منو تصرف بضاعتي

[كماشه]

بنات انا افكر اخيط اجله الي تنلبس عند الحموله واكثر شي ماشيه عند القبايل لانهم يلبسون جذي عند الحموله بس المشكله اني مو اجتماعيه كلش فاابي وحده تشاركني في تصريفهم انا اخيط وتحمل التكلفه وهي اتزيد على سعري وتبيعهم تاخذ الي لها وتعطني الي لي والشيال لها اشكال واسعار والفكره ممتازه جدا الي حابه تشاركني ادزلي على الخاص

 

[ღ..عشق ميمون .ღ]

الله يوفقج ويوسع باب رزقج

تقصدين الشالات
وآآب ​

 

[صب القفشه]

اببببببب

ان شاء الله تحصلين اللي تشاركج

 

[misspurple]

اختي شنو يعني اجله؟؟
ممكن تفسرين، يمكن انصير اول زباينج
وموفقة ان شاء الله

 

[كماشه]

الله يوفقج ويوسع باب رزقج ​

تقصدين الشالات

وآآب ​

الله يجزاج خير

اببببببب

ان شاء الله تحصلين اللي تشاركج

مشكوره ياقلبي

اختي شنو يعني اجله؟؟
ممكن تفسرين، يمكن انصير اول زباينج
وموفقة ان شاء الله

هلا حبيبتي عباره عن شيال كبيره تنلبس عند الحموله فيه ساده وفيه مطرزه وفيه شيله له كم يعني تغير عن الشكل المعتاد وحياج الله

 

[om.salem1]

بالتوووفيق حبووبه

 

[احساس ملكه]

وايد حلو مشروعج الحريم الكبار خااصه يحبونهالسوالف خاصه مع طلعه البر والشتا مطلوب حيل

 

[Q8stylle]

ان شاء الله تحصلين اللي تشاركج

 

[فجر_الكويت]

الله يوفقج يارب

 

[رنيـم]

حبيبتي بكم تبيعين الحبه ؟

 

[كماشه]

مشكورين بنات
الي تسال عن الاسعار تختلف حسب الشغل الشيله الساده ب5 والي فيها شغل من 8الى12

 

[chicpicks]

السلام عليكم .. فكرتج واايد حلوه حسب فهمي لها .. يكون مثل الشال العريض ينلبس للاستغناء عن الملفع و العبايه و يغطي نص الجسم و الراس .. اذا غلط .. صلحيلي لاني شفته على مرت حماي واهيا حضريه يعني مو بس عند القبايل ينلبس و كانت فكرته عاجبتني و مثل ما قالاو البنات حتى حق البر و البحر ( يعني بالشاليهات و التنقل ما بينها ) حلو و انا اقدر اوفرلج طاوله بمعرضي لمدة 4 ايام ب 30 دينار .. يعني ببلاااش .. و اللي عندي شراايه و المكان راقي و ابي بضاعه و تطريزات راقيه و حلوه ..

و الله يوفق الجميع

 

[كماشه]

السلام عليكم .. فكرتج واايد حلوه حسب فهمي لها .. يكون مثل الشال العريض ينلبس للاستغناء عن الملفع و العبايه و يغطي نص الجسم و الراس .. اذا غلط .. صلحيلي لاني شفته على مرت حماي واهيا حضريه يعني مو بس عند القبايل ينلبس و كانت فكرته عاجبتني و مثل ما قالاو البنات حتى حق البر و البحر ( يعني بالشاليهات و التنقل ما بينها ) حلو و انا اقدر اوفرلج طاوله بمعرضي لمدة 4 ايام ب 30 دينار .. يعني ببلاااش .. و اللي عندي شراايه و المكان راقي و ابي بضاعه و تطريزات راقيه و حلوه ..

و الله يوفق الجميع

وصفج صح مشكوره حبيبتي المعارض ماقدر اروح زوجي مايرضى اشترك والله يوفقنا ويوفقج متى معرضج

 

[chicpicks]

معرضي ان شاء الله بعد اسبوعين .. يعني عندج وقت تجهزين جم قطعه .. و اقدر اعرض لج شغلج بدوون ما تقعدين في المعرض .. لان عندي بنات شطار في العرض و باشرافي طبعا .. يعني تدفعين الرسوم و تطرشين لي شغلج بس و الله يوفق الجميع ان شاء الله

 

[ام محمد***]

دزيلي اي تفاصيل على الخاص

والله يكتب اللي فيه الخير