول اللي جربتهم

 

[! Ǿσρş «|]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

يآآ حيآآتي مآقصصرتي على آلشررح بدعتي يآمآل آلعآفيه :eh_s(15):


أكثر موضوع شآمل لكل شي تقريبآ بآلبآي فورس تقريبآ بآلتربية وآلآدآب :rerrerek:


ألف شكر لج خووش شررح موووفقه حبيبتي قوآآج آلله :eh_s(17):​

 

[ذهبه]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

يآآ حيآآتي مآقصصرتي على آلشررح بدعتي يآمآل آلعآفيه :eh_s(15):


أكثر موضوع شآمل لكل شي تقريبآ بآلبآي فورس تقريبآ بآلتربية وآلآدآب :rerrerek:


ألف شكر لج خووش شررح موووفقه حبيبتي قوآآج آلله :eh_s(17):​

حياتي انتي ..كلامج ونسني والله ;*
والعفو نورتي الموضوع حبيبتي :eh_s(17):

 

[Wadha.H]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

يعطيج آلف عآفيه صرآحه كنت آحاتي لآن مو عارفه عنه شيء واول مره بس حمدالله ان شآء الله سهآلات

 

[ألايانفس......]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

مشكككككككورة

 

[منو انا]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

مشكـــووووره ...

 

[m!ss sara]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

مشششكوره حبيبتي ..


أنا بسجل


ثقافة أدب في الكويت هذي بالآداب مو ؟ بس اروح أي قسم تدرين =$ لأن أنا علوم بيولوجي ولا مره رايحه باي فورس

فما أدري شسالفه =$ حمدلله ما احتجته قبل بس الحين للأسف ما حصلت إلا مادتين وأحتاج على الأقل ماده اضافيه

شفت في شعبة ثقافة الأدب في الكويت فشسمه أي قسم يعتبر ؟

وفي سؤال بعد =$

يعني من أول ما أووصل آخذ كرت بعدين أروح حق الدكتور عشان آخذ لامانع بعدين أروح للموظفة ؟


وشكراً حبيبتي

 

[ذهبه]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

يعطيج آلف عآفيه صرآحه كنت آحاتي لآن مو عارفه عنه شيء واول مره بس حمدالله ان شآء الله سهآلات

يعافيج حبيبتي
وان شاء الله يارب ;*

 

[ذهبه]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

مشكككككككورة

ألعععععععععععععععععععععفو

 

[ذهبه]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

مشكـــووووره ...

العفوووووووووو...

 

[ذهبه]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

مشششكوره حبيبتي ..


أنا بسجل


ثقافة أدب في الكويت هذي بالآداب مو ؟ بس اروح أي قسم تدرين =$ لأن أنا علوم بيولوجي ولا مره رايحه باي فورس

فما أدري شسالفه =$ حمدلله ما احتجته قبل بس الحين للأسف ما حصلت إلا مادتين وأحتاج على الأقل ماده اضافيه

شفت في شعبة ثقافة الأدب في الكويت فشسمه أي قسم يعتبر ؟

وفي سؤال بعد =$

يعني من أول ما أووصل آخذ كرت بعدين أروح حق الدكتور عشان آخذ لامانع بعدين أروح للموظفة ؟


وشكراً حبيبتي

اتوقع بالاداب ..بس احسن تأكدي من تجمع بنات الاداب
واذا بتروحين لبايفورس الاداب ..صفطي عند باب 4 ولما تدشين باب الكليه لفي يسار وامشي سيده حتى راح تشوفين تجمهر عند الكافتيرا لول
يستحسن اول شي تاخذين "الرقم" وجربي بالموظفه يمكن تسجل لج من غير لا تتعنين..واذا ماسجلت لج : قبل لا تطلعين من القاعه ..عطي خبر للحارس الواقف عند الباب (اللي ينادي الارقام) انج بتروحين وتردين..وروحي للدكتور قوليله انج محتاجه هالماده وتبين منه ورقه لا مانع مع التوقيع والختم و اهني عاد كحلي الورقه بعين الموظفه :eh_s(15):

وحياج الله حبيبتي

 

[miss lool^_^]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

يسلموو حياتي ع الشرح الزقرتي تخخخخخخخ

 

[أم منيـرة]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

بس شلون الدكـآتره مداومين هالحـزه تهقين !

،

يعطيـج ربي ألف عـآفيه على هالمجهـود ، وعسى الله يوفقج ويسهـل أمورج

 

[~عيون الحب~]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

مشكووووره حيااتي ماقصرتي
الله يوفقج انشالله =)

 

[هنااادي]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

بدأت رحله الشقى الله يستر

مشكورة حبيبتي استفدت من الموضوع بشغله اني اشيل مواد اللي بالمفضله وان شاء الله يسجلون لنا اللي نبي

 

[HMS..]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

مششششالله علييج

كفيتي و وفيتي ،


يعطيييج ألــف عافيه ،

< يا ليت أحد كااتب لنـآآ هالموضوع من سنتين عشششان نستفييد ،

<< و لكــن علمنا نفسنا بنفسنا


،

ألـــف شششكر لللج

 

[ذهبه]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

يسلموو حياتي ع الشرح الزقرتي تخخخخخخخ

هههههه حيآج الله حبيبتي

 

[ذهبه]

رد: █▓░البايـفـورس,شنو اهوا ؟ وشلون تضمنين تسجلين مواد,حياكم\░▓█

بس شلون الدكـآتره مداومين هالحـزه تهقين !

،

يعطيـج ربي ألف عـآفيه على هالمجهـود ، وعسى الله يوفقج ويسهـل أمورج

بااااجر اكيد مداومين ..لان لازم يوقعون ع استمراريه العمل بالكليه
اما باجي الاسبوع مادري بس ان شاء الله تحصلينهم
والله يعافيج حبيبتي مشكورة ;*