طريقتي اللذيذه بالبتر جكن Butter chicken بالصور لاتطوفكم :)

[Cute mama]

بسم الله الرحمن الرحيم



شلوونكم كويتيات الطباخات السنعات ^_^

حبيت اكتبلكم طريقتي بالبتر جكن

انا عن نفسي وايد احبها ولذييذه

وياريت اللي تمر عالموضوع ماتبخل علي بالرد لاني تعبت وانا اطبخ واصور وانزل الصور لول



بتر جكن ( Butter chicken )

اولا .. نقطع صدور دياي مكعبات وانقعهم نص ساعه بقفشة ثوم مهروس وقفشة زنجبيل مبشور ونص قفشة كمون ورشة فلفل اسود وقفشة كزبره ناشفه او يابسه ( ملاحظه .. مو لازم تلتزمين بالبهار اللي انا حاطتهم بس لاتكثرين وايد بهار يصير طعمها مو شي )
( وملاحظه ثانيه .. لاتحطين ملح لانه البهار نفسه مالح )

عقب مانقعتهم نص ساعه اقليهم بنص قلاص زيت نباتي

وبعدين اشيل الدياي من الدهن

بعدين بنفس الدهن اللي قلينا فيه الدياي نحمس قفشه صغيره كزبره ناشفه وقفشه صغيره كمون وقفشه صغيره فلفل احمر ومكعب ماجي

ما اطول وايد على طول اول مايذوب مكعب الماجي احط بصله وسط او كبيره اكون مقطعتها

ولا توقفين ايدج قلبي بالبصله على شان لاتحترق

تااابع بلييز لحد يرد ......
​

 

[Cute mama]

عقب ماحمست البصله انطرها تذبل بعدين احط فوقها​

قفشة ثوم مهروس

​

وقفشة صغيره زنجبيل مبروش

​

واكون مقطعه 4 طماط كبار واغطي الجدر واخفف النار تقريبا نص ساعه ليمن يذبل الطماط
انتي كل شوي حركي فيهم واذا حسيتي انه الطماط نشف زيدي عليهم شوية ماي او اذا حبيتي بدال الماي حليب جوز الهند

​

​

بعدين اطفي النار واخليه يبرد شوي
وبعدين احطهم بالخلاط وشغلي الخلاط على اقوا درجه ليمن يصيرون نفس المرق بس ثقيل
بس اذا حسيتي انه وايد ناشف ظيفي شوية ماي او حليب جوز الهند

​

وبعدين ردي الصوص اللي بالخلاط الجدر وردي شبي النار تحته​

يتبع ........​

 

[Cute mama]

عقب مارديت الصوص عالنار حطيت فوقهم نص زبده

وعقب ماتذوب حطي شوية معجون طماط تقريبا قفشه صغيره

وشوية كريمة تقريبا قفشتين كبار
انتي ذوقيها شكثر تبين كريمه فيها

واخر شي حطيت فوقهم الدياي اللي قليته اول شي خليته على نار واطيه وسكرت الجدر ليمن تتسبك الطبخه
وسوي معاهم عيش ابيض

وبسسسسسس


لاتشوفون المقادير وايد ترا حدها سهله ولذيذه

وصحتييييييين ":*

​

 

[Cute mama]

اللي مافهمت كلمة مرث يعني مرق بس بدليه لول
​

 

[جارة القمر]

Cute mama


تسلم ايدج

 

[فـدوه]

تسلم ايدينج شكلها لذييييييييييييييييييييييييييذه, بس انا اخاف وايد من الزبده فبحط اقل. مشكورة

 

[om.googi]

تسلم ايييييييييييييييييدج .. انا حتى بدال الزيت بحط زبدة .. الزبدة غيييييييييير يم يم .. أنطع

بس مو جنه فترة التنقيع شوي ؟؟​

 

[Cute mama]

cute mama


تسلم ايدج

الله يسلمج حبوبه
​

 

[Cute mama]

تسلم ايدينج شكلها لذييييييييييييييييييييييييييذه, بس انا اخاف وايد من الزبده فبحط اقل. مشكورة

الله يسلمج حبوبه
بالعكس كل ماكثرتي زبده كل ماصارت احلا
بعدين مايأثر مره وحده اكلي هالمره زبده
​

 

[Cute mama]

تسلم ايييييييييييييييييدج .. انا حتى بدال الزيت بحط زبدة .. الزبدة غيييييييييير يم يم .. أنطع

بس مو جنه فترة التنقيع شوي ؟؟​

الله يسلمج :*
اي حلاتها بزبده وايد بس لاتقلين الدياي بالزبده لانه يطول يبيله يمكن نص ساعه والزبده تحترق بسرعه ماينفع تقلين فيها الدياي
​

 

[Mini-wife]

يعطيج العافيه
وتسلم ايدينج
حدها سهله وانا مستصعبتها قبل

خوووووش وصفه

 

[Cute mama]

الله يعافيج حبيبتي منمونه
أي حدها سهله والحين أنا قاعده أطبخها لول

 

[krkooora]

عليج بالعافيه ما يصير نسويها سبايسي ؟؟ شحط اذا ابيها سبايسي

 

[Cute mama]

امبلى يصير
لمن تنقعين الديائ حطي نص قفشه فلفل أحمر

ولمن تحمسين البهار بالدهن زيدي شوي الفلفل الأحمر
إذا تعرفين بهار هندي اسمه مآسيلا حطيه بعد يعطي نكهه حلوه

 

[al-3azeza]

ايبااااااا انا ماحب الاكل الهندي بس بصةرج حبيته واااي شكلي مسويته كسويته

 

[شندوخه]

ماشاءالله شكلها يونس
بسويها باقرب فرصه تسلم اييدج

 

[Cute mama]

ايبااااااا انا ماحب الاكل الهندي بس بصةرج حبيته واااي شكلي مسويته كسويته

Looool ee lathitha a9lan 6a3mha mo nafs el2akl elhndy 3ala shan chethy gltlkm latkathron bhar t9ir mo 7lwa ana tawny sawet-ha 7a6et ma3aha zbda kamla 6la3aat wayd a7la mn eln9 zbdaa

 

[Cute mama]

ماشاءالله شكلها يونس
بسويها باقرب فرصه تسلم اييدج

Allaah ysalmch 3asola w thanks 3almoror

 

[أميرة الورد]

حركات كيوتا تسلم ايدج شكلها لذيذة وان شاء الله لما أعاود نشاطي المطبخي بسويها

 

[ABEER FLOWER]

Cute mama

ياهلااااااااا
من زمان عنج من زماااااااااااااان ماشفت نكّج الحلووو

تسلم إيدينج على هالطبق الشهي
يمي يمي

: )​