تخطي عقبات الحمل مع دودي كيوت

[دودي كيوت]

ونجي الحين حق ترطيب البشره ونبدا بالوجه وشلون نحافظ عليه من النمش والتصبغات المرافقه للحمل....
من افضل الخلطات والاقنعه للبشره خلطة الكركم والفازلين ومن مميزاتها توحيد لون الجسم وتخفيف اثار النمش وتفتيح البشره مع استمرارية استخدامها

يعجبني فازلين جونسون بس كلها نفس الشي لكن اهم شي انو هالخلطه ماتحطينها الا وانتي بظلام يعني افضل وقت لما تنامين لان الفازلين في النور يسمر وبعد الزيوت نفس الشي لازم يكون ظلام
ولما تصحي الصبح تغسلي وجهك بصابونة البابايا او اي صابونة تناسبك وتقدري تستخدمي هالخلطه لعدة اماكن غير الوجه و لكامل الجسم او الاماكن الغامقه فيك
واستمري عليها حطيها بعلبه جنب سريرك وكل ليله حطي قليل منها ...

الحين نجي لاروع الاقنعه وافضلها والكل يعرفه .... اللي هو قناع اللبن الزبادي والخيار
وطريقته ملعقتين زبادي مع حبة خيار مقشوره وتخلط بالخلاط وتوضع عالوجه مع وضع شريحتين خيار عالعين وتترك ربع ساعه وتشطف بالماء وبعده نضع ماء الورد عالبشره ...

قناع بياض البيض

لتنضيف المسام والتفتيح ... طريقته نخفق بياض البيضه وندهن جميع اجزاء الوجه ماعدا المنطقه المحيطه بالعين والشفايف ... نضع طبقه كافيه وننتظر قيلا ثم نضع طبقه اخرى وبعدها نضع مناديل كلينكس عالقناع ونرجع ونضع طبقه من القناع فوق الكلينكس ونكثر الكميه وبعدها نسترخي في هدوء تام حتى يجف تمااااااااااااااااااما ونشيل القناع راح تلاحضون انو حتى الرؤوس السواء بتطلع وبتكون متعلقه بالمنديل ونغسل البشره بماء فاتر وبعده ماء بارد

واخر قناع واسهلها هو قناع النشاء

اولا ندهن البشره بقلييييل من زيت الزيتون وبعدها نخلط ملعقتين من النشاء مع قليل من الماء حتى يكون قناع ثقيل ونتركه عالبشره ربع ساعه او ثلث ونشطفه بماء فاتر

كذا خلصنا من افضل الاقنعه ولاننسى انو اللي المسام عندهم واسعه يستخدمون الليمون مع خلطاتهم ليشد البشره ويغلق المسام .

برب:eh_s(7):

 

[دودي كيوت]

رحت آكل نص تمره وكاس حليب ورجعت لكم :eh_s(22):

صبايا سمعتوا بالعلاج بالصدمه :eh_s(10): اكيد سمعتوا .... بس علاجنا اليوم غير وصدمتنا غير وكثير منا يعرفون هالطريقه بس مدري ليش مايسوونها ومهملينها دايم مع انو نتايجها والله روووعه

اليوم راح نعالج البشره بصدمة الماء البارد ... وهالطريقه يعتمدونها الكوريات كثير عاد تعرفون الكوريات وبشراتهم الوااااااااااااااو

مثل ما انتو شايفين بالصوره نضع كمية ثلج مناسبه وبعدين نضيف الماء تقريبا كوبين وننص وبعدها ندهن الوجه بطبقه رقيقه من زيت الزيتون لنحمي البشره من صدمة الماء البارد وبعدها نغطس الوجه بالماء بالبداية راح تحسي بقشعريره بسبب برودة الثلج ... شويات وترفعين راسك وتاخذي نفس وترجعين وجهك بالماء البارد وتضلين على قد ماتقدرين ولو ماتتحملينه تقدرين تغطسين وجهك وتطلعينه بسرعه بس ورا بعض ولاكثر من مره ... حبيباتي الماء البارد مفيد جدا لتحريك الدوره الدمويه وشد البشره وتصغير المسام والوقايه من التجاعيد وراح تلاحظي وجهك مشرق ووردي بعد ماتخلصي طبعا تجففي وجهك بفوطه معقمه وشوفي شعور الانتعاش ما اروعه اللي تحب تضيف للماء والثلج بعض قطرات الليمون او قليل من ماء الورد راح تكون الفائدة اكبر ...

 

[دودي كيوت]

نتكلم الحين على الحفاظ على العين من الاجهاد
والخضروات بجميع انواعها تحتوي مواد مضادة للاكسده وهالمواد تعمل عمل النظاره الشمسيه بالنسبه للعين

يتوفر مركبا "كاروتينويدز لوتين" carotenoids lutein و"زياكسانثين" في الخضروات ذات الأوراق الخضراء كالسبانخ والشمندر والملفوف، وهي مواد لها خصائص معززة لحاسة البصر، وتقلل من مخاطر الإصابة بالضمور البقعي لشبكية العين...

