تجاربكم لزيادة ادرار الحليب

[بـ سـ كـ وتـ ة]

اي بغيت أسئلج ... تاخذين أدوية نفاس؟ لهوم أو سفوف لأن يمكن يكون فيهم ميرامية الميرامية تنشف الحليب

 

[Dreamer]

أم مريوم وكلي غلا مشكورين حبيباتي ما قصرتو

 

[Dreamer]

حبيتي إنتي بسكوته ما قصرتي بعد عمري واستفدت واااايد من الرابط وإن شاء الله يزيد الحليب عندي

لا حبيبتي ما آخذ لهوم ولا سفوف ما أحبهم

 

[AM SDON]

انا جربت التمر مع الهرده والرهش
مفعولها عجيب
ولا تنسين الماي تراه مهم مهم للرضاعه

 

[مدمنة ككاو]

شوفي اكوو اشياء واايد تساعد بس لكنها ما تدربشكل رئيسي انتي كثر ما تقدرين خلي الياهل يمص كثر المص اهو اللي يعطي اشاره حق الغده انها تفرز اكثر ولا تشفطييين نهائي الا لمن تسحينه در شفطي مره وحده باليوم بس كافي او اذا حستي صدرج يعورج ويابس شفطي شوي بس عشان ترتاحين بس يقول لج بالبدايه لازم اقل شي تخلين الياهل على صدرج من 8 الى 12 مره باليوم لمدة ربع او ثلث ساعه يعني بالبدياه راح تتعبين بس تحملي شوي انتي قعدي بالوضع اللي يريحج وجابلي البيبي

اما على الاشياء اللي تدر عندج شاي الينسووووووون شي عجيب سحر لا تقولين لي حلبه ولا سمسم ولا رهش
انا ماكان فيني حليب نهائي من الينسون قام يصب الحليب
شربيه دافي كوب مرتين باليوم وادعي لي

 

[Dreamer]

انا جربت التمر مع الهرده والرهش
مفعولها عجيب
ولا تنسين الماي تراه مهم مهم للرضاعه

مشكووورة حبيبتي والله إني جربت الرهش والتمر وما شفت شي ...طيب شكثر كنت تاكلينهم وكم مرة في اليوم؟

 

[Dreamer]

شوفي اكوو اشياء واايد تساعد بس لكنها ما تدربشكل رئيسي انتي كثر ما تقدرين خلي الياهل يمص كثر المص اهو اللي يعطي اشاره حق الغده انها تفرز اكثر ولا تشفطييين نهائي الا لمن تسحينه در شفطي مره وحده باليوم بس كافي او اذا حستي صدرج يعورج ويابس شفطي شوي بس عشان ترتاحين بس يقول لج بالبدايه لازم اقل شي تخلين الياهل على صدرج من 8 الى 12 مره باليوم لمدة ربع او ثلث ساعه يعني بالبدياه راح تتعبين بس تحملي شوي انتي قعدي بالوضع اللي يريحج وجابلي البيبي

اما على الاشياء اللي تدر عندج شاي الينسووووووون شي عجيب سحر لا تقولين لي حلبه ولا سمسم ولا رهش
انا ماكان فيني حليب نهائي من الينسون قام يصب الحليب
شربيه دافي كوب مرتين باليوم وادعي لي

حبيتي مشكورة ما قصرتي راح أجرب الينسون وأشوف وإن شاء الله أطيح على إلي يدر الحليب لي

 

[ملكة الفرس]

الغاليه عليج بالمغات المصري( المفتئه )
و كثري من شرب الحليب مع الحلبه أهوه صج طعمه مو حلو لكن عشان البيبي يهون
شربي 3 أكواب حليب باليوم مع الحلبه يعني فوحي الحليب و حطي فيه قفشتين كبار حلبه و خليه يفوح شوي لمدة دقيقتين و حطي بالمطاره و شربي منه على طول صدقيني وايد مفيد ... و منها ينظف الرحم و راح تنظفين بسرعه...

و أكلي تمر مع الهرده و كثري من اكل الرهش...
و الدهن العداني مع العيش و هذا أحس شي للوحده الوالده ...
و جربي و شوفي النتيجه... راح تشوفين الحليب يدر من صدرج... و العصر سوي لج شوربه بالخضار أو اي نوع شوربه أنتي تحبينها و شربي منها العصر و المغرب و كثري من الجرجير و عصير البرتقال الفرش... صدقيني جربي كل ألي قتلج و بتشوفين النتيجه...

 

[Mednight Rain]

كثر ماتحطينه ع صدرج كثر مايدر
وشربي ماي وحلبة كثري سوائل

 

[راقية باخلاقي]

اب اب

 

[بـ سـ كـ وتـ ة]

دايما أرجع حق موضوعج عشان آنا بعد أستفيد

يزاج الله خير والله

 

[رمانة الكويت]

انا بنتي بالحضانة وكله يبون مني حليب والحليب اللي فيني شوية

قالت لي السستر كل ثلاث ساعات شفطي .. ما ادري بجرب وبجرب تجاربكم بعد

دعواتكم تطلع من المستشفى

 

[برونزية رشيقة]

حبيبتي أناااااااااااااااا على يقين تام أنه سالفة الرضاعة الطبيعية مسألة رزق للطفل..
بتقولين شلون ؟؟؟


يعني إذا الله كاتب له راح يدر الحليب من صدرج وبيشرب زين وبيشبع .. وإذا ما الله كاتب له هالشي حتى لو صدرج يدر حليب وتاكلين زين وحليبتج تشبع .. هو مراح يحبها أو بتصير عوائق أنتي مالج دخل فيها .

أنا حاولت بس ولدي ما يشرب وبعدين تناقص الحليب عندي لحد ما اختفى !!!
بس كنت آكل تمر وايد ، وسمسمية ، رهش ، عصاير طبيعية ، وأشرب ماي قبل الرضعة وبعد الرضعة .

بس مثل ما قلت لج السالفة مسألة رزق للياهل ..

وبعدين روحي قسم الحمل والولادة ترى فيه وحدة كاتبة موضوع مفصل عن الرضاعة الطبيعية تجربتها كاملة .. اقريها يمكن تستفيدين .

 

[TBOOLA]

حبوب الحلبة تنباع بالصيدليه
تدر الحليب بس تزيد الوزن شوي

 

[بـ سـ كـ وتـ ة]

انا بنتي بالحضانة وكله يبون مني حليب والحليب اللي فيني شوية

قالت لي السستر كل ثلاث ساعات شفطي .. ما ادري بجرب وبجرب تجاربكم بعد

دعواتكم تطلع من المستشفى

حبيبتي إذا تبينه يزيد صج استخدمي تقنية الpower bumping

اخذي شفاطين (حتى واحد ينفع بس الأفضل الجهتين مع بعض )وفرغي نفسج لمدة ساعتين مثلا

عشر دقايق شفطي وعشر دقايق وقفي بعدين ردي شفطي وردي ارتاحي

هالشغلة راح تخلي جسمج يحس إن عندج بيبي يوعاااان مو مكفيه الحليب ويزيد إنتاجه

بدعيلج انتي وبنيتج الله يقومها بالسلامة وانتي بعد لا تنسيني بالدعاء إني أستغنى عن حليب البودرة

 

[منو انت]

المـاااااااااااااااااااااااااااااااااااااااااااااي اهم شي ومن بعده السوائل بشكل عام

هالكلام خذيته من دكتوره

 

[Dreamer]

مشكورين حبيباتي على تجاربكم ما قصرتو وإن شاء الله راح أجرب إلي قلتوه والله يسهل علي وعلى إلي مثلي