بنات امانه ,,,,, تلقيحي باجر

[جوهرة بأخلاقي]

الي اعرفه لما سويت التلقيح طلبت مني الدكتورة اشرب ماي بكثرة قبل ايام التلقيح وفي
وقت التلقيح رحت الحمام عزكم الله والدكتورة هي الي طلبت مني بعدين سوت لي تلقيح
وطليت نص ساعه وبعدها بيوم سويت جماع طبيعي زيادة فرص وذكر ان حللت بعد 12
يوم من التلقيح تحليل منزلي طلع خط وكان موعد تحليلي بعده 10 ايام لمارحت سويت
تحليل دم هرموني طلعت حااامل يعني يادمعة حزن لاتستعجلين والله يرزقك ويفرح قلب
كل متأخرة عن الحمل نفس حالتي

 

[سري المكنون]

دمعة حزن امبلا سالتها على المثانه لان تدرين صار عندي تضارب في المعلومات ف قالت لي لا احسن شي انج ايتي مليانه

قالت هذا يساعدنا على التلقيح ,, وانا في اثناء اهيه تلقح قالت لي كحي بعدين اجر نفس 3 مرات و الله ما ادري يمكن علشان يسحب السائل المنوي داخل ؟؟؟

و الله يكتب لنا يارب و شكرا لكم بنات انكم دعيتوا لي

 

[دمعة^حزن]

عيون الريم مشكوره حبيبتي على المعلومه وانا صج استعجلت حيل بتحليل انشاالله الخير لي ربي يكتبه لي وسري المكنون يارب يتمم لج على حير دربالج اول خمس ايام انتبهي لنفسج

 

[هيبة ملك]

الله يرزقج ياقلبي

ويارب تبشرينا بحملج

 

[برونزية رشيقة]

اقري سورة البقرة قبل العملية ..
وأكثري من الاستغفار .. أقل شي 100 مرة باليوم
ودعاء سيدنا زكريا ( رب لا تذرني فردا وأنت خير الوارثين)

وسوي أللي تقولج عليه الدكتورة هذا رأيي..

وعسى ربي يرزقج الذرية الصالحة عاجلا غير آجلا يارب العالمين.

 

[برونزية رشيقة]

بنات سويتها و بعد هال 14 يوم شيصبرنا اياهم

و الله احس انهم 14 سنه موب 14 يوم ,,,
انشاء الله خير

و الله يرزقكم بنات و بخصوص الي دعولي

سوري توني أقرا ردج ..
اسأل الله العظيم رب العرش أن يكتب لج الحمل السليم المعافى يارب العالمين ..

هلله هلله بكثرة الاستغفار ..

أستغفرالله

أستغفرالله

أستغفرالله

دشي واقري الرابط مال توقيعي عن تجارب الناس مع الاستغفار..
شي عجييييييييييييب

واقري نصايحي للأخت غدير أنور بموضوعها بسوي عملية طفل أنبوب للمرة الرابعة .. طبقي النصايح طوووووووول ال14 يوم

لا تتحركين نهائيا ألا للحمام وأنتي بكرامة هذا أهم شي ..
ولا تشربين مشوربات ساخنة.. وخللي نفسيتج حلوة ومستنانسة ترى يؤثر عالحمل .. إذا ضاق خلقج وقمتي تحاتين ترتفع الهرمونات وما تحملين الله لا يقوله.. يارب يكتب لج الحمل:yaaaaaarb:

 

[سري المكنون]

مشكوره وايد اختي برونزية رشيقة

و الله انج ريحتيني بمشاركتج و هو احنا شنو عندنا غير رب العالمين نلجاء له

و ربي يكتب لكل محرومه الذرية الصالحة ,,,,

استغفر الله و اتوب له

 

[دمعة^حزن]

بشريني عنج شلونج الحين تحسين بعوار صح ببطنج عادي شي طبيعي ارتاحي ولاتجهدين نفسج جم يوم باقي علي الاربعتج علشان تبشرينا يارب يكتبلج الحمل ويرزقج بذريه الصالحه يارب العالمين

 

[سري المكنون]

دمعة حزن انا امس طول اليوم تشنجات ,,,,

حتى ريلي ايه يقرب مني علشان تزيد فرص الحمل

بس ما خليته خفت ,,,

و انتي شنو صار معاج

 

[دمعة^حزن]

هم انا كان نفس اعراضج واول خمس ايام ماقدرت اسوي ولا شي مع رجلي معن الدكتوره قالت كل ماسويتو شي زادت فرص الحمل بسيت ابرة التفجير عادي ترا بس اول خمس ايام بعدين عوار خفيف موفقه يارب ودربالج علي نفسج واستخدمي التحاميل بوقتهم اهي عطتج تحاميل ولا حبوب انا عطتني تحاميل لمدة ١٥ يوم

 

[زوجة عزيز]

الله يرزقج بالذريه الصالحه

 

[سري المكنون]

بنات انا عرس اخوي الاسبوع الياي وهذا اخوي عرسه قعد ننطره صار لنا سنيين و انا قايلتله و الله لرقص في عرسك رقص

