السلام عليكم ورحمة الله وبركاته
مادري شنو تعتبرون الكلام الي بقوله لكم مشكله او فضفضه بقولكم شغله انا ماحب اكون مغفله والخبله.
انا متزوجه وعندي ولد وزوجي يحبني على كلامه ومن ناحية البيت مايقصر. من ناحية الفلوس مايقصر يعطي. طلعات وهالسوالف مايحب ويقول ماله داعي السوق اذا ماتبين شي ونادر مانطلع. في شغله ابيها وابجي جدامه واحتر واقعد اترجاه واهو قادر عليها بس مايسويها لي كله يقول بعدين صارله جم سنه وكل مره يقول بعدين والشغله اهي الي كسرت حبه بقلي.
الحين نجي حق السالفه رجلي كذا مره شفت له سوالف وانا قتلكم فوق اني ماحب اكون المغفله.
مره قاعده اشوف اي فونه ودشيت الواتس اب بشوف اخر البرودكاست وشفت اسم ريال بس اخر المحادثه كاتب (متى نمتي) بطلت المحادثه وطلعت بنيه كلمت رجلي بالموضوع وتصورو انكر وقال انتي تتوهمين حمدالله والشكر مو صاحي قنله انت بتنكر بس ماتعرف وصارت سالفه وكسرت تلفونه (اهو عنده تلفون و اي فون) وزفيته ودرت ظهري ونمت وهذي السالفه صارلها 4 ايام وانا ماكلمه الا اذا ابي شي واهو يعتذر ويقول اسف بعدين يقولي هذي مو بنت وبعدين يرد يقول خلاص نزوه وبس واخر مره وصدقيني ماكلمها بس ابي برودكاست وبعدين يعتذر وبعدين يرد يقول مو بنت يعني كلامه تشرهون عليه وصج اهو مسح رقمها جدامي وقالي خلاص. انا سكت وفي هذي ال4 ايام ماكلمه. وجا اليوم الخامس الي اهو اليوم جا من الدوانيه ودش الحمام (و انتو بكرامه ) خذيت تلفونه وشفت المكالمات ماكو ولا مكالمه منها بس لمن دشيت اللوقو شفت رقمها ومكلمها قبل امس انصدمت شلون واهو قايلي انه ماسحه. طلع من الحمام وجيته وريته وانصدم اني ماسكه التلفون وانا اكلمه حذفت التيلفون وكسرته وطقيته حيل ويحاول يهديني ويقولي والله احبج المهم صار طق حيل مني واهو عصب وطقني بيدافع عن نفسه وقالي ترا هذي مره عيوز وتصبغ نكات بالتوك (البالتوك محادثه صوتيه) خذيت خطه وكسرته. وراح الدوام وخذيت رقم البنت وضفتها عندي وكلمتها وطلعت تصبغ نكات ومره كبيره واحلفتلي انه ماتعرفه وانه رجلي محترم وتعتبره نفس ولدها. بس انا ماصدقت يمكن اهو قايل لها.
هسترت وطقيته بردت جبدي وما اتعب نفسي بس لمى تكونين مغفله هذا شي ثاني انا ماحب اكون مغفله احتر واجد.
الحين قولولي شنو اسوي شلون اقوله انه غلطان
انا تعبت من الحرات الي بقلبيانا قتله نفس ماتخون راح باجر تصير خيانه من اهلك.
