السلام عليكم ورحمة الله وبركاته
*الحمدلله الذي اطعمني هذا الطعام ورزقنيه من غير حول مني ولا قوة*
نجهز التتبيله الي نبي ندهن فيها الدجاجه
ملعقة اكل بهارات مشكله+ ملعقة اكل فلفل اسود+ شوية كركم+ شوية كمون+ ملعقتين اكل كاتشاب+ ملعقة خردل(ماسترد)+ ملعقة معجون طماط+ عصير ليمونه+ نص قلاص ماي القلاص الي استخدمته قلاص الجبن الكبير)+ ملعقة اكل ملح.
ملعقة اكل بهارات مشكله+ ملعقة اكل فلفل اسود+ شوية كركم+ شوية كمون+ ملعقتين اكل كاتشاب+ ملعقة خردل(ماسترد)+ ملعقة معجون طماط+ عصير ليمونه+ نص قلاص ماي القلاص الي استخدمته قلاص الجبن الكبير)+ ملعقة اكل ملح.
نخلطهم عدل وعقب ندهن فيهم الدجاجه ونخلي التتبيله تتخلل اجزاء الدجاجه
ونحطها بالصينيه وندخلها الفرن الي مشغلينه من فوق وتحت ساعه بالضبط وعقب نكشف القصدير ونخلي الوجه يتحمر لمدة عشر دقايق او ربع ساعه والفرن شغال من فوق وتحت
وهاذي الدجاجه عقب ما طلعناها..يمي يمي
ونجي للعيش
اول شي انصح باستخدام هالنوع من الفطر...العلالي..جنه فرش وحبته كبيره.
نحمس بصل بالزيت ليما يتشوقر وعقب نضيف الثوم ونحمس ونحرك ونحط نص ملعقة اكل بهارات مشكله + نص ملعقة اكل فلفل اسود+ شوية هيل مطحون وشوية كمون مطحون وشوية كزبره مطحونه وورق غار ومكعب ماجي وملح ونحمس عدل
نضيف الفطر عقب ما ننشفه عدل عن الماي ونحمس ليما يتمازج مع البهارات عدل
وعقب نضيف ماي حار مجهزينه على الحمسه ونحرك حمسة الفطر
وعقب حوالي عشر دقايق ولما يطبخ الجدر نكت العيش ...الي غسلناه ونقعناه بماي دافي لا بارد ولا حار لمدة ساعه
واول عشر دقايق نعلي على النار وعقب نوطي عليها حيل ونسكر الجدر بقصدير ونخلي العيش يتناشف من الماي ويستوي على البخار على نار هاديه
ولا جهز العيش نرش وجهه بماي ورد منقع فيه زعفران ونخليه دقايق يتشرب ماي الورد والزعفران
ولا جهز العيش نرش وجهه بماي ورد منقع فيه زعفران ونخليه دقايق يتشرب ماي الورد والزعفران
نجي للحشو
نحمس بصل بزيت ليما يتحمر وعقب نضيف له شرايح المشروم ونحمس عدل ليما يتحمش الفطر ونضيف له ملعقة فلفل اسود وشوية ملح..بس لاتضيفين بهارات على الحشو
نبي بس طعم الفطر المميز بدون تغيير..بس معاه فلفل اسود ..يخليه ناااطع
نبي بس طعم الفطر المميز بدون تغيير..بس معاه فلفل اسود ..يخليه ناااطع
جذي
ومن قريب
والحين نجي للنجاااب
تفضلوااا
ننجب العيش اللذيذ
ونحط عليه الدجاجه المحمشه
وننثر على الوجه حشو الفطر اللذيذ
رجاءن بكمل حبيبااتي,,لحد يرد لو تكرمتوا
رجاءن بكمل حبيبااتي,,لحد يرد لو تكرمتوا
