يومياتي مع كارلتون دايت في البحرين.,.

[بحرينيه كشوخيه"]

بالتوفيق حبيبتي ومتابعتك

آمين يارب متابعه ممتعه

 

[بحرينيه كشوخيه"]

ياقلبي الله يعينج وإن شاء الله توصلين للوزن الي تبينه بأقل من 4 شهورر
بس أكلهم شوي ههههه
ان شاء الله بعافيه ..
متآبعييينج

آآمين يارب

خخخخخ أي والله صدقتي بس ربج كريم

الله يعافيج متابعه ممتعه

 

[بحرينيه كشوخيه"]

أبسوي رررجيم وتخفيف يعني أنا مو متينه ولا مربرربه
بس لايعه جبدي احس طلع لي زنود وكروشه
وانا مابي ويع
الله يعييينآآ

سوي تخفيف ياقلبي ليش ماتسوين

وسوي تمارين بطن وركضي وبخف جسمج إن شاء الله

 

[بحرينيه كشوخيه"]

بسم الله نبدي

سناكي كان عباره عن كاسترد جوكلت حلو وفرش بس جنه نفس طعم دانيت شكيت



لذيذ



خذته ساعه خمس والغده كان 2 والسلطه 2 ونص

عشاي كان لذيذ ومشبع عباره عن توست أسمر قطعتين ستيك وشريحه جبن وبيض شرايح وديج رومي شريحه وضفتله كاتشاب وكان معاه خس وطماط ومخلل كلوه عني أمي وبنت اخوي عليهم بستين ألف عافيه وتفاحه خضرى من اليوع كليتها كلها



قبل مابطله طبعا أنا أصورلكم وبعد



والحمدالله على نعمه إلي نعمها علينا ربي وإن شاء الله باجر اوافيكم بلبوكس اليديد

 

[غــلآ]

ماشاء الله استمري

بس فعلا كلامج عن علي الظن

سيئ
انا رجيمه سبب لي جفاف في الكليه


وان شاء الله يارب تنزلين بالف صحه وعافيه ومعدل 20 كيلو ب 4 شهور معدل حلو بس احس تقدرين توصلين له بروحج بدون خساير طبعا بالاراده

 

[بحرينيه كشوخيه"]

ماشاء الله استمري

بس فعلا كلامج عن علي الظن

سيئ
انا رجيمه سبب لي جفاف في الكليه


وان شاء الله يارب تنزلين بالف صحه وعافيه ومعدل 20 كيلو ب 4 شهور معدل حلو بس احس تقدرين توصلين له بروحج بدون خساير طبعا بالاراده

حبيبتي يابعد روحي إن شاء الله بنت ديرتي

وسلامات سلامات ياقلبي لاباس إن شاء الله

الله يعافيج أي وايد حلو وصح كلامج ممكن أنزلهم بروحي بلأراده بس انا ماقدر لازم حد وراي

ووايد يمدحونهم وجفت قطقط حبيبتي وعنيد وتشجعت ويله الله ييسر الأمور

 

[sheraZia_Q8]

بالتوفيق حبيبتي

 

[مرايم2009]

موفقه جبيبتي​

 

[شندوخه]

بطله ياكشوخيه
استمري ولاتخربطين
وننطر باجي اليوميات

 

[فلبينية عبدة]

بالعااااافية حبيبتي

 

[كريستال]

الله يوفقج وتنزلين للوزن اللي تحبينه

 

[بحرينيه كشوخيه"]

بالتوفيق حبيبتي

آمين يارب

 

[بحرينيه كشوخيه"]

موفقه جبيبتي​

آمين يارب وعجبني توقيعج وايد

 

[بحرينيه كشوخيه"]

بطله ياكشوخيه
استمري ولاتخربطين
وننطر باجي اليوميات

فديتج حبيبتي

إن شاء الله
من عيوني

 

[بحرينيه كشوخيه"]

بالعااااافية حبيبتي

فديت إلي متابعين أنا

الله يعافيج

 

[بحرينيه كشوخيه"]

الله يوفقج وتنزلين للوزن اللي تحبينه

آمين يارب حبيبتي تسلمين

بنات شنو سالفه قوقل مايشبك أبي أحملكم الصور من موقع تحميل وماعندي لنكه واعرف أسمه بقوقل وموراضي قوقل يشبك شسالفه

 

[RoO7ii.T7bic]

بالعاااافيه حبيبتي

ان شاء الله تنزلين الكلوات اللي تبينهااا

متااابعه لج ان شاء الله

 

[بحرينيه كشوخيه"]

بالعاااافيه حبيبتي

ان شاء الله تنزلين الكلوات اللي تبينهااا

متااابعه لج ان شاء الله

الله يعافيج حياتي

آآآمين يارب

متابعه ممتعه

 

[بحرينيه كشوخيه"]

ريوقي اليوم كلته بطريج للمدرسه وماصورت لنه ماعندي الفون وهذا ريوق باجر وايد أحلى من اليوم كان كروسان جوكلت حلو والله بس شكله مال باجر احلى على العموم الأكل اليوم وايد أحلى من امس

الريوق


سوري بس ماقدر أشيل القرطاس من البوكس ويتعرض للهوى ويخرب

غداي كان حلو الباستا جنها مالت المطعم الأيطالي وشوربه موحلوه بس ضفتلها ليمون صارت أوكي



سلطتي الجرجير كانت حلوه وبلدريسنق احلى بوايد


سناكي أول واحد جريب فروت تالي كلت روب الفراوله أحبه



وتعالو بقولكم قصه السناك الثالث إلي ليحين خاطري فيه مفن جوكلت

رحت ساعه 5 باكله مالقيته دورت دورت ناديت الخدامه إله تقولي اخوي ماكله عليه بستين ألف عافيه بس هذا أكلي ودايت ومحدد مايصير ياكلون منه بس سويت طاف ومشيت


عشاي كان هامور محطوط بصوص لذيذ وناطع عجبني بس ملوحته خفيفه حيل ومع عيش وخضره عجبوني بس الخضره موناضيه كفايه





وبجذي كملت معاكم اليوم إلي كان وايد ألذ من امس وحسيت بتنوع والكميه اكثر

وكليت من برع البوكس عشر حبات مشاوي ميني وقهوه كوب ورطبه وحده زفوني عشان أتأدب

 

[قطوووة]

يااااااااااا رب تنزلين بصحة ؤعافية متااااابعينج

بس صؤري كل شي ؤناسة يصير

بالتؤفييييييييق