يومياتي مع وجباتي

[بــسبوســه]

السلام عليكم
حبيت اكتب يومياتي عشان الكل يستفيد وعلشان اتشجع واكمل الي بديته
أنا صارلي سبوعين مقلله اكلي وضعفت 3كيلو بس مع رياضه لأني مشتركة بنادي

راح اصورلكم وجباتي كل يوم وجم ينزل وزني كل سبوع
للعلم
البداية كان وزي 93يوم الاثنين 9/5
الاثنين 9/12 وزني91.3
الاثنين 9/19 وزني 89.7 ماشاءالله
ان شاء الله يوم الاثنين الياي احط وزني
يارب اضعف بصحة وعافيه وانتو بعد

 

[ركاب الأصايل]

بدايه مووفقه ماشاءالله..

الله يووفقج وتضعفين بصحه وعاافيه..

 

[بــسبوســه]

بدايه مووفقه ماشاءالله..

الله يووفقج وتضعفين بصحه وعاافيه..

مشكورة والله يوفقج انتي بعد

 

[بــسبوســه]

للأسف مو قادرة انزل الصورة إدش على موقع الرفع بس ماتتفعل لتحميل الملف
يمكن لأني شابكة. من اي باد

على العموم ريوقي اليوم
كوب حليب خالي الدسم
قطعة شابورة مع جبن فيتا
بيضه مسلوقه

اشوووفكم على الغدا

 

[كيكه توفي]

موفقه ان شاءالله

 

[شيخة الغراشيب]

الله يثبتج ويثبتنا وياااج ويقوي عزيمتنا يارب

 

[بــسبوســه]

موفقه ان شاءالله

مشكورة حياتي

 

[بــسبوســه]

الله يثبتج ويثبتنا وياااج ويقوي عزيمتنا يارب

امين يااااااااارب

 

[بــسبوســه]

اليوم تغديت صدر ديايه بالفرن مع جم قفشة عيش ومرق من خمس لي ست قفاش
العشا ٢ كيوي

رحت النادي نص ساعه رقص شرقي وساعه الا ربع مشي وساعه رياضة ماي

الحمدالله عدى اليوم سهالات
باجر موعدي أوزن وشوف قياساتي
يااااارب ضعفانه مع أني مخربطة الجم يوم الي طافو

 

[sheraZia_Q8]

ما شاء الله عليج وايد حلو النزول
ان شاء الله لمن اخلص اشتراكي بكالوري كنترول راح ابلش اسوي رجيمج لان عجبني
بالتوفيق بالميزان اليوم

 

[بــسبوســه]

ما شاء الله عليج وايد حلو النزول
ان شاء الله لمن اخلص اشتراكي بكالوري كنترول راح ابلش اسوي رجيمج لان عجبني
بالتوفيق بالميزان اليوم

مشكورة حبيبتي وانا ناطرتج عشان نشجع بعض

 

[بــسبوســه]

اليوم ريوقي توستتين مع شريحة رومي وقطعة جبن فيتا وكوب حليب خالي الدسم

 

[بــسبوســه]

اليوم رحت وزنت ولا ناقصه نص كيلو يالله الحمدالله صار وزني ٨٩.٢ لأني. اسبوع الي طاف مالتزمت عدل وكليت وجبات سريعه
اليوم الغدا كفته مع خمس قفاش عيش ونص قوطي بيبسي
العشا ماكو عشا

الرياضه ساعه رقص شرقي وساعه مشي
واشوفكم باجر

 

[ركاب الأصايل]

اليوم رحت وزنت ولا ناقصه نص كيلو يالله الحمدالله صار وزني 89.2 لأني. اسبوع الي طاف مالتزمت عدل وكليت وجبات سريعه
اليوم الغدا كفته مع خمس قفاش عيش ونص قوطي بيبسي
العشا ماكو عشا

الرياضه ساعه رقص شرقي وساعه مشي
واشوفكم باجر

ماشاءالله حييل:eh_s(9): حلوو

يالله استمرري ولاتخربطيين..

وانصحج بالمشي حييل ينفع:eh_s(15): ويساعد ع النزول بسرعه

مووفقه يارب..

 

[برستيجي مآركة]

موووفقه حبوبه

 

[دلع طفوله]

حلو نظامج بالتوفيق

 

[مرايم2009]

موفقه حبيبتي​

 

[فجر_الكويت]

ان شاء الله تضعفين بصحه وعافيه يارب