وزارة التربية ..حطمتي امالنا ..؟؟؟

[6Mo0o7a]

الــــى وزارة التـــربية :


صعقت لأنني لم ارى دولتنا تحتل احد المستويات العشرة الاولى ...
لان وزارتنا ..تخلت عن الطلاب ذو النسب العالية ..او وضعتهم في تخصص
شرق وطموحهم غـــرب ..


الدول العشرة الأولى من ناحية المستوى التعليمـــــي :
1-الولايات المتحدة الامريكيـــــــــة
2-المملكة المتحدة
3-ألمانــــــــــــا
4-كنــــــــــدا
5-أستراليـــــا
6-فرنســـــــا
7- أسبانـــــــــيا
8-أيرلنـــــــــــدا
9- روسيــــــــــــا
10-مـاليــــــــزيـا



رأيتم هذه الدول ...وبألاخص الولايات المتحدة ..؟!

تعلمون كيف ارتقت هذه الدولــة بهذا المستوى ..؟!

دعمـــت ابنائها ..من الطلبة ..الى ان اثبتت لهم الاهميــــة التي يشكلونها

بالمجتمع ..؟!







فأبدعــوا بالعطاء ..والابداع .....؟

سعــت بالدعم المعنوي المتواصل لهــم ...مع القوانين التي تساعدهم ..



فما شروط قبول الطلبة بالولايات المتحدة:


1_شهادة الثانوية العامة
2_امتلاك القدرة على التحدث باللغة الانجليزية
3_احراز درجة في احد امتحانات الكفاءة المعروفة بالولايات المتحدة مثلsat أوact



...ايهـــا الصرح الشامخ .."وزارة التربية والتعليم "

...قضينا 12سنة متواصلة من التعب والارهاق العقلي والبدني

علمتـــمونا بها ...كيف نخدم ديننـــا ووطننــا

وكيـــف نخدم مجتمعنا ..وننهض به ..؟!

ولم نخذلكـــم ...

فعندما ..اقترب موعد تخرجنا ..شعرت بأن دموعي ستسقط ..؟

لانــــه ..اقترب موعد ..تحقيق حلمـــي

وهو ان اكون ......دكتـــورة





تخرجــــت ب 94%

لم اضع في حسباني ..ان الـــ12سنة ..لاتعملون لها حســـاب ؟؟!!!


فحددتـــــوا ..مستقبلي بثلاث ساعات ..


في ..القدرات الاكاديمية ..

وجعلتونـــي ...ابكي دم ..على ضياع طموحي





صديقاتي :


احداهما :النسبة 96% الرغبة :طب وضعوها هندسة

الاخرى نسبتها 91%رغبتها صيدلة وضعوها علوم ادارية

الاخرى نسبتها91% لم تقبل ..وقدمت تطبيقي

الاخرى النسبة 90%لم تقبل وقدمت بعثة داخلية

الاخرى نسبتها 98%الرغبة:طب اقبلوها كلية العلوم

انا نسبتي 94% رغبتي طب وضعوني طب مساعد

والغريب ..ان هناك في موعد التسجيل تعرفت ع طالبة

قبلوها بنفس كليتي ..وسألتني عن نسبتي فأخبرتها

وقالت لــي : تدرين كم نسبتي ؟؟ وكادت تبكـــــي

فقلــــت لها كم :وصعقت لما دريت انها....97%

وطبعآ انتم عارفين التسع بنات نسبهم 99% وحولوهم صيدلة




ايهــــا الصرح الشامخ ..


حبطتنـــا ...الى ان فقدنـــا ..احساسنا بأهميتنا بالوجود ..؟


فشكــــرا ...ع الكلام الكثير ...الذي سمعناه منكم ..؟!

 

[ya al3rosa]

صح كلاامج وااايد اسمع بناااات جذذى نفس حالتج اللة يعين

 

[^هــنـــوي^]

حبيبتي الله يصبرج ويوفقج بحياتج
احنا من متى ننطر شي من وزارتنا
للعلم بنات جامعة الكويت من افشل الجامعات بالعالم اي نعم من افــــشل الجامعات لحد يطالعني هذا الصج ولا امتحان القدرات الي يلعب بأسلاف اسلاف نسبنا حرام عليهم
سوري قرقرت واجد

 

[~ FOOSY ~]

اي والله صااجه

الله يعيين بس

 

[لذة شقاوه]

اهم لو يشيلوووووووون القدرات احنا بخير
ومو بعيد عن وزارة التربيه
وعلى فكره ترى هندسة جامعة الكويت من افشل شي انا ما جربتها بس كتبو بقوقل وجربوها
والحين الي تدش طب نفس الي تدش تربيه لان المعاش نفس الشي والتربيه عطله ثلاث شهور اما الطب خفارات ولويه فأفضل اني ادش تربيه واريح راسي