وماننسى التوت والجزر واللوز لاحتوائها على مواد مضاده للاكسده

&&&&&&

ماننسى استخدام زيت الخروع لرموش طويله وكثيفه ..قبل النوم نضع طبقه من الزيت بالماسكرا وننام فيها

والفازلين له دور بعد في اطالة الرموش وتغذيتها تاخذي مسحه بسيطه على طرف اصبعك وتدهني فيها الرموش وتنامي
وفيه مقاطع كثير باليوتيوب توضح استخدام الفازلين للرموش

والحين استاذنكم تعرفون الوحم معذبني وربي بس حبيت افيدكم ومابي والله الا دعاكم لي وان البيبي يطلع سليم معافا ... وان شاء الله لي عودة وراح اكمل معاكم للاخر بس على اجزاء لانو اتعب وابي انام .. اعذروني خواتي

 

[دلوعت مودها]

ياقلبي الله يقومنا جميع بالسلامه ... وانتي لازم تركزين على نوعية اكلك وقت الحمل لان من اكبر مسببات تساقط الشعر اثناء الحمل نقص الحديد وتمدد الدم ونقص البروتين وفقر الدم

ركزي حبيبتي عالخضروات اكثر شي وحاولي يكون اكلك متوازن... وجربي الموز للشعر روعه وزي ماقلت انو عشبة الاس تقلل تساقط الشعر جربيها .. وفيه كمان الجرجير
تاخذي حزمة جرجير كامله وتحطيها بالخلاط مع كمية زيت مناسبه لشعرك وتخلطيها عدل وبعدين تضعينها على شعرك فيه ناس يصفون الزيت لوحده بس افضل تحطينها كلها وراح يكون تنظيف شعرك صعب بس نتايج الجرجير روعه
ولما تكوني فاضيه باي وقت اعملي تدليك لفروة راسك باطراف اصابعك ويارب تبشريني وتقولين خف التساقط

مشكوووووره :eh_s(7):ويعطيج العافيه ماقصرتي بجرب واقولج عالنتايج...

 

[دودي كيوت]

صباح الخير عالصبايا الحلوة ...

اليوم راح نتكلم عن العنايه باليدين وباسهل الطرق ....

اولا... ناخذ كمية من عصير الليمون والسكر الخشن وندلك بهما ايدينا لتخلصها من جميع الرواسب والجلد الميت

ثانيا .... نحضر انائين يحتوي الاول على ماء دافيء ماءل للحراره( على قد ماتتحملين حرارته ) والثاني يحتوي ماء شديد البروده

-نضع قليل من الزيت في راحة اليد وندهنها جيدا .... ثم نضع ربع ملعقه صغيره بكنج صودا على الماء البارد ... وملعقتين ليمون على الماء الدافي

الحين نبدا ....
بالتدريج نضع ايدينا في الماء الدافي حتى نغطيها بالكامل ونتركها بضع دقايق

ونخرجها بسرعه وندخلها الاناء الثاني لاتنسو لازم الماء يغط اليد بالكامل

ونعيد الكره حتى تعتدل عندنا حرارة الماء وبرودته ... يعني بالبدايه ( دافي-بارد-دافي-بارد-دافي-بارد) ورا بعض

وبعدها نجفف اليد بفوطه نظيفه

ونضع كميه من نيفيا

انا وهالنيفيا اصحاب بقووووه ومستحيل في شي بروعتها
وتلبسي قفاز ترطيب

وتقدري تستخدمي اي نوع قفاز عندك المهم انو تحافظي على ترطيب اليد مده اطول




....... بـــــــــرررربــــــ اليوم عن جد تعبانه كثير .... اكمل لما اخف شويات

 

[Q6RYA]

تسلمين موضوعج وايد حلو كملي متابعينج وانشالله تولدين بالسلامه والله يرزقنا الحمل السليم والذريه المتعافيه ياربي

 

[دودي كيوت]

تسلمين موضوعج وايد حلو كملي متابعينج وانشالله تولدين بالسلامه والله يرزقنا الحمل السليم والذريه المتعافيه ياربي

الاحلى مرورك ياقلبي :eh_s(22): ويارب يرزقنه الذريه الصالحه ويسلمو ع مرورج يالغاليه

 

[دودي كيوت]

رجعت لكم حبايب ألبي :eh_s(22):

راح نكمل العنايه باليدين ....

