اتمنى اني اكوووووون جامعيه ..

[مدرسة حبك]

مرحبااا

هذه اول مشاركه لي

بنات
انا عندي مشكله مسببه لي عقده نفسيه
اللي اهياااا
الدرااااااااااسه



انا تزوجت بعد ماخلصت الثانويه
حاولت ادخل الجامعه بس ماقبلوني
لانه نسبتي ماتأهل

:eh_s(16):

حمملت وجبت

وكل سنه اقدم على الجامعه ومايقبلوني

ريلي يقول
دشي معهد اي شيء بس خل العقده تروح منج
:eh_s(16):
بس انا مو راضيه
ابي تكون شهادتي جاامعيه

بناااااات
والله يجيني احساس انه مالي داعي بالمجتمع لانه شهادتي ثانويه عامه
كل اللي حولي
ماشاء الله عليهم
متخرجين من الجامعه واللي يدرس
الله يهنيهم

احس نظرت المجتمع حق اللي ماكملت
انه
غير مثقفه


:eh_s(16)::eh_s(16)::eh_s(16):

 

[مدرسة حبك]

ااااااب

 

[سكوتي بذوقي]

حاولي تدخلين انتساب بعدين تحولين إذا عندكم هذا النظام

الله يوفقك يارب ويحقق امنيتك

 

[مدرسة حبك]

حاولي تدخلين انتساب بعدين تحولين إذا عندكم هذا النظام

الله يوفقك يارب ويحقق امنيتك

:eh_s(16):

ماعندنااا

 

[Tom ♥ Jerry]

,


حبيبتي مو كل جآمعيه مثقفه و لا كل مثقفه جآمعيه : ) !

حطي هالشي في بآلج و ثاني شي ,، سبحآن الله محد ياخذ الا نصيبه بالدنيا
يعني شوفي شنو الله كآتبه لج و آهوة آلخير لج ,!
سواء تكونين جآمعيه و لا شهادتج متوسطه و لا ثانوية عآمه ,، :*

ترا الشهاده عمرها مآ آتييب رضى الناس .،
و لا اتييب الـ رضى عن النفس و الراحه و طمأنينه البال .،

توكلي على الله و لا تصعبين الأمر عليج آكثر .!
يعني لا تطوفين الفرص آكثر و لا تطولين الوقت و يروح عليج ,،

روحي دآومي بالمعهد و اشتغلي ،
و ترا الجآمعه مآلها شغل بالثقآفه ، آوكي اهيه صج تثقف .!
بس ياماو ياما جآمعي مآ له بالثقافه شي ,!

الثقافه تقدرين تحصلينهآ بطرق ثانيه غير الجآمعه ،
تقدرين تتثقفين بالكتب مثلا .,!


و الي الله كآتبه لج رآح يصير لا تضيقين خآطر نفسج ولا خآطر ريلج آكثر
و تقعدين تحنين و ترنين على هالسالفه ,!
يا قلبي كلا نصيب من الله و ارضي بـ نصيبج و الي الله عطآج اياه !
مو تقولين هاذي عندها شهاده وانا لا .!
و هاذي جذي و انا لأ .!

ترا من راقب الناس مآت همآ .، و كل وآحد ياخذ نصيبه من الدنيا

 

[tbola]

الحمدالله انج خلصتي الثنوي هذا اهم شي

انزين ماتقدرين تروحين جامعه خاصه؟ او شي

 

[ام مشعل المطيري]

نفس الاحساس بس انا ماوقفت عند شي معين
شوفي الله يسلمج درست معهد وتوظفت
وبعد اربعين سنين فكرت اعيد رابعة وانا الحين سجلت مسائي

 

[co0okies]

عادي حبيبتي سجلي جامعه خاصه يقبلونج ان شالله

 

[Basho0o0ory]

قرار ممتاز الله يوفقج
بالنسبة للجامعات عندنا بالكويت شكثر جامعات خاصة
ولا تخلين أحد ينزل معنوياتج. ..

 

[بنت ديرتها]

دخلي حبيبتي جامعه خاصه !!

او معهد سنتين بعدها كملي والله يوفقج

 

[قاهره عذالي]

عيدي الثانويه
واخذي نسبة
ودشي الجامعه
هذول حريم كبار ومتزوجات معانا ويدرسون وحققوا هدفهم
والله معانا حريم بالاربعينات والثلاثينات

 

[♥حــ{حــلآ}ـرب♥]

حبيبتي دخلي جامعه خااااصه مثل ماقالوا البنااات
بعدين آكثر الي ناااجحين بحياااتهم ماااعندهم شهااادات جااامعيه
تيب خذي دورات( ثقفي عمرج )
والله يسعدك غلآتــي
​

 

[~ بنت الهدى ~]

نفس الحاله حاسه فيج بس شسوي العين بصيره و الإيد قصيره

ان شاء الله السنه الجااايه

 

[رجااوي]

دخلي انتساب عن بعد

 

[ما كو اسم]

هذا تفكيرج انتي ومقياسج للناس وله الناس عمرها ما انظرت هالنظره

 

[أم سليمان دشتي]

حبيبتــــي "مدرسة حبك"

روحي الله يوفقج يارب ويحققلج طموحج
انا عن نفسي انصحج اذا نسبتج تساعد دشي تربية اساسية تطبيقي (تعتبرين جامعية لان نظام 4 سنوات) والوظيفة مضمونه
بس اذا انتي مو ميولج تدريس دشي تكنلوجيا همن بكالريوس 4 سنوات وتعتبرين جامعية

او اذا عندج امكانيات مادية دشي خاص والله يوفقج يااااااااارب

 

[عادت ذكرياتي]

دشي جامعة خاصة او عيدي رابعة ثانوي أهم شي توصلين لهدفج ... وهالشي لنفسج مو لرضا الناس

 

[Ray.Bana =$]

دشي تطبيقي رفعي معدلج وحولي للجامعه

 

[a7la-elbanat]

حبيبتي ماله شغل الثقافه بالشهاده
ياما ناس جامعيين ومخهم فاضي وتافهين
وناس ماكملو وتحسين واعين بامور الدنيا
وعموما عزيزتي باجر لي اشتغلتي ماراح يطالعون شنو شهادتج ولا شنو عندج جامعيه ولا ثانويه او دبلوم
كلنا متساوييين وربي المجتمع كلش مايفرق من هالناحيه

 

[ذوق الرياض]

لا تتعلمين عشان الشهادة نصيحة أنوي التعلم لله واذا ما حصل ينكتب لك أجره أن شاء الله , خيره يمكن اللي كتبلهم ربي الدخول بالجامعة أحوج منك