كل تقولنا كم مره جوها حمولتها لما طلعت من المستشفئ ....!؟

[ريوومتي حياتي]

صباح الخير حبايبي

بالنسبه لي مرتين وبعدها مادقوا وحتئ دويات للنفاس ماجابو لي ...!؟
للعلم هذي اول حفيدي لهم ....

 

["*آآآنؤؤؤقهـ*"]

انا كل يوم جوني فديت اقلوبهم

٣ ايام بالمستشفى ،،

وخالتي ماقطعت عنيي تجيني بالاسبووع ،، في بيتنااا

وطرشلي اكل انفاس ،،


ودايم يسالون عني وعن بنوتي ،،


وللعلم مثلج اول حفيييده ،،

 

[ريوومتي حياتي]

هلا وغلا
كنت والده والحين حامل

 

[ريوومتي حياتي]

اقصد حفيده لأني شابگه من فوني وكله بدليات

 

[انثى الكويت]

انا مادري للحين شنو وضعي

بس اختي اهل ريلها يولها مرتين بالمستشفى

وبالبيت ما ييو ولا مره

اهو الصراحه مافضل يووون البيت ي الوحده بتاخذ راحتها

بس تلفون يدقون ويسالون

يعني كلها اربعين يوم مو الا يشوفوني كفايه تلفون وريلي يوصل لهم اخباري انا والبيبي

 

[ريوومتي حياتي]

حتئ تليفون مايدقون يعني اول حفيده لهم المفروض امه كل يوم مقابلتني تشوفها حفيدتها ولحد يومج هذا الوضع عاادي عندهم مااشوفهم يحبونها حييييل

 

[بربيره]

انا يوني يومين بالمستشفا و يوم سويت استقبال بالبيت

واصلا مو واجبهم ييبون اكل نفاس و توني اسمع ان في ناس تييب اكل نفاس لازم الوالده اهلها يضبطونها

لا تظايقين نفسج يمكن يبون يريحونج ولا تحكمين عليهم تو النااااسسسس وانتي الي تعززين بنتج بطريقة كلامج عنها

الطريقه الي تعاملينها و تدلعينها و تلبسينها اهي الي بتجذب الناس لها

 

[A7la-SmiLe]

بالمستشفى كانوا معاي واول اسبوعين يووني
ويتصلون بين فتره والثانيه يسألون​

 

[!الجادل الصعب!]

ياحبكم للطلايب.. !
شكو يقابلونج كل يوم ماعندهم اشغال ماعندهم حياه!!
واول مره ادري ان الحموله يجيبون ادويه للنفاس..،
عيشي حياتج ولا تراقبين من جا ومن راح تتعبين عالفاضي !!!!

 

[om MaRyooM]

يولي مرة وحدة لمدة خمس دقايق لوول

وعمي للحين مابارك ولا يه يشوف حفيدته


و لله المشتكى لوول . .

بس عاادي طنشي الحياة حلوة

 

[ريوومتي حياتي]

المشكله مو هني حبايبي انغث لما مايهتمون بحفيدتهم وعقبها بثلاث اشهر ترقدت بالمستشفئ وكانت تعبانه بنتي حيييل ومحد دق ولا طل علينا ليش ماتنقهرين ولا قعدت قدام الناس ياحياتي ياعمري وتبوس فيها بس بالصجيه ماتشوفينهم ليش انا مو حسبت بنتها ولا بس ايام الخطوبه انتي بنتي ومدري شنو خلوها ع الله *

 

[زين ودلال]

يوني المستشفى مره او مرتين موذاكره بالضبط

وعقب لما رحت بيت اهلي خالتي يتني مرتين والمره الثانيه خالتي واهل زوجي يو

واكل النفاس اهم مو ملزومين اييبون هذا اهل المرا اهم اللي يوفرونه مالهم شغل اهل الزوج

وانا كنت ادق على خالتي وخالتي ادق علي بعد

وخالتي الود ودها تيي كل يوووم تشوف بنت ولدها بس ماتقدر تصعد دري خالتي مره كبييييره الله يحفظها

 

[زين ودلال]

