رد: شنو بيقولوون عننا ناسبنا عبــيــد !!
الاهل رافضين خلاص بركة الزواج برضا الاهل اذا ما تمت الرضا احس من وين بيجي التوفيق اذا الام والاب موراضين ؟!؟
صح ولا لا
يا أختي الغالية الحبيبة كنـا اكتفينا بالتعليق على هالنقطة من دون لا نتطرّق لمسألة الألوان أبيض و أسود و نجلس نضحك و نتستهزء
أ تعيب النّقش أم النّاقش ؟
المسألة الحين أخطر من إننا نستهزء بالناس ,, المسألة الآن إننا نستهزء و ننتقص ( صنع الخالق )
يعني شوفي مين خصمك ,, رب العالمين جلّ في علاهـ لأن كلامك عبارة عن استهزاء بصنعه و خلقته .. !
كلامك استهزاء صريح يا الغالية و يعوّر القلب ..
والله ما أقدر أجاملك حتى ما أخدعك أنتِ أخيتي المسلمة وربي يبي يحاسبني على كل كلمة أقولها
يا الغالية أنـا ما أبي يجي اليوم آللي تكونين في موضع عظة و عبرة للناس
ما أبي يجي اليوم آللي يقولون الناس فيه ,, توتا الكتكوتة احترقت الله لا يبلانـا مسكينة صار ت مشوّهة ( أبيك تحطين في بالك تصوّر لهذا الموقف الحين )
مثل ذاك الشاب آللي حط عيوب ببنات خلق الله و بالأخير جاهـ ابتلاء من رب العالمين خلاني أنـا و أنتِ و كل الناس ترتعب و تآخذ منه موقف عظة و عبرة ..
كان بالإمكان إنك تعالجين الغلط و الهوشة آللي صارت بين البنات بطريقة صحيحة ما توقعك بمحظور شرعي
طريقة صحيحة ما تستوجب غضب الله و سخطه عليـنا و بالتالي عقوبته ,,
ليه نعالج الغلط بالغلط ,, لما تعورني إيدي أروح أضرب راسي بالجدار ,, والله عشان ألم راسي يغطّي على ألم إيدي
هل هذا منطق إني أعالج الغلط بالغلط ,, بدل لا أخليها مشكلة و أعالجها سوويتها مشكلتين و توهّقت بعلاجهن ثنتينهن ,, ><
الله يهدينا و إياكن أخواتي الحبيبات و الدنيا ما تسوى نتهاوش على شي تافه و سخيف مثل هذا ,,
حرام يا بنات حرام اتقوا الله ,, يمكن وحدة من ذوي البشرة السمراء قرت الردود و الإنتقاص آللي صار و رفعت إيدها و دعت علينا
و الحين حنـا بالثلث الأخير من الليل و الله جلّ في علاهـ يتنزّل للسماء السابعة هل من سائل فأعطيه ..
و تخيلن تخيّلن إن ربي أجاب دعوتها علينا و حلّت بنا العقوبة قسمًا بالله وقتها ما تنفعك يا ليت .