 

[لذة شقاوه]

دام نفس المعاش وكل شي وولد خالتي ياب 85 قدم هندسه حطوه تربيه مو حرام اخر شي سحب اوراقه وينطر الكورس الثاني يتبطل عشان يروح بعثه خارجيه لاستراليا
الله يعينج حبيبتي ويصبرج وان شاءلله تكون خيره لج خيره فيما اختاره الله

 

[فديت توام روحي]

اي واللهـ صاجه
الله يوفقج

 

[ورده حنونه]

شنقووووووووووول الله المسسستعآن

 

[^هــنـــوي^]

اهم لو يشيلوووووووون القدرات احنا بخير
ومو بعيد عن وزارة التربيه
وعلى فكره ترى هندسة جامعة الكويت من افشل شي انا ما جربتها بس كتبو بقوقل وجربوها
والحين الي تدش طب نفس الي تدش تربيه لان المعاش نفس الشي والتربيه عطله ثلاث شهور اما الطب خفارات ولويه فأفضل اني ادش تربيه واريح راسي

اي نعم انا اشهد انها من افشل افشلللللللل الجامعات مو بس التخصص
اما عن ردج الثاني مال ولد خالتج الي قدم طب وقبلوه تربية انا عندي كلمة بقولها واتمنى توصل لهم
نعنبو داركم انتو شنو هنووود ماتفهمون الطلبة يقولون شي تحطون شي ثاني انتو ماتفهمون قطيييعة بس

 

[سآق نملة]

الله يعييييييييييييين

 

[^هــنـــوي^]

سوري كتبت طب بدال هندسة هههه

 

[الزين مني وفيني]

ايييي و الله قهر

ولا احنآ شنآقصنآ كل شي عندنآ الحمممدالله بس شنقول

اللحين وصلنآ 12 و ايدنآ على قلوبنآ ماندري عقب هالتعب راح تقبلنآ الجامعه ولآ بتصكر بابهآ بوجيهنآ

الله يسسستر بس وربي قهر

و عسسى ربي يعوضكم خييير
و الخيره فيمآ آختاره الله لنآ


,

 

[lojeeen]

عورتو قلبي بنات صج جامعة الكويت الدراسة فيها تجيب الكدر انا ياما سمعت عن دكاترتهم اللي يلعبون لعب بالشباب و البنات يطردونهم و يسقطونهم على مزاجهم و الكل يقول وين الدراسة بالثانوي الأبلة تشرح و تعطي من قلبها و بالجامعة الدكتور يسولف مع نفسه و يسولف عن نفسه و بس الباجي على الطلبة اهم اللي يسوون كل شي و بالأخير ينطرد ليش مو عاجب الدكتور و فوق هاذا بعد اللتي و االوتية يالله يكون انقبل بالجامعة و ما يندرى رغبتة و لا مغصوب !!

 

[لذة شقاوه]

واهم شي اني سمعت من بنات رفيجات امي ان في دكاتره يسقطون الشباب وينجحون البنات لووووول وين قاعدين

 

[e.ngland]

نبي جااااااااااااااااااااااااااااااااامعه ثانيه

 

[7lawah]

آلله يعين ،

 

[M!Ss 3B8RiNOaH]

صراحة هالموضوع ازم العديد من البنات اللي تخرجوا ونفس ماقلتي نسب عالية مانقبلوا

ماعليه حبيبتي الله كريم

 

[طبعي مميز]

احححنا ششنو مضيعنآ غيير هالقدرآتت ؟!
مادري ليمتى يصحووون و يشوفون لنا حل
مو ححاله نتعب و ندرس
اخرها حاذفينه بأي تخصص

الله يعينج و يوفقج و يمكن خييرهه لج

 

[قلبي ابوي]

والله العظيم هزني كلامج صج بجيت وانا من اللي مانقبلوا بس شنقول حسبي الله ونعم الوكيل ع اللي كان السبب

 

[قطوه بطه]

اول شي الله كريم وان شالله ما يضيع تعب وحده فيكم وربج ماراح ينساج

ومعاج انا ان جامعة الكويت مو قد المستوى والهيئه التدريسيه فاشله وقائمه اساسا عالواسطات

انا ان شاء الله خريجه وياما عانينا من الواسطات ومزاجية الدكاتره بس شنسوي امرنا لله

وبعدين بيني وبينج النسب هالسنه مو طبيعيه بجد انا لما شفتهم حسيت في شي غلط ثلاث ارباع طلبة رابعه ثنوي جايبي فوق ال80

بايامنا ماكانت النسب جذي فعشان جذي حطوا قدرات

عالعموم الله يوفق الكل ويسسر امركم بنات