موضوعك ياني بوقته هاليومين مفكرة اسوي تقشير لبشرتي
رحت لمحل اوباجي بالافينيوز بس ما اقتنعت بكلام الاخصائية وايد
وسعرهم مبالغ فيه وايد
وانا مشكلتي ما التزم بمواعيد الكريمات وخايفة ابدأ واتوهق والنتيجه تصير عكسية
قالت الاخصائية تعالي نسوي لك جلسات بالمحل عندهم طالما ما تحبين الكريمات
والسعر اعلى طبعا بس انا مو متشجعه
سؤالي شنو فرق اوباجي عن بقية العيادات الطبية اللي تسوي تقشير؟
وشكرا
هلا حبيبتي
كمقارنه بين اوباجي وباقي العيادات للتقشير ما ادري لاني ما جربت وما حب التقشير بالعيادات
انا احب العنايه اليوميه ما حب الاشياء السريعه القويه لان بشرتي ما تتحمل
بس اقدر اقول ان مجموعه اوباجي ما شاء الله عجبتني باكثر من نقطه انا جربت كثير وعمري حاليا 39 ومن خبرتي وتجاربي اقدر احكم انها مجموعه تستاهل
حاليا المسام اختفت نهائي بالجبهه
وتكاد تكون غير ظاهره بالخدين ما شاء الله لدرجه في وحده شافتني مؤخرا تقولي وين تسوين فيشال وانا ما اسوي فيشال نهائي هم لاني ما احبه مثل ما ذكرت احب اعتني ببشرتي بنفسي
تقشير اوباجي في عليه كلام كثير باليوتيوب لو حابه تتطلعي عليه وسالت مره عنه قالت لي الجلسه ب 40 يمكن او 45 وحسب نوع بشرتج تحتاجين جلسه او 2 او اكثر
بس انا انصح بالبرنامج لو ما عندك منتجات للعنايه اليوميه لان مهم وكافي انها تستعملينها بس مرتين باليوم مره صبح ومره مساء
انا برنامجي قبل استعمال مجموعه اوباجي من ماركات ثانيه 3 مرات استعمل المنتجات او 4
حاليا بس مرتين وما شاء الله نتيجه حلوه
الميزه العجبتني اكثر شي بمجموعه اوباجي ان ما في منتجات تسبب سد مسام بشره وما يعتمد على اضافة مرطبات هو يعتمد على تجديد الخلايا حتى ترجع سليمه وترطب نفسها طبيعي مو من المنتج يعني يعالج البشره من الداخل مو سطحي وللان ما اقدر احكم 100 % باذن الله راح اضيف راي بعد انهاء الكورس بس حاليا شايفه ما شاء الله فرق بحال البشره وماكملت شهر
المشكله الوحيده بالمجموعه هي التقشير لو ما استعملتي المجموعه صح راح تحصل مضاعفات
لو مشيتي على الجدول النزلته باذن الله ما راح يكون في مضاعفات
وهذا الموضوع مو لاقناعكم لبدايه البرنامج ,هذا خاص للبنات العندهم المجموعه وماواظبو عليها او يعانون من مشاكل منها ومو لاقين احد يساعدهم
تحياتي