المشكله مو هني حبايبي انغث لما مايهتمون بحفيدتهم وعقبها بثلاث اشهر ترقدت بالمستشفئ وكانت تعبانه بنتي حيييل ومحد دق ولا طل علينا ليش ماتنقهرين ولا قعدت قدام الناس ياحياتي ياعمري وتبوس فيها بس بالصجيه ماتشوفينهم ليش انا مو حسبت بنتها ولا بس ايام الخطوبه انتي بنتي ومدري شنو خلوها ع الله *

اكيييد قهرررررر الله يعينج النفاق مشكله بس شتسوين

قولي الله لايحدني عليهم ان شاء الله

الله يهديهم ان شاء الله ويصلحهم :yaaaaaarb:

 

[HaMboOoSha]

لووووول لما اولد أبلغكم

ضحكني الموضوع

بس اللي بيزور والا يتطمن اكيد من المحبه والخوف والمحاتات وحبهم للحفيد

اما اللي ما يزور ولا يتطمن ولا يدق ولا يبارك فهذا شي راجعله فلا تتضايقوون
كل شي توقعووه من الحموله

يسلمووو عالموضووع

 

[عسل النحل]

الواجب بس ايون في المستشفى واستقبالج والادويه مو ملزومين فيها هذا الي اعرفه وعى فكره الناس الحين مو فاضيه معاد لها خلق على شي يالله يالله اتسوي الواجب هذا رايي

 

[الحسن كله]

انا جوني مره وحده بالمستشفى ومره وحده بالبيت اما أدوية الانفاس هم شكو؟؟ الله يخلي الوالدة وخواتي
وانا نفس الطريقه مع حريم اخواني مره بالمستشفى ومره نعطيها هديتها بالبيت وبس ليش رايحين رادين ماله داعي المره نفاس ومانبي نتعبها
بس سالفة المستشفى صج تحرررر يعني حتى لو مو اول حفيده المفروض يمرونها المستشفى او على الاقل يسالون مو حلوه جذي

 

[ruby13]

لوووول انا نفسج حزه الخطبه انتي بنتي واغلا من بنتي وهلكلام بس درو اني حامل من اول اسبوع الكويت كلها درت ونزل علي دم وتعبت وانغثيت منهم ليش تحجو فيني ومن درو شنو فيني هم الدنيا كلها درت يعني ماعندهم سر ويسألون ويتدخلون ابكل شي بس اذا فيني خير خل اسأل عن شي اخصهم اطلع ملقوفه و ابلغ شفي وللعلم بنتهم تزوجت وانا معاهم ابنفس البيت ماقالولي الا يوم الملجه وبعد ما ملجو يعني الغريب درى وانا مادريت والحين بنتهم حامل وبالرابع ولي يومكم ماقالولي دريت بالصدفه ماقول غير حسبي الله ونعم الوكيل

 

[ام الحلوااات]

بــــولادتــــي الاولـــــى يــــونــــي مـــرتـــيــن عــنــد اهـــلـــي وبـــولادتــــي الــثــانـــيـــه يـــونــــي مــــره بـــيـــت اهــلـــي
بـــس عـــادي اهـــم شـــــي ريـــلـــي مـــو مــخــلــيـــنــي والــبــاقــي بـــســلامــتــهـــم مـــن يــا حــيــــاه اللـــــه ومــن راااح اللـــــه يـــســتـــر عــلـــيـــه لــيــش اضــااايـــق عــمـــري وهــم مــا درو عــنـــي​

 

[دآنة آلرشآيده]

جوني بالمستشفى مره وحده
ولما طلعت جتني خالتي مرتين بالبيت بروحها
ومره مع حمواتي

عمي جاني بالمستشفى ولما طلعت
البيت جاني مره وحده ​

 

[دآنة آلرشآيده]

ياحبكم للطلايب.. !
شكو يقابلونج كل يوم ماعندهم اشغال ماعندهم حياه!!
واول مره ادري ان الحموله يجيبون ادويه للنفاس..،
عيشي حياتج ولا تراقبين من جا ومن راح تتعبين عالفاضي !!!!

هههههههههههههههههههههههه
:d:d​