المشكله محد من اهلي داري اني سويت عمليه تلقيح

و لحد الحين ما شريت فستان و ريلي يقولي ما تروحين للعرس يقول احنا مو يوميه نسوي عمليات طبعا اهو من خوفه علي

بنات في مشكله اذا رحت للعرس انا راح احاول اني اقول لهم اني مريضه


بس شلون اقنع ريلي ان ما راح ياثر على العمليه اذا رحت للعرس

هذا اخوي مو اي واحد

 

[دمعة^حزن]

عادي روحي شدعوه مارسي حياتج طبيعيه بس لاترقصين واجد رقصه وجده وتكون على الخفيف حبيبتي هذا اخوج وبعدين التلقيح عادي مو نفس طفل الانابيب او التلقيح المجهري محتاج راحه اكثر موفقه يارب

 

[سري المكنون]

المشكله لان انا جربتها مره و ريلي قالي لان انت ما اهتميتي بنفسج ما صار حمل

و الله الحين البيت عفيسه محلفني اذا تحرك من مكاني حتى كله من المطاعم اييب لنا اكل
المشكله ان احنا ماشاء الله في ضيوف دايما ايونا طيب العالم شمعرفهم ان انت عندج وضع خاص
غصبن على الواحد يقوم

 

[دمعة^حزن]

حبيبتي جيبي خدامه نص دوام تنظف وترتب وانتي ارتاحي تخيلي اول يوم سويته كنت مرتاحه وام رجلي ماتصعد محد يصعد فوق عندي يعني كنت اشوي مرتاحه الي سبحان الله صعدت عاد انا اعفس طبعي ورجلي هم يعفس بس قبل ما ننام ارتب الصاله وانظف وانام يومها صعدت انصدمت بالوضع خذت علي فكره اكس اليوم الثاني تسوالف مع حمواتي وتقولهم انها صعدت ولقت شقتي عفيسه شنو تفشلت من ثاني يوم صرت ماخلي عفيسه اقوم وارتب ميت مره وغير غسيل الملابس والله محد يعذر ولايقدر انتي ارتاحي ورحي عرس اخوج جم يوم يكون لج مسويته *

 

[دمعة^حزن]

سري المكنون حدي مستانسه توه كلمت دكتورتي اول ماصكره طريتي علي بالي قلت ابيج تستانسين معاي قلتلها على العوار الي صوب اليسار تقول اغلبيت الي يجيهم عوار صوب واحد يعني في حمل قلت لها انا حللت مو حامل جان تقول تو الناس احسبتها لي قالت سويتيه ١٢ حللي ٢٧ ويكون تحليل هرموني رقمي امانه ادعولي احس متفائله خير محتاجه دعائكم

 

[منو انت]

بنات انا عرس اخوي الاسبوع الياي وهذا اخوي عرسه قعد ننطره صار لنا سنيين و انا قايلتله و الله لرقص في عرسك رقص

المشكله محد من اهلي داري اني سويت عمليه تلقيح

و لحد الحين ما شريت فستان و ريلي يقولي ما تروحين للعرس يقول احنا مو يوميه نسوي عمليات طبعا اهو من خوفه علي

بنات في مشكله اذا رحت للعرس انا راح احاول اني اقول لهم اني مريضه


بس شلون اقنع ريلي ان ما راح ياثر على العمليه اذا رحت للعرس

هذا اخوي مو اي واحد

مبروك ياقلبي عرس اخوج بس نصيحه لوجه الله حافظي على نفسج يعني خلي وجودج بالعرس بدون اي جهد وقولي انج ماتقدرين تتحركين حييل لانج تعبانه شوي بس اهم شي تحضرين عرس اخوج لو اغلب الوقت تكونين على الكرسي واذا على البدله اخذي شي ناعم جاهز وزوجج راح يسمح تروحين لو حلفتي له انج ماراح تجهدين حالج

وموفقه يارب

 

[سري المكنون]

و الله يا دمعة حزن انج فرحتيني يارب تكون اعراض حمل
يا ختي انت استعيلتي في التحليل ادري ما في صبر

انشاء الله توجهي لربج الكريم و يارب يكتبلج الحمل

 

[درة أهل الطولات]

الدكتورة ادرى بشغلها

 

[سري المكنون]

مبروك ياقلبي عرس اخوج بس نصيحه لوجه الله حافظي على نفسج يعني خلي وجودج بالعرس بدون اي جهد وقولي انج ماتقدرين تتحركين حييل لانج تعبانه شوي بس اهم شي تحضرين عرس اخوج لو اغلب الوقت تكونين على الكرسي واذا على البدله اخذي شي ناعم جاهز وزوجج راح يسمح تروحين لو حلفتي له انج ماراح تجهدين حالج

وموفقه يارب

و الله هو انا راح اسوي جذي راح احلفله ان ما راح اتحرك

اهو حرام حبوب بس اهو خايف علي يقول يمكن اييلج الحماس و تنسين نفسج