سألو خبير تجميل صيني كيف نقدر نعرف عمر المرأه الحقيقي.....
اجاب ...: انو مع تقدم العلم وانتشار عمليات التجميل صار صعب نحدد العمر الحقيقي للمرأه ولكن يوجد شي مهما حاولت اخفاءه لابد ان يظهر عمرها الحقيقي او الفرضي....
تدرون وشو ؟؟؟
قال...:
انظرو ليد المرأه مهما حاولت ان تخفي تجاعيدها ومهما قامت بحقنها لابد ان تظهر سنها ...
وبيني وبينكم كثير بنوتات اعمارهم صغيره لكن لو نظرتي ليدها فكرتيها بنهاية الخمسينات

مفروض مايخلا بيت من الليمون .. بكل الوصفات الحلوة نلاقيه معتلي القائمه....
فمثلا .. تدليك الاظافر بالليمون يعطيها اللون الابيض الرائع ويقويها ...
ويعقم اليد ويزيل الرواسب

كريم مغذي لليدين :
كوب جلسرين ونص كوب ماء ورد ...
يكون معك بكل مكان رووعه والجلسرين يعمل مثل المغناطيس ويجذب الرطوبه لليدين






الفازليــين:
ضعي كميه من الفازلين بداخل قلفزات المطبخ واثناء الشغل راح تعطيك القلفزات حمايه والفازلين ترطيب ...2 *1

ومن وقت لوقت لازم نسوي حمام زيتي لليدين للعنايه بالاظافر وعمل المانيكيير


وعمل مساج من وقت لاخر لليدين يجعلها اكثر شبابا

 

[دودي كيوت]

باك حبايبي :eh_s(2): اليوم مرا تعبانه يارب هون علينا وخفف هالوحم والله ان عندي الولاده افضضضل من الوحم ..

المهم نكمل مع بعض.....
تكلمنا عن اليدين والعنايه بهما بشكل مختصر....وبافضل واسهل الطرق...
عاد حنا حوامل مالنا حيل ..

اليوم نتكلم عن اكبر واهم مشاكل الحمل .... اللي هي التشققات
كنت بحط صورتها بس والله لاعت كبدي منها يوم نسختها بلاش احسن مابي الوع كبودكم...
انا الحمدلله ما اعاني منها وبقول لكم على طريقتي ..
اولا...اهم شي زبدة الشيا الخاااااااام مع زيت الزيتون

تخلط بنسبة ثلثين زبده وثلث زيت وتستخدم بعد الشاور بكميه كبيره وخاصه على منطقة الصدر والارداف والفخذين ومنطقة الذراع تحت الابط...

بالمرز الكاكاو كنت لازم يوميا ادهن البطن والاردف منه وعلى فكره انا من اول شهر بالحمل اهتم بالزبده لانو لما تكون البشره رطبه دايما ماراح تتشقق مهما تمددت بعدين ..

هذا بالنسبه لتجنب التشققات مع الحمل ....

&&&&&&&&&

المنظقه الحساسه :

تتعرض اماكن كثيره بالجسم للاسمرار اثناء الحمل ... طبعا يرجع السبب لتغير الهرمونات ....
يعني لاتكثرو من التقشير والفرك بيعطيكم نتيجه عكسيه ...

استخدام محلول المر لتنظيف المنطقه الحميمه كفيل بتنظيفهاوتعقيمها

طريقته ... بعلبه فاضيه ضعي مقدار ملعقه من المره المطحونه وملعقه ملح خشن وكاس ونص ماء مغلي ..وتترك لتنقع يوم كامل وتحطيها جنبك بالحمام وقبل لاتطلعي من الحمام كل مره تاخذي قطنه وتعبيها من المحلول وتمسحي المنطقه الحميمه ... راح تلاحظي الفرق مع الوقت نظافه بياض..

وديتول العنايه الشخصيه يوم بعد يوم


الحين خلاص ماعاد اقدر اكتب شي اليوم تعب وغثيان :eh_s(16): اكمل معاكم الحلقه الجايه
دعواتكم لي ...ولكم بالمثل

 

[Dalal.al3tibi]

كشخي ولدج بمهادات ذربة وغريبة
سعري اقل من التاجرات والتوصيل مجانا
بعض مهاداتي غير متوفرة عند التاجرات
للطلب على الخاص واي استفسار انا حاظرة
كل موديل عليه السعر ورقم الموديل
باقي التفصيل بعد ماتقررين الي تبينه
لصورة اكثر وضوحا راسليني على الخاص

 

[أصايل2]

اب
اب
اب

 

[كتالونيه]

يعطيج العافيه
عالمووووضوع الرائع

 

[أبكاني ذنبي]

المووضووع روووعه

حييل عجبني


يعطيج العافيه

 

[جــوريــه]

يعطيج العاااافية ي قلبي

 

[Meeesh]

روعه
مشكوره عالمجهود

 

[نور دنياه]

مشكووره على الموضوع المميز

متابعينج :eh_s(15):

 

[أفا ياكيف]

الله يجزاج خير حيل استفدت من الموضوع

 

[اعشق فهاوتي]

مشاء الله جهود تستحق الشكر والتقدير
اب اب
الله يعطيج العافيه

 

[ام اغلى الناس]

روعه يعطيج العافيه

 

[ملاك الأمل]

موضوعك روووووووووووووعة
اكتب وانا لايعة جبدي بجد اشتهيت حلاوة مص احسها بتخفف حييييييييييييييييييييييييييييييييييل ..
انا دايم اعتمد ع العلك لكن حتى هذا كرهته
آه الحمدلله رب العالمين الحمدلله الحمدلله الحمدلله ..
لا اعتراض يارب ..
لكن الحمل متعب جداً .. ..