زوجي وخطيبته سابقا...

[غلاتي 123]

بنات زوجي قبل لايخطبني كان خاطب بنت عمه باختياره هو
ورفضته

وبعدها امه خطبتني هو ماشافني

انا ماكنت ادري انه خاطب قبلي احد
لين هو قالي
وبنت عمه اصلا رفيجتي

بنات من قالي كرهت البنت وقطعت علاقتي فيها بس هي تتلزق فيني
واخوها مع زوجي دايم

ومرات لما يكون زوجي طالع مع اخوها تدق على اخوها
ويجي زوجي يقولي على نيته انه فلانه دقت على اخوها تبي شغله

بنات انا حتى طاريها وبيتهم كله صرت مااحب اسمعه

بنااااات شالحل زوجي مايفكر فيها بس انا من عرفت
دايم اعصب على زوجي واذا شغل اغنيه اقوله شقصدك

قمت اربط كل شي فيهم

تعبت نفسيا وتعبت زوجي معاي

 

[عشقك وطن]

البنت لو تبيه كان مارفضته من الاساس


وتكرهينها ليه مالك حق صراحه ماسوت لك شي البنت


انتي خففي غيره وقوي ثقتك بنفسك


موفقه

 

[q8dvd2000]

اسمحيلي اختي مكبره المووووضوووع ع الفاضي
يعني لو اهو يحبها واهي تحبه لج حق تنقهرين
بس البنت ماتبيه ولا تحبه
خطبها وماصار نصيب
اختي انتي تصيرين له ؟؟ يعني يمكن اهو خطبها لانها بنت عمه لا اكثر ولا اقل

 

[منووله مشعل]

بالعكس انتي نسيه بنت عمه سواء يبيها او لا ...

انتي بتصرفاااتج هذي تذكرينه غصب حتى لو ناسي انتي تذكرينه ...

سولفي معاه وحاولي تشغلين تفكيرة فيج ...

ولا تجيبين طاري بنت عمه عنده ,,,

وخليج حييييييييييل واثقه بنفسج ولاتعطينه ولا تعطين نفسج التفكير بالمقارنه بينهم ...

والله يجمعكم بخير يارب ...

وتملين عليه حيااته ولا يفكر في احد غيرج يارب ...

 

[shoshowoo]

جذي تنحشينه منج الصراحه خليج واثقه من نفسج واهي الي رفضته تكرهينها ليش بالعكس نسيه بحبج وحنانج ودلعج وشطارتج لا تحاسبينه على كل شي ترا يمل منج ويرجع يفكر فيها
انا ولد خالي كان يلمح ان يبيني واخته كلمتني بس انا رفضت وتزوجت واحد ثاني هالحجي قبل سنتين الحين توه تزوج ومرته مو اوكي معاي لما دريت من اخته ان قايل لها يعني نفس وضعج بالضبط
تدرين ان الكل حتى خالاتي وخواته ينقدون عليها ويقولون ياهل
نصيحه ترا انتي جذي حسستيها ان ريلج للحين يكن لها مشاعر بس لما تضحكين وتسولفين وعادي ماكو شي اهي بتحس ان اهي ولاشي بالنسبه له وانج ماتغارين منها

 

[Fajory]

ترى بتصرفج هذا بتخسرينه وراح يكرهج
انتي حبيه ونسي إياها واذا ياب طاريها خلج عادي ترى الريال ما يحب اسلوب الشك على طول يكره المراه اللي تشك فيه
ولا تهتمين فيها ولا تحرج اهيا باعته وانتي شريتيه حطي ببالج هالشي
وبيني له هالشي انج شاريته و اخترتيه
مرده بينساها بس بشطارتج

 

[G!RLooNa]

اسلوبج مستفز

ليش تكرهين البنت ماكله حلالج؟؟

لو تبي ريلج جان خذته

و اخوها اهيا حره تدق عليه متى ماتبي بعد بتمنعينها تكلم اخوها!!

لا تطفشين ريلج بحركات اليهال هذي

 

[محتارة وبصيح]

خو عادي بعد خطبها وهي رفضت ليش رفضت لو تحبه ما رفضت مافي شي عيشي حياتج

 

[Tulips]

حبيبتي مالج حق اتنفسين على البنت لانه مالها ذنب !

عادي ولد عمها تقدملها ريلج ( قبل ما يتقدم لج ) وماصار نصيب .. وين المشكله بالموضوع

ترا مو زين ريلج يدري انج اتغارين منها ومو من صالحج وراح اتثبتينها بمخه واتخلينه غصب يفكر فيها

لا تخلين مشاعرج تفضحج وتعوذي من ابليس لانه اهو اللي قاعد يوسوسلج ويثبت هالفكره بمخج

وخلي نيتج صافيه اتجاه البنت لانها صج مسكينه ومالها ذنب .. !

 

[LuLiTa]

حبوبة طنشي و لا اتحطين فـ بالج و خلج واثقة من روحج ... و الاهم لا تزرعين افكار بـ راس ريلج عشان ما يلتفت لها .... و البنت لو تبيه جان خذته لانه تقدم لها و كانت موجودة جدامه

 

[Miss-Madry]

اسمحيلي


حدج مكبره الموضوع ..!

اهي لو تبيه ماردته وخلآص اهو مآيبيهآ وخذآج انتي

مآلادآعي الي سويته تكرهينهآ وتحقدين ..اهي مآخذته منج ..!

صيري ذكيه وحطي زوجج بعيونج .. عشان لآيطآلع مني ولا مني ..

وردي علآقتج معآهآ عآدي .. ومآلآدآعي تعصبين عليه مسكين اهو ماله شغل

لانج الحين قطعتي علاقتج بتطلع اهي بالزينه وبتكلمج وادق وبجذي بينتبه زوجج لهشي ويحس انهآ سنعه ..

لآتخلين احد يخرب عليج بيتج


والله يوفقج ويسعدج يآرب

 

[رواضي قطر]

عادي ماايفكر فيهااا ولا هي تبيه طنشي

 

[aloooya]

لا اتعبين نفسج على اشياء مالها داعي و التفكير يتعب

 

[كويتيه مذهله 87]

بجذي راح تمللين الريال وبيفكر فيها من تصرفاتج وهو ولا داري عنها

فالافضل تتعوذين من ابليس وتحافظين علي بيتج تري ما أولمج لو انا مكانج اسوي اكثر بس الحين خلاص ريلج يحبج انتي وهذا اهم شي

 

[سكوتي بذوقي]

اهي لو تبيه

وافقت عليه من الأول

مافيه شي بينهم لاتخلين الوساوس تخرب عليكِ حياتك

ولاتتغيرين عليها خليكِ طبيعيه

 

[ريميه حلوه]

تعوذي من الشيطان وانسيها انتي بكذا تعلقين زوجك فيها اكثر ثم عاد
تصير الطقه براسك والله الغيره نهايتها خراب بيوت

 

[freakiya]

بصراحه انتي مكبره الموضوع و كل المواضيع اللي قاعده تربطينها من مخج حبيبتي لا تهدمين بيتج بايدج ترا الغيره تذبح

 

[هولنديه اياكسيه]

ماازيد على كلام البنات شي
والله يوفقج

 

[الغلا النووووري]

ههههههه شكلج حيل محتره
حبيبتي نسيه البنت وبعدين اهو ماذكرها عشان تنسينه البنت
ع العموم اكلي قلبه بتصرفاتج وطبعج بس اكيد يكون من قلبج مو حركات لعانه وترا الغيره الزايد تهدم بيوت حبيبتي تعوذي من ابليس ترا ابليس منيه حياته يخرب بين الازواج ولاتفتحين عيون زوجج ع البنت ترا الشرع حلل اربع
وبالعكس اخلي تصرفاتي مع البنت عادي لانها لو درت راح دزيت تصرفاتها وتشيب في راسجج
والله يهديج ويخليلج زوجج......

 

[FeShinGoOo]

اسلوبج مستفز

ليش تكرهين البنت ماكله حلالج؟؟

لو تبي ريلج جان خذته

و اخوها اهيا حره تدق عليه متى ماتبي بعد بتمنعينها تكلم اخوها!!

لا تطفشين ريلج بحركات اليهال هذي

اي والله

امبيه انتي مو طبيعيه اختي وايد مكبره المووضوع اشدعوه عليج قطعتي العلاقه بالبنت وكرهتيها شمسويتلج تكفين .. حبيبتي صفي نيتج مع الناس مو زينلج جذي والله

وترى زوجج لو تبيه جان وافقت عليه يعني بس واضح انها شايلتها من راسها يعني البنت ماكانت موافقه عليه حتى ولا كان عاجبها بعد ليش كارهتها ؟؟

لو كانت تبيه واهو رفضها اقول هاا معاج حق بس واضح انها عايفته شكو مكبره الموضوع ؟